Vuu ɓɔɔ zang nwangsɛ Yɔhana 1:18 - Nyaa Shɔɔ Ɓɔɔ Laa a Ɓɛɛ

¹⁸ Nkɔ ti zang ɓɔɔ ningkãari ɓɛɛ. Bɛ̀ɛ́ n vɔ katɔ, a kãntang keɓe, n kaa ningkãari dòndòng. Saka ɓɔɔ zang puu nyaa gãa zang ɓɔɔ daa nɔng vɔrɔ nɛɛ ɓɔɔ koo rɛɛ suru, ka naa mɛɛ kɔ.

Vuu ɓɔɔ zang nwangsɛ Yɔhana 1:18 Σταυροειδείς Αναφορές

Matiyu 11:23

A ɓɔɔ manɛ, zang Kafanahu, zang naa tuu nɔɔ ditɔ ka lapa ya? Kpang. Zang naa tasɛ nɔɔ ka yeti waa bang kɔ jong. Zang nɛ̀ɛ́ palɛ vuu bang kɔ zang mã naa ka danggn ɓee, ka Sɔɔdom, zang Sɔɔdom ri nɛɛ doogn diki keɓe.

Matiyu 16:19

N ti naa tusu mɔkɔ naa ɓɔɔ mɔɔ tusu zang gbalang, zang zirɛ nɛɛ Laa kɔ Kpanti ɓɛɛ. Vuu ɓɔɔ mɔɔ bɛ̃ɛ ka koo keɓe piti, zang bɛ̃ɛ ɓi katɔ kɔ doori ka lapa. Vuu ɓɔɔ mɔɔ kasɛ ka koo keɓe, zang ti kasɛ ɓi katɔ kɔ doori ka lapa.”

Luka 24:5

Zang soro keɓe ri kaa vɔrɔ dɔɔli, a ri ɓaa yuu ka dii. A zang varɛ bìí ri hɛ̃ɛ ri nɛɛ, “Ka ruu vi nɔɔ kãa zang ɓɔɔ Suru kagn bii ɓiɓɛ ka nɔng ɓɔɔ zang gbãa vɔrɔ viya?

Yɔhana 11:25

Yeesɔ kɔɔ wu tɔɔ, “Nkɔ wisi zang paa nɛɛ sàa, nkɔ ti a zang suru bii. Zang ɓɔɔ nɛɛ shing danggn ka bii mɛɛ, náa vɔ doori, nwáng ningkãari ditɔ tɔkn.

Yɔhana 14:19

Diki yaa kaa tɔkɔlɔng bɛ̀ɛ́ zang koo ri zi m takpang. Nɔɔ zi m manɛ katɔ, ka ruu ɓɔɔ, n naa nwang ningkãari, nɔɔ naa nwang ditɔ ningkãari jong.

Rooma 6:9

Ruu zi tɔ, vɔrɔ palɛ Kirisi vuu ɓɔɔ ɓi takpang. Yeesɔ vɔrɛ, a zang wisi wu paa tɔkn ningkãari, vɔ ɓi takpang.

2 Koranti 13:4

Ka ɓɔɔ zang ɓaa wu naa ka laa, bɛ̀ɛ́ lakɛ naa ka bii kpang, a nwàng ningkãari kãntang keɓe nɛɛ naa vuu palɛnang Laa. Ka ɓɔɔ ruu ɓakɛ zɔɔ nɛɛ wu ɓɛɛ, ruu lakɛ naa doo ka bii kpang kɔ. Vuu ɓɔɔ ruu naa palɛ nɛɛ nɔɔ, ruu naa ɓakɛ yuu kaa nɛɛ Kirisi, ruu walɛ naa vuu palɛnang Laa kati, ruu palɛ nɔɔ shonang nɛɛ mani.

Galati 2:20

Zang ɓaa m naa m tɔ laa nɛɛ Kirisi, ɓi tɔ̀ɔ́ nkɔ nwang ningkãari kpang. Ɓi kaa Kirisi ɓɔɔ ka bii mɛɛ kɔ nwang ningkãari. Nwannang kɔ n nwang kãntang ɓee, n nwang m kaa nɛɛ danggn ɓɔɔ n shing ka bii Jaa Laa ɓɔɔ kasɛ m, a á zang yuu ɓiɓɛ, nɛɛ zang nyɔ wu vɔrɔ ka ruu mɛɛ ɓɛɛ.

Kolosi 3:3

Ka ruu ɓɔɔ, nwàng ɓi naa ɓɔɔ nɔɔ vɔ tɔ, a suru bii manɛ ɓɔɔ kãntang zang waasɛ ka bii Kirisi ɓɔɔ wu ka bii Laa ɓɛɛ.

Yahudi 1:3

Jaa keɓe, nɔng yakɛnang bannang Laa kagn bii ɓiɓɛ. Rùu ti zi naa ɓɔɔ Laa nwàng ɓɛɛ, ka bii ɓiɓɛ kɔ dɔ̃ɔ gbete. Wukɔ ti yiti koo nɛɛ naa vuu palɛnang ruu ɓiɓɛ. Ka knti ɓɔɔ wu sɔɔ zang vuu shi kpang ɓarɛ tɔ, daa nwàng ka nɔng nwannang ɓiɓɛ ka lapa, ka nakn Laa ɓɔɔ ɓa zang piti katɔ ɓɛɛ.

Yahudi 12:2

Ruu shing nɔɔ jĩng ka bii Yeesɔ ɓɔɔ wukɔ tusu ruu naa ɓɔɔ ruu shing danggn, ti shingnɛ danggn shinnang ɓuru wu nwang nyaa kiiri ɓɛɛ. Zang ɓɔɔ, ka ruu tĩnang ɓɔɔ Laa naa a wu ka tĩng, mã danggn ka ɓɔɔ zang ɓaa wu naa ka laa ɓɛɛ. Yee laa ka yusɛ̃ɛ náa ɓɔɔ zang ɓaa wu ɓɛɛ kpang, a daa nwàng ka nakn laa nwannang Kpanti Laa.

Yahudi 7:16

Nwang tɔ zang ɓɔɔ dɔɔ Laa vuu ka Gãa Laa, wu ka doo vuu ɓɔɔ shɔnzang ri tusu ɓɛɛ kpang, ɓi ka doo naa vuu palɛnang suru bii ɓiɓɛ ɓɔɔ waa nyaa kpang ɓɛɛ.

Yahudi 7:25

Ka ruu nɔngkɔ, zunung katɔ, wu ta yuu zang ɓɔɔ ri a ka bii Laa nɛɛ bii ɓiɓɛ katɔ, ka laa kiya piti. Ka ruu ɓɔɔ, wu ɓi ningkãari, diki diki bakɛ Laa ka ruu ɓarɛ ɓɛɛ.

Vuu ɓɔɔ zang nwangsɛ Yɔhana 10:6

A tũng vuu nɛɛ nung Laa ɓɔɔ nwang ɓi ningkãari dòndòng, ɓɔɔ mãa lapa nɛɛ vuu piti ɓɔɔ kagn ɓɛɛ, nɛɛ tipi nɛɛ vuu piti ɓɔɔ kagn ɓɛɛ. A ɓɔɔ waapo nɛɛ vuu piti ɓɔɔ kagn ɓɛɛ, kɔɔyi nɛɛ, laa ɓɔɔ zang suukãng ɓɛɛ takpang.

Vuu ɓɔɔ zang nwangsɛ Yɔhana 15:7

Vuu gbete ka teteng vuu dɛ̃ɛti ɓɔɔ suru bii ɓarɛ kagn kaɓa, álɛ́ rɛɛ zang nyaa shonang Laa ɓɔɔ ri ka lapa ɓɛɛ ɓɔɔ ri manziti ɓɛɛ kaɓa, waka ɓɔɔ zang palɛ nɛɛ zinariya gbete gbete. Laa ɓɔɔ nwáng ɓi ningkãari dòndòng ɓɛɛ, gnvɔ ɓiɓɛ yiki nyaa waka katɔ.

Vuu ɓɔɔ zang nwangsɛ Yɔhana 2:8

A kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Simina ruu keɓe, mɔɔ kɔɔ wu nɛɛ, Wee ruu ɓɔɔ nwang nɛɛ nyaa zang ɓɔɔ wukɔ ka tĩng shɔɔnang wukɔ ti waa nyaa knti ɓɛɛ, ɓɔɔ vɔrɛ, a yupaa tɔkn ningkãari ɓɛɛ.

Vuu ɓɔɔ zang nwangsɛ Yɔhana 20:13

A waapo nwangsɛ rɛɛ vɔrɔ zang ɓɔɔ ri vɔlɔ ka yeti ɓiɓɛ ɓɛɛ. A vɔrɔ nɛɛ koo suru zang ɓɔɔ ri vɔlɔ tɔ ɓɛɛ, ri nwangsɛ vɔrɔ ɓarɛ jong, a zang jɛ̃ɛ ri ruu ka doo shonang ɓɔɔ ri palɛ ɓɛɛ.

Vuu ɓɔɔ zang nwangsɛ Yɔhana 20:14

A zang tuu rɛɛ vɔrɔ nɛɛ koo suru zang ɓɔɔ ri vɔlɔ tɔ ɓɛɛ zang tasɛ ri ka too waa. Too waa kaɓa, wukɔ vɔrɔ ɓɔɔ daa kaa doo ziti ɓɛɛ.

Vuu ɓɔɔ zang nwangsɛ Yɔhana 3:7

A kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Filadifiya ɓɛɛ ruu keɓe, mɔɔ kɔɔ wu nɛɛ: Wee ruu ɓɔɔ nwang nɛɛ nyaa zang ɓɔɔ shi kpang ɓi ka bii ɓiɓɛ kpang, zang ɓɔɔ wu ɓi niizang ɓɛɛ. Wukɔ yiti shɔng saka nyaa gãa ɓɔɔ bɛ̀ɛ́ Dawuda yiti ɓɛɛ. Nɛɛ puu nyaa gãa tɔ, zang ɓɔɔ zunung kunang kagn kpang, nɛɛ ti ku tɔ, zang ɓɔɔ zunung puunang kagn kpang.

Vuu ɓɔɔ zang nwangsɛ Yɔhana 4:9

Vuu dɛ̃ɛti ɓɔɔ suru bii ɓarɛ kagn keɓe, ri nɛɛ dɔ̀ɔ zang ɓɔɔ nwàng ka yuu laa nwannang kpanti ɓɔɔ nwáng ɓi ningkãari dòndòng, ri nɛɛ ti a wu bannang, ri nɛɛ zã̀a wu tɔ naa weɓe,

Vuu ɓɔɔ zang nwangsɛ Yɔhana 5:14

A rɛɛ vuu dɛ̃ɛti ɓɔɔ suru bii ɓarɛ kagn kaɓa, ri kasɛ nyaa nɛɛ, “Wu nwang nɔngkɔ.” Rɛɛ zang bang bmati tu dɛ̃ɛti kaɓa ri tang jong ka tĩng zang ɓɔɔ nwàng ka laa nwannang kpanti nɛɛ Jaa Mɛ̀ɛrɛ́ ri bang ri.

Vuu ɓɔɔ zang nwangsɛ Yɔhana 6:8

N shing jĩng tɔkn, a n zi gbantang bii shànkalàng. Zang ɓɔɔ vang ka dakn ɓiɓɛ zang ɓaa wu nɛɛ vɔrɔ. A zang ɓɔɔ zang ɓaa wu nɛɛ koo rɛɛ suru zang ɓɔɔ ri vɔlɔ tɔ ɓɛɛ, dũng wu ka knti naabm. A zang a ri naa nɛɛ ri roo kpanti ka koo dang gbete, naa zang basɛ koo keɓe nɔng dɛ̃ɛti ɓɛɛ. Nɛɛ ri nyɔ̀kɔ̀ zang ɓɔɔ ri ka nɔng kaɓa vɔrɔ nɛɛ yere bang, a ɓɔɔ nɛɛ nyɔkɔ bang. Ɓɔɔ nɛɛ kɔnang, nɛɛ ri shing ɓɔɔ, yɔpɔ kpaasi ɓɔɔ shaa varɛ dɔɔli, ɓɔɔ ri ka koo keɓe, ri nyɔkɔ zang.

Vuu ɓɔɔ zang nwangsɛ Yɔhana 9:1

A zang nyaa shonang Laa ɓɔɔ ka lapa ɓɛɛ, ɓɔɔ daa kaa maani ɓɛɛ, jee gboo ɓiɓɛ. A n zi sang ɓɔɔ watɛ ka koo nɛɛ lapa ɓɛɛ. A zang a wu saka ɓɔɔ wu puu too ɓɔɔ dii ɓiɓɛ kagn kpang nɛɛ mani ɓɛɛ.