Matiyu 8:12 - Nyaa Shɔɔ Ɓɔɔ Laa a Ɓɛɛ

¹² A zang naa nwangsɛ kaa zang ɓɔɔ ri shing danggn nɛɛ rikɔ naa daa ka nɔng ɓɔɔ Laa roo Kpanti ɓɛɛ jong, zang tasɛ ri ka nɔng ɓɔɔ tɔ̀ɔ katɔ ɓɛɛ. Ka nɔng ɓɔɔ ri naa kaayi ri ti shaa nyaa kagn kpaaka, kpaaka ɓɛɛ.”

Matiyu 8:12 Σταυροειδείς Αναφορές

Matiyu 13:38

Jaa ɓɔɔ zee ta kagn ɓi koolaa. Jĩng zee ɓɔɔ tɔ̃ɔ, ɓi kaa zang ɓɔɔ ri tà Laa, nɛɛ wukɔ Kpanti ɓɛɛ. Zee lɔɔwɔ, ɓi zang ɓɔɔ ri palɛ vuu ɓɔɔ Sheetang kasɛ ɓɛɛ.

Matiyu 13:42

Ri vǎng ri ka yeti waa bang. Ka nɔng ɓɔɔ ri naa kaayi, ri shaa nyaa kagn kpaaka, kpaaka ɓɛɛ.

Matiyu 13:50

ri vang ri ka yeti waa bang, ka nɔng ɓɔɔ zang naa kaayi, zang shaa nyaa kagn kpaaka, kpaaka ɓɛɛ.”

Matiyu 21:43

“Ka ruu nɔngkɔ n kɔɔ nɔɔ, zang naa ta gbalang ɓɔɔ zang zi kagn nɛɛ Laa kɔ Kpanti ditɔ nɛɛ naa manɛ, zang a zang ɓɔɔ ri naa palɛ vuu ɓɔɔ Laa kasɛ katɔ ɓɛɛ.

Matiyu 24:51

Dabang ɓiɓɛ naa dang wu jĩng ditɔ, wu ti shing wu nɛɛ zang ɓɔɔ ri nwãarɛ zang nɛɛ vuu palɛnang ka nɔng ɓɔɔ zang kaayi, zang shaa nyaa kagn kpaaka kpaaka ɓɛɛ.

Matiyu 25:30

A yɔɔ kpanti kɔɔ zang tɔkn nɛɛ ‘Nɔɔ tasɛ zang shonang shi kpang keɓe ta ka biling, ka nɔng ɓɔɔ tɔ̀ɔ katɔ ɓɛɛ. Ka nɔng ɓɔɔ zang naa kaayi, zang shaa nyaa kagn kpaaka kpaaka ɓɛɛ.’ ”

Luka 13:28

Nɔɔ naa kaa ditɔ, ka nɔng kaɓa, nɔɔ shaa tãri kpaaka kpaaka. Nɔɔ naa zi rɛɛ Ibirayi ditɔ ka nɔng ɓɔɔ Laa roo kpanti nɛɛ Ishaaku nɛɛ Yakubu nɛɛ rɛɛ zang nyaa shonang Laa, a zang nwangsɛ nɔɔ manɛ ka biling ɓɛɛ.

Zang Shonang Yeesɔ 3:25

Nɔkɔ kaa wujɛ rɛɛ zang nyaa shonang Laa keɓe. Nɔkɔ ti tà vuu ɓɔɔ Laa a nyaa, nɛɛ wu a rɛɛ dabang manɛ ɓɛɛ kati. Laa kɔɔ Ibirayi tɔɔ, ‘N a zang koo keɓe nandon tĩnang tãanang nɛɛ bii zɔ̃ng ɓaaɓɛ kɔ.’

Rooma 9:4

Rikɔ zang Isirela, Laa shing ri, ri ràa wujɛ ɓiɓɛ, a tusu ri bannang ɓiɓɛ. Laa mã nyaa nɛɛ ri, a ri nyaa ɓɔɔ wu dangnɛ ɓɛɛ. Rikɔ zunung Laa bannang ka gbalang ɓɔɔ tɔ̃ɔ ɓɛɛ. A Laa ti a rikɔ nyaa.

2 Bituru 2:17

Maalang ɓɔɔ ri tusu zang vuu sèé keɓe, ri nwang ɓarɛ naa too mii ɓɔɔ ɔ̃ɔ tɔ ɓɛɛ. Ri nwang naa sãmbong mii ɓɔɔ jasung tantɛ, atɛ mii kpang ɓɛɛ. Laa yaa ri nɔng ɓarɛ kagn ka nɔng ɓɔɔ tɔ̀ɔ katɔ kɔngkɔng ɓɛɛ.

2 Bituru 2:4

Ka tĩng tɛ̃ɛ tɛ̃ɛ, rɛɛ zang nyaa shonang Laa ɓɔɔ ri ka lapa ɓɛɛ, ri palɛ vuu shi kpang, gn ɓarɛ kɔng Laa kpang. Laa yiki ri, vang ri ka nɔng waa. Zang mã̀lɛ̀ ri doo nɛɛ soo saka, ka nɔng waa kaɓa ɓɔɔ tɔ̀ɔ kɔngkɔng ɓɛɛ, tɔ̀ɔ, diki ɓɔɔ zang naa jɛ̃ɛ ri ruu wu a nɛɛ mani.

Yahuza 1:13

Ri nwàng ɓarɛ naa mii waapo ɓɔɔ rãa dɔɔli, a vuu shi kpang ɓɔɔ ri palɛ tusu bii ɓi kaa naa puru ɓɔɔ pu ka yuu mii waapo ɓɛɛ. Ri nwàng ɓarɛ naa sang ɓɔɔ jĩli ka lapa ɓɛɛ. Laa shìng ri nɔng tɔ dòndòng, ka nɔng ɓɔɔ tɔ̀ɔ katɔ kɔngkɔng ɓɛɛ.

Vuu ɓɔɔ zang nwangsɛ Yɔhana 22:15

Zang ɓɔɔ ri palɛ vuu shi kpang, nɛɛ rɛɛ nvaa, nɛɛ zang ɓɔɔ ri palɛ dũndũng, nɛɛ zang ɓɔɔ ri nyɔkɔ zang vɔrɔ, nɛɛ zang ɓɔɔ ri bang vaka, a zang piti ɓɔɔ ri suru sèé, ɓɔɔ ri ti tãa tĩnnang sèé suunang katɔ ɓɛɛ, ri naa nwang ɓarɛ ka yuu knti gari bìí, ri daa yeti ɓiɓɛ kpang.