Vuu ɓɔɔ zang nwangsɛ Yɔhana 1:16 - Nyaa Shɔɔ Ɓɔɔ Laa a Ɓɛɛ

¹⁶ Yiti sang manziti ka nakn ɓiɓɛ. Yere bang ɓɔɔ nyaa ziti nwáng nɛɛ nyaa ɓiɓɛ. Waa nyaa tĩng ɓiɓɛ, yakɛ naa laa yakɛ nɔng, bɛ̀ɛ́ kaa dãngdãng yuu.

Vuu ɓɔɔ zang nwangsɛ Yɔhana 1:16 Σταυροειδείς Αναφορές

Matiyu 17:2

A bii Yeesɔ risi kaa naa ɓɔɔgn ka jĩng ɓarɛ. Waa nyaating ɓiɓɛ kɔlɔ kaa naa làa, a fɔ̃ɔrɔ ɓiɓɛ ti risi nwang ka puru shãa shãa.

Zang Shonang Yeesɔ 26:13

Kpanti, n daa kana ka gbalang bɛ̀ɛ́ laa kaa dãngdãng yuu, a vuu yakɛ nɔng nɛɛ lapa. Nɔng ɓɔɔ yakɛ, ɓa ɓɔɔ laa yakɛ katɔ. Yakɛ nɔng kiiri ruu nyaa ka teteng nɛɛ zang ɓɔɔ ruu nɛɛ ri ɓɛɛ.

Afisa 6:17

Nɔɔ nɛɛ kasɛ tɔ, Laa nɛɛ ta yuu manɛ tɔ, nwang nɔɔ kaa naa wàálaa ɓɔɔ nɔɔ hãa ka yuu ɓɛɛ. Ruu Laa wu nwang nɔɔ ɓi kaa naa yere bang, ɓɔɔ Suru Laa a nɔɔ ɓɛɛ.

Yahudi 4:12

Ruu Laa palɛ shonang katɔ. Wɔng nyaa ɓa yere bang ɓɔɔ nyaa ziti katɔ. Basɛ suru bii katɔ nɛɛ suru. Wu ti basɛ rɛɛ gboko nɛɛ sɛ̃ɛting kaka. Ti dɔng ruu katɔ ka yuu vuu ɓɔɔ zang rɛ̃rɛ nɛɛ vuu ɓɔɔ zang mang ka yeti ɓɛɛ.

Vuu ɓɔɔ zang nwangsɛ Yɔhana 1:20

Zirɛ, rɛɛ sang manziti kɔ n yiti ka naa ɓee, nɛɛ rɛɛ vuu manziti ɓɔɔ zang shĩili waa zàáng sɔɔ kagn, ɓɔɔ zang palɛ ri nɛɛ zinariya ɓɛɛ. N kaaɓi n nwangsɛ mɔɔ dĩiri rɛɛ vuu keɓe. Rɛɛ sang manziti keɓe, ɓi rɛɛ zang nyaa shonang Laa, ɓɔɔ ri ka lapa, ɓɔɔ ri gãng jĩng, ka rɛɛ Gãa Laa manziti kaɓa ɓɛɛ. Vuu manziti ɓɔɔ zang shĩili waa zàáng sɔɔ kagn kaɓa, ɓi kaa rɛɛ Gãa Laa bìí, nɛɛ yuu ɓarɛ.”

Vuu ɓɔɔ zang nwangsɛ Yɔhana 10:1

Ka knti vuu keɓe, n zi zang nyaa shonang Laa ɓɔɔ ka lapa ɓɛɛ, ɓɔɔ naa vuu palɛnang ɓiɓɛ kagn ɓɛɛ, a nɛɛ lapa. Sãmbong zuu wu naa fɔ̃ɔrɔ, a sɔkɔ mii kãng ka yuu ɓiɓɛ. Wàá nyaating ɓiɓɛ kɔlɔ katɔ naa laa, a doo ɓiɓɛ naa nyɛlɛ waa ɓɔɔ kɔ nabm ɓɛɛ.

Vuu ɓɔɔ zang nwangsɛ Yɔhana 12:1

A vuu bang ɓɔɔ zang zirɛ zang mã naa ka danggn ɓɛɛ, nwangsɛ bii ka lapa. Vuu keɓe ɓi Jaa soro zuu bii nɛɛ làa, a naa doo ɓiɓɛ ka yuu shala. A kãng lapoo yuu kpanti ɓɔɔ, zang palɛ nɛɛ sàng kopi tu ziti ka yuu ɓiɓɛ.

Vuu ɓɔɔ zang nwangsɛ Yɔhana 19:15

Yere bang ɓɔɔ wɔng nyaa dɔɔli nwangnɛ nyaa ɓiɓɛ. Yere ɓɔɔ wu kúlù zang ɓɔɔ ri shing jĩng nɛɛ wu kpang ɓɛɛ, nɛɛ mani nandon. Naa roo kpanti ka yuu ɓarɛ nɛɛ laa naa yitinang kpanti, ɓɔɔ zang palɛ nɛɛ saka ɓɛɛ. Ti naa kãng jaa inabi ka too ɓɔɔ zang kãng kagn, ɓɔɔ ɓi wukɔ gnvɔ bang Laa, Laa ɓɔɔ ɓa zang piti katɔ ɓɛɛ.

Vuu ɓɔɔ zang nwangsɛ Yɔhana 19:21

A zang ɓɔɔ vang ka yuu gbantang nyɔkɔ zang nimbang kaa nɛɛ yere bang ɓɔɔ nwangnɛ nyaa ɓiɓɛ ɓɛɛ, a rɛɛ jaaning nandon ri arɛ ri shaa yɔpɔ ɓarɛ, ri puuyi.

Vuu ɓɔɔ zang nwangsɛ Yɔhana 2:1

A zang ɓɔɔ n zi wu kaɓa, kɔɔ m nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Afisa ruu keɓe. Mɔɔ kɔɔ wu nɛɛ: Wee ruu ɓɔɔ nwang nɛɛ nyaa zang ɓɔɔ yiti sang manziti ka nakn ɓiɓɛ ɓɛɛ, ɓɔɔ rakɛ ka teteng rɛɛ vuu manziti ɓɔɔ zang palɛ nɛɛ zinariya zang shĩili waa zàáng sɔɔ kagn ɓɛɛ.

Vuu ɓɔɔ zang nwangsɛ Yɔhana 2:12

A kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Pagamu ɓɛɛ ruu keɓe, mɔɔ kɔɔ wu nɛɛ, Wee ruu ɓɔɔ nwang nɛɛ nyaa zang ɓɔɔ yere bang ɓiɓɛ kagn nyaa ɓiɓɛ ziti, wɔng katɔ kɔ nandon ɓɛɛ.

Vuu ɓɔɔ zang nwangsɛ Yɔhana 2:16

Ka ruu nɔngkɔ, nɔɔ kɔ̃sɔ yeti ta. Naa nɔngkɔ kpang, n a ditɔ ka bii manɛ, n ta sĩiri nɛɛ ri nɛɛ yere bang ɓɔɔ nwáng nɛɛ nyaa mɛɛ ɓɛɛ.

Vuu ɓɔɔ zang nwangsɛ Yɔhana 3:1

Zang kaɓa kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Sadisu ɓɛɛ ruu keɓe, mɔɔ kɔɔ wu nɛɛ, Wee ruu ɓɔɔ nwang nɛɛ nyaa zang ɓɔɔ yiti rɛɛ Suru Laa manziti nɛɛ sang manziti ka naa ɓɛɛ. N zi shonang ɓɔɔ nɔɔ palɛ ɓɛɛ tɔ. Zang zi nɔɔ naa nɔɔ ningkãari, a ɓeekpang nɔɔ vɔlɔ manɛ katɔ.