Matiyu 9:8 - Nyaa Shɔɔ Ɓɔɔ Laa a Ɓɛɛ

⁸ Zang dɔɔli ɓɔɔ ri kpalɛ zɔɔ, ri zi naa weɓe, ri mã naa ka danggn, a ri dɔɔ Kpanti Laa kati. Kaa ruu ɓɔɔ, wukɔ a zang naa vuu keɓe palɛnang ɓɛɛ.

Matiyu 9:8 Σταυροειδείς Αναφορές

Matiyu 12:23

Zang piti ri mã naa ka danggn, ri tɔɔ “Zang keɓe ɓu Jaa zɔ̃ng Dawuda ka ya?”

Matiyu 15:31

Zang ɓɔɔ ri kpalɛ zɔɔ ka bìí Yeesɔ, ri mã naa ka danggn, ka ruu ɓɔɔ ri zi zang ɓɔɔ nyaa nɔɔ katɔ ri rang yee kana ɓɛɛ. Zang ɓɔɔ kàa katɔ, ri lakɛ, zang ɓɔɔ doo shãa katɔ, ri ti ra kana, a zang jĩng ringtang ri ti zi nɔng. Ɓɔɔ zang nimbang ri zi naa weɓe, ri dɔ̀ɔ Làá zang Isirela kati.

Matiyu 28:18

A Yeesɔ arɛ naa kɔɔ ri tɔɔ, “Laa a m naa tɔ ka yuu vuu ɓɔɔ ka lapa, nɛɛ ɓɔɔ ka tipi nandon.

Matiyu 5:16

Ka ruu nɔngkɔ, nɔɔ palɛ vuu tɔ̃ɔ manɛ waasɛ̃ ka jĩng zang, tɔ̀ɔ ri zi shonang tɔ̃ɔ manɛ, ri dɔ̀ɔ Daa manɛ ɓɔɔ lapa kati.”

Matiyu 9:7

A yɔɔ ɓɔɔ bii vɔ katɔ, seepaa a tuu laa ɓɔɔ zang ta wu kagn daa gãa ɓiɓɛ kati.

Maraku 2:12

A yɔɔ ɓɔɔ bii vɔ katɔ seepaa tantɛnang tuu siri ɓiɓɛ, ra ka jĩng zang nandon, a daayi. Ɓɔɔ zang ɓɔɔ ri kpalɛ zɔɔ ri zi naa weɓe, ri mã naa ka danggn. A ri dɔɔ Kpanti Laa. Ri tɔɔ “Ruu zi vuu ɓɔɔ naa weɓe, gngn kpang.”

Maraku 7:37

Zang piti ɓɔɔ ri tãa ruu kaɓa, ri mã naa ka danggn. Ri tɔɔ, “Vuu ɓɔɔ yɔɔ keɓe palɛ ɓi tɔ̃ɔ kɔ nandon. Pálɛ̀ zang ɓɔɔ shoo nɔɔ katɔ wu tãa nɔng. A zang ɓɔɔ nyaa nɔɔ katɔ ti rang yee.”

Luka 13:13

A shìng jaa soro naa ɓiɓɛ ka bii, a bii jaa soro shiiri kaa tantɛnang, a jaa soro dɔɔ Laa kati.

Luka 17:15

Ɓɔɔ zang gbete ka teteng ɓarɛ, zi naa ɓɔɔ Yeesɔ masɛ wu, gbãayu dɔɔ Laa kana nabm.

Luka 17:18

Ka ruu vi, ɓi mɔkɔ zang zanti keɓe, mɔɔ gbãayu shɛ̃ɛning mɔɔ naa zãa Laa viya?”

Luka 18:43

A jĩng ɓiɓɛ tantɛ puunang, a dṹng Yeesɔ ka knti, dɔ̀ɔ́ Laa kana. Ɓɔɔ zang ɓɔɔ ri ka nɔng, ri zi veɓe, ri dɔɔ Laa kaa jong.

Luka 2:20

Ɓɔɔ zang jagãng nɛɛ ri gbãa kaa yuu, ri a Laa bannang, ri dɔɔ wu, ka ruu vuu piti ɓɔɔ ri zirɛ a ri ti tãayi ɓɛɛ. Naa ɓɔɔ zang nyaa shonang Laa ɓɔɔ ka lapa kɔɔ ri ɓɛɛ.

Luka 23:47

Ɓɔɔ zang bang sɔɔja ɓɔɔ daa nɛɛ Yeesɔ zi naa weɓe, dɔɔ Laa tɔɔ, “Niizang yɔɔ keɓe, palɛ vuu shi kpang, kagn kpang.”

Luka 7:16

Zang ɓɔɔ ri kpalɛ zɔɔ gaagaa ɓɛɛ, ri kaa vɔrɔ kaa nandon. A ri dɔɔ Laa ri tɔɔ, “Zang nyaa shonang Laa ɓɔɔ bang nwang nyaa lɛ̀ɛ́ tɔ ka teteng ɓuru. Laa a lɛ̀ɛ́ tɔ, nɛɛ wu ta yuu zang ɓiɓɛ.”

Yɔhana 15:8

Zang zi bannang Daa mɛɛ ka zang dɔɔli ɓɔɔ nɔɔ ɓaa ri nyaa ɓɛɛ kɔ, tɔ̀ɔ, zang ti zi kati nɛɛ nɔɔ zang ɓɔɔ ri mantɛ vuu ka bii mɛɛ ɓɔɔ niizang ɓɛɛ.

Zang Shonang Yeesɔ 11:18

Ka ɓɔɔ ri tãa vuu keɓe, ri rangkɛ rɛɛ Bituru takpang, ri dɔɔ kaa Laa, ri kɔɔyi nɛɛ, “Nɛɛ nɔngkɔ, Laa a rɛɛ zang ɓɔɔ ri zang Isirela kpang gbalang tɔ jong nɛɛ ri kɔ̃sɔ yeti ɓarɛ, tɔ̀ɔ, ri vɔ kaa takpang.”

Zang Shonang Yeesɔ 21:20

Ɓɔɔ ri tãa naa weɓe, ri dɔɔ Laa. A ri kɔɔ wu nɛɛ, “Manzung ɓuru, mɔɔ zi tɔ waa, zang labang dɔɔli ri shing danggn tɔ ka bii Laa ka teteng zang Yahudi, ri ti pĩiri jĩng nɛɛ nyaa dannang Laa dũnnang kpang.

Zang Shonang Yeesɔ 4:21

Zang ɓɔɔ ri jɛ̃ɛ zang ruu, ri dàng ri nyaa gbãng gbãng, a ri yaa ri naa. Ri zi vuu ɓɔɔ ri dang ri jĩng kagn kpang, ka ruu ɓɔɔ, zang nandon ri dɔɔ Laa kana ka ruu vuu ɓɔɔ Laa palɛ ɓɛɛ.

2 Koranti 9:13

Shonang tɔ̃ɔ kɔ nɔɔ palɛ ɓee, wukɔ tusu zang nɛɛ nɔɔ manɛ zang ɓɔɔ ri dũng Laa niizang ɓɛɛ. Zang ɓɔɔ ri dũng dòo Laa kɔ, ri dɔɔ Laa ka ruu naa ɓɔɔ nɔɔ kɔɔ zang Ruu Tɔ̃ɔ Yeesɔ Kirisi, a nɔɔ palɛ vuu ɓɔɔ ruu keɓe kɔɔ ɓɛɛ katɔ ɓɛɛ. Ri ti dɔ̀ɔ Laa ka ruu naa ɓɔɔ nɔɔ basɛ vuu manɛ, nɔɔ á ri nɛɛ yeti gbete, a nɔɔ ti á ɓɔɔ zang ɓɔɔ ri shing danggn tɔ jong ka bii Laa ɓɛɛ.

Galati 1:24

A ri dɔɔ Laa ka ruu mɛɛ.

1 Bituru 2:12

Nɔɔ nwáng nwannang tɔ̃ɔ, tɔ̀ɔ, zang ɓɔɔ ri zi Laa kpang ri zirɛ. Ka ruu ɓɔɔ, naa ri rang yee shi kpang doo ka yuu manɛ, ri zili vuu tɔ̃ɔ ɓɔɔ nɔɔ palɛ ɓɛɛ, ri naa dɔ̀ɔ Laa ditɔ, ka diki ɓɔɔ wu naa a ka bii ɓarɛ ɓɛɛ.