Matiyu 9:18 - Nyaa Shɔɔ Ɓɔɔ Laa a Ɓɛɛ

¹⁸ Yeesɔ rang yee doo naa ka nyaa nɛɛ ri, yɔɔ zang bang Yahudi arɛ naa tang nɛɛ gutu ka tĩng ɓiɓɛ. A kɔɔ Yeesɔ tɔɔ, “Jaa mɛɛ ɓɔɔ soro kɔng vɔrɔ doo kãntang, arɛ mɔɔ daa ĩi wu naa ɓaaɓɛ jong ka bii, tɔɔ wu gãntɛ jĩng kati.”

Matiyu 9:18 Σταυροειδείς Αναφορές

Matiyu 14:33

Zang ɓɔɔ ka yeti tonsi dɔ̀ɔ Yeesɔ kati. Ri tɔɔ, “Mɔɔ Jaa Laa kɔ niizang.”

Matiyu 15:25

A jaa soro kaɓa, arɛ naa tang nɛɛ gutu ka tĩng ɓiɓɛ, a gaa wu tɔɔ, “Kpanti, yi m naa jong bii.”

Matiyu 17:14

Ri a tɔ ka nɔng ɓɔɔ zang kpalɛ zɔɔ gaagaa, a zang gbete naa a ka bii Yeesɔ, a tang ka tĩng ɓiɓɛ, kɔɔ wu tɔɔ,

Matiyu 20:20

A soro Zebedi nɛɛ, wujɛ ɓiɓɛ ɓɔɔ varɛ, naa tang ka tĩng Yeesɔ, a gaa vuu ka naa ɓiɓɛ.

Matiyu 28:17

Ri daa ĩi wu, a ri báng wu. A zang ɓɔɔ ri, zi kpang nɛɛ wukɔ niizang kpang.

Matiyu 8:2

A zang ɓɔɔ vuu bii shaa katɔ, arɛ naa tang nɛɛ gutu ka tĩng ɓiɓɛ, a kɔɔ wu tɔɔ, “Kpanti, mɔɔ nɛɛ kasɛ katɔ mɔɔ zunung ɓɔɔ mɔɔ masɛ m katɔ.”

Matiyu 8:25

A zang ɓɔɔ ri mantɛ vuu ka bii ɓiɓɛ ri hingsi wu, ri kɔɔ wu tɔɔ, “Ta rùu jong Kpanti, rùu ɔ̃ɔ kana.”

Matiyu 9:17

Zang ti tɛ̃ɛ sàa shɔɔ ɓi jong ka yeti zàáng gbaala ɓɔɔ zang palɛ nɛɛ koo ɓɛɛ kpang. Náa zang tɛ̃ɛyi, sãa zàáng katɔ. Sàa ti tɛ̃ɛ ɓi ka tipi. A naa zang tɛ̃ɛ sàa ɓɔɔ shɔɔ ka zàáng ɓɔɔ shɔɔ kɔ doori, zàáng lasɛ kpang, saa ti tɛ̃̀ɛ ka tipi kpang.”

Matiyu 9:19

A Yeesɔ seepaa, daa kaa nɛɛ wu nɛɛ zang ɓɔɔ ri mantɛ vuu ka bii ɓiɓɛ ɓɛɛ.

Matiyu 9:24

A Yeesɔ kɔɔ ri tɔɔ, “Nɔɔ nwang ta ka biling. Jaa keɓe vɔ ɓi ka takpang, roo ɓi katɔ waati.” Ɓɔɔ ri tãa naa weɓe, ri laarɛ wu.

Luka 13:14

Gnvɔ shaa zang bang gãa zɔɔ kpalɛnang dɔɔli, ka ruu ɓɔɔ, Yeesɔ masɛ zang kɔnang ka Diki Ɔ̃sɔnang ɓɛɛ. A yɔɔ zang bang rang yee, kɔɔ zang tɔɔ, “Diki mangbete ɓɔɔ zang palɛ shɔɔnang kagn, nɔɔ a ka diki kaɓa kɔ, tɔ̀ɔ, zang masɛ nɔɔ, nɔɔ a ka Diki Ɔ̃sɔnang kpang.”

Luka 18:18

A yɔɔ ɓɔɔ wukɔ zang bang zang Yahudi hɛ̃ɛ Yeesɔ tɔɔ, “Maalang ɓɔɔ tɔ̃ɔ ɓɛɛ, naa n palɛ bɛ̀ɛ́, ń walɛ suru ɓɔɔ waa nyaa kpang viya?”

Luka 7:2

Yɔɔ zang bang sɔɔja Rooma ɓɔɔ kagn nɔngkɔ. Kɔnang yi zang shonang ɓiɓɛ ɓɔɔ wu kasɛ wu dɔɔli ɓɛɛ. Kɔnang ɓiɓɛ bang dɔɔli, nɛɛ wu vɔrɛ yaa kaa tɔkɔlɔng.

Yɔhana 11:25

Yeesɔ kɔɔ wu tɔɔ, “Nkɔ wisi zang paa nɛɛ sàa, nkɔ ti a zang suru bii. Zang ɓɔɔ nɛɛ shing danggn ka bii mɛɛ, náa vɔ doori, nwáng ningkãari ditɔ tɔkn.

Yɔhana 11:32

Marayamu naa shɛ̃ɛ nɔng ɓɔɔ Yeesɔ kagn tɔ. Ɓu doo ɓɔɔ zi wu hn, daa tang ka tĩng ɓiɓɛ kɔɔ wu tɔɔ, “Kpanti, naa mɔɔ nɛɛ ka nihn, jaa nàá mɛɛ nɛɛ vɔ kpang.”

Zang Shonang Yeesɔ 13:15

Ka knti ɓɔɔ zang hangsɛ labeenang nyaa dannang Musa nɛɛ rɛɛ labeenang zang nyaa shonang Laa gãnang tɔ, zang bang gãa zɔɔ kpalɛnang, ri shong nyaa ka bii ɓarɛ tɔɔ, “Rɛɛ manzung ɓuru, vuu ɓɔɔ nɔɔ nɛ́ɛ tɔɔ nɔɔ kɔɔ zang kagn, ɓɔɔ mã ri danggn, nɔɔ kɔɔ ta.”

Zang Shonang Yeesɔ 28:8

Daa Babiliya roo ka latãng bii nwãa wu, a yeti ti tɔ̃̀ɔrɔ wu katɔ. Bulu daa ka yeti gãa ɓɔɔ wu roo ɓɛɛ, gaa wu Laa, a shìng wu naa ka bii, a vuu yaa wu nɔng.