Matiyu 8:20 - Nyaa Shɔɔ Ɓɔɔ Laa a Ɓɛɛ

²⁰ Yeesɔ kɔɔ wu tɔɔ, “Yeng roonang yaka jĩngti kagn, a saara jaaning ti kagn, a nɔng ɓɔɔ naa Jaa Shɔnzang shing yuu ɓiɓɛ kagn, ɓi kaa tɔ̀ɔ́ kagn kpang.”

Matiyu 8:20 Σταυροειδείς Αναφορές

Matiyu 12:32

Zang ɓɔɔ nɛɛ ti rang yee shi kpang ka yuu Jaa Shɔnzang, Laa yaa wu gbalang ɓi katɔ. Naa zang ɓɔɔ rang yee shi kpang ka yuu Suru Laa, Laa yaa wu gbalang ka koo keɓe nɛɛ koo ɓɔɔ naa a ka tĩng ɓɛɛ kpang.

Matiyu 12:40

Naa ɓɔɔ Yunana nwang ka yeti jaazĩi nɛɛ laagɛ̃ nɛɛ zĩi diki taati ɓɛɛ. Jaa Shɔnzang naa nwáng doo nɔngkɔ ka tipi dii, nɛɛ laagɛ̃, nɛɛ zĩi diki taati.

Matiyu 12:8

Ka ruu nɔngkɔ, Jaa Shɔnzang kɔ kpanti Diki Ɔ̃sɔnang zang Yahudi.”

Matiyu 13:37

A Yeesɔ kasɛ ri nyaa tɔɔ, “Zang ɓɔɔ ɓaa jĩng zee tɔ̃ɔ, ɓi Jaa Shɔnzang.

Matiyu 16:13

Yeesɔ naa a tɔ ka tipi Kayisariya Filipi, a hɛ̃ɛ zang ɓɔɔ ri mantɛ vuu ka bii ɓiɓɛ tɔɔ, “Zang kɔɔ ɓu nɛɛ ɓɔɔ n Jaa Shɔnzang, n ɓu wiya?”

Matiyu 16:27

Jaa Shɔnzang naa a ditɔ nɛɛ bannang diiɓɛ, nɛɛ zang nyaa shonang ɓiɓɛ ɓɔɔ ka lapa ɓɛɛ. Tɔ̀ɔ, wu naa alɛ zang vuu, ka naa vuu ɓɔɔ ri palɛ ɓɛɛ.

Matiyu 17:9

Ri shooro doo naa nɛɛ kɔpɔ, Yeesɔ shaarɛ ri nyaa nɛɛ, “Nɔ́ɔ kɔɔ zang ɓɔɔ vuu kɔ nɔɔ zi ɓee kpang, Kpanti Laa wu wisi Jaa Shɔnzang paa nɛɛ vɔrɔ ka gbongkarɛ.”

Matiyu 19:28

Yeesɔ kɔɔ ri tɔɔ, “N kɔɔ nɔɔ ruu ɓɔɔ niizang kɔ nwani, ka diki ɓɔɔ Jaa Shɔnzang naa arɛ, naa nwang ka laa kpanti nɛɛ naa bannang ɓiɓɛ ka koo shɔɔ. Ɓɔɔ nɔɔ dũ̀ng knti mɛɛ, nɔɔ naa nwáng ditɔ jong ka laa nwannang kopi tu ziti. Tɔ̀ɔ nɔ́ɔ jɛ̃̀ɛ zɔ̃ng wujɛ Isirela ɓɔɔ kopi tu ziti ruu kati.

Maraku 8:38

Shɔnzang piti ɓɔɔ yusɛ̃ɛ mɛɛ nɛɛ ɓɔɔ Ruu mɛɛ, nɛɛ tuuru wu ka tĩng zang shi kpang kɔ ri palɛ vuu shi kpang ɓee. Jaa Shɔnzang naa tuuru yusɛ̃ɛ ɓiɓɛ doo nɔngkɔ, ka diki ɓɔɔ wu naa a nɛɛ bannang ɓɔɔ Daa ɓiɓɛ a wu ɓɛɛ. Ti naa a nɛɛ rɛɛ zang nyaa shonang Laa ɓɔɔ ka lapa ning ɓɛɛ.”

Luka 12:8

“N ti kɔɔ nɔɔ zang ɓɔɔ nɛɛ ta m ka jĩng zang nɛɛ wu ɓi ɓɔɔ mɛɛ, Jaa Shɔnzang naa kɔɔ doo nɔngkɔ, ka tĩng zang nyaa shonang Laa ɓɔɔ ka lapa nɛɛ wu ɓi zang ɓiɓɛ kɔ niizang.

Luka 18:8

N kɔ̀ɔ́ nɔɔ, tantɛ ri naa yinang ka bii katɔ. Naa ɓɔɔ n Jaa Shɔnzang n naa arɛ, n naa ĩi zang ɓɔɔ ri shing danggn ka bii Laa kagn ka koo keɓe ya?”

Luka 2:12

Wee naa ɓɔɔ nɔɔ daa zi kagn ɓɛɛ. Nɔɔ daa zi jaa rɛ̃ɛting, zang leng ka sɛ̃ɛ fɔ̃ɔrɔ, zang wɔɔ ka yeti vuu ɓɔɔ zang tɛ̃̀ɛ́ vuu vaa vuu shaanang kagn ɓɛɛ.”

Luka 2:16

Ka ruu nɔngkɔ, ri làabìi, ri daayi, ri daa ĩi rɛɛ Yusufu nɛɛ Marayamu nɛɛ jaa rɛ̃ɛting ɓɔɔ ri wɔɔ ka yeti vuu ɓɔɔ zang tɛ̃̀ɛ́ vuu vaa vuu shaanang kagn ɓɛɛ.

Luka 2:7

a yi jamari ɓiɓɛ kaa zang varɛ, leng wu nɛɛ sɛ̃ɛ fɔ̃ɔrɔ ɓɔɔ zang leng jaa rɛ̃ɛting nɛɛ mani ɓɛɛ. A wɔɔ wu ka yeti vuu ɓɔɔ zang tɛ̃ɛ vuu vaa vuu shaanang kagn ɓɛɛ. Ka ruu ɓɔɔ, ri walɛ gãa ɓɔɔ ri roo kagn ka nɔng ɓɔɔ zang shing zang zanti kpang ɓɛɛ.

Luka 21:36

Nɔɔ gãng jĩng kagn, nɔɔ gaa Laa diki diki, tɔ̀ɔ, nɔɔ walɛ kaka ɓɔɔ nɔɔ mã danggn jĩng dannang ɓɔɔ a ɓɛɛ. Tɔ̀ɔ, nɔɔ naa shii ka tĩng mɛɛ, ɓɔɔ n Jaa Shɔnzang ɓɛɛ.”

Luka 8:3

Nɛɛ Yuwana soro Kuza ɓɔɔ palɛ shonang ka dabang Kpanti Hiridu ɓɛɛ, nɛɛ Susana, a ɓɔɔ zang soro ɓɔɔgn gaagaa, ɓɔɔ ri see vuu naa ɓarɛ, ri kãa Yeesɔ nɛɛ zang ɓɔɔ ri mantɛ vuu ka bii ɓiɓɛ vuu shaanang nɛɛ mani ɓɛɛ.

Luka 9:58

A Yeesɔ kɔɔ wu tɔɔ, “Yeng rɛɛ yaka jĩngti kagn, a saara jaaning ti kagn, a gãa ɓɔɔ Jaa shɔnzang roo ɓi kagn kpang.”

Yɔhana 1:51

A kɔɔ ri kati tɔɔ, “N kɔ̀ɔ́ nɔɔ ruu ɓɔɔ niizang kɔ nwani, nɔɔ naa zi lapa puu ditɔ, zang nyaa shonang Laa ɓɔɔ ka lapa ɓɛɛ, ri naa a ka bii mɛɛ, ɓɔɔ n Jaa Shɔnzang, ri ti gbãayu ka lapa tɔkn.”

Yɔhana 12:34

Zang ɓɔɔ ri kpalɛ zɔɔ ɓɛɛ, ri kasɛ wu nyaa tɔɔ, “Zang bee ka yeti Labeenang nyaa dannang Laa ɓuru tɔɔ, Kirisi naa nwáng ɓi dòndòng. A mɔɔ kɔɔ ɓaa ka biya nɛɛ zang naa tuu Jaa Shɔnzang viya? Ɓi kaa wi Jaa Shɔnzang keɓe wiya?”

Yɔhana 13:31

Yahuda nwáng tɔ ka biling, a Yeesɔ kɔɔ zang ɓɔɔ ri mantɛ vuu ka bìí ɓiɓɛ, ɓɔɔ nimbang tɔɔ, “Kãntang keɓe, shɔnzang ri zi bannang mɛɛ ɓɔɔ n Jaa Shɔnzang kaa tɔ. Bannang Laa ti tusu bii kana jong, ka ruu vuu ɓɔɔ n palɛ ɓɛɛ.

Yɔhana 3:13

Zang ɓɔɔ vang gngn daa ka lapa kpang, ɓi nkɔ Jaa Shɔnzang ɓɔɔ n shooro nɛɛ lapa kɔ shɛ̃ɛning.”

Yɔhana 3:14

Naa ɓɔɔ Musa wisi sɔkɔ ɓɔɔ zang palɛ zang kãngtɛ ka yuu laa paa ka waala, zang naa wisi m ɓɔɔ n Jaa Shɔnzang paa doo nɔngkɔ.

Yɔhana 6:27

Nɔ́ɔ dang jĩng nɛɛ nɔɔ kãa vuu shaanang ɓɔɔ lasɛ katɔ ɓɛɛ kpang. Nɔɔ dang jĩng ka nɔng vuu shaanang ɓɔɔ lasɛ kpang dòndòng, ɓɔɔ n Jaa Shɔnzang n naa a nɔɔ ɓɛɛ. Ka ruu ɓɔɔ, wukɔ zang ɓɔɔ Laa tusu nɛɛ wu a wu naa tɔ ɓɛɛ.”

Yɔhana 6:53

Yeesɔ kɔɔ ri tɔɔ, “N kɔ̀ɔ́ nɔɔ ruu ɓɔɔ niizang kɔ nwani, naa nɔɔ shaa yɔpɔ bii mɛɛ, ɓɔɔ n Jaa Shɔnzang kpang, a nɔɔ ti ɓoo zĩi mɛɛ kpang, suru bii ɓi kagn bìí manɛ kpang.

Yɔhana 6:62

A naa nɔɔ zi m, ɓɔɔ n Jaa Shɔnzang, n gbãayu kana ka nɔng ɓɔɔ bɛ̀ɛ́ n kagn, nɔɔ palɛ biya?

Zang Shonang Yeesɔ 7:56

A kɔɔyi tɔɔ, “Nɔɔ zirɛ, n zirɛ lapa puuyi, a Jaa Shɔnzang shii ka nakn Laa.”

2 Koranti 8:9

Nɔɔ zi tɔ̃ɔ ɓɔɔ Kpanti ɓuru Yeesɔ Kirisi pàlɛ̀ ruu ɓɛɛ tɔ. Yeesɔ ɓi jaa ying ka vuu suru, a risi yuu ɓiɓɛ nwang zang ɓɔɔ vuu ka naa ɓiɓɛ kpang ka ruu manɛ, nɛɛ tɔ̀ɔ, nɔɔ nwang wujɛ ying kati.