Matiyu 6:6 - Nyaa Shɔɔ Ɓɔɔ Laa a Ɓɛɛ

⁶ Mɔɔ nɛɛ tɔɔ mɔɔ gaa Laa, tu ka yeti jaka ɓaaɓɛ, mɔɔ ku nyaa gãa, tɔɔ mɔɔ gaa Daa ɓaaɓɛ ɓɔɔ zang zi kpang ɓɛɛ. Daa ɓaaɓɛ ɓɔɔ zi vuu ɓɔɔ zang waasɛ katɔ ɓɛɛ, tɔɔ wu naa a mɔɔ vuu ɓɔɔ wu shing mɔɔ kati.

Matiyu 6:6 Σταυροειδείς Αναφορές

Matiyu 14:23

Jee zang nyaa tɔ, a naa vang ka kɔpɔ, nɛɛ wu daa gaa Laa. A laa hãa wu nyaa ka nɔngkɔ ka bm.

Matiyu 6:18

tɔ̀ɔ ri zi nyaalaa ɓɔɔ mɔɔ seng kaa takpang. Tɔɔ Daa ɓaaɓɛ ɓɔɔ zang zi kpang, wukɔ wu zi gbete. Daa ɓaaɓɛ ɓɔɔ zi vuu ɓɔɔ zang waasɛ katɔ, wu a mɔɔ vuu ɓɔɔ wu shing mɔɔ kati.

Matiyu 6:4

Tɔ̀ɔ vuu ɓɔɔ mɔɔ tɔɔ mɔɔ a zang, zang ɓɔɔgn, ri zi kaa takpang. Tɔɔ Daa ɓaaɓɛ ɓɔɔ zi vuu ɓɔɔ zang palɛ nɛɛ nwĩiri, wu naa a mɔɔ vuu ɓɔɔ wu kasɛ ɓɛɛ kati.”

Yɔhana 1:48

Natanalu hɛ̃ɛ wu nɛɛ, “Mɔɔ pálɛ̀ bɛ̀ɛ́ mɔɔ zi m nɔngkɔ viya?” Yeesɔ kasɛ nyaa tɔɔ, “N zi mɔɔ dòo ka doo laa sĩiri bɛ̀ɛ́ Filibu daa ɓaa mɔɔ nyaa gn kpang.”

Yɔhana 20:17

Yeesɔ kɔɔ wu tɔɔ, “Mɔ́ɔ yi m naa gn bii kpang, ka ruu ɓɔɔ, n gbãayu gn lapa ka bii Daa mɛɛ kpang ɓɛɛ. Dàa ka bii rɛɛ manzung, mɔɔ daa kɔɔ ri nɛɛ, N gbãayu kana ka bii Daa mɛɛ ɓɔɔ dòo Daa manɛ kɔ ɓɛɛ, Laa mɛɛ, ɓɔɔ ti dòo Laa manɛ kɔ ɓɛɛ.”

Zang Shonang Yeesɔ 10:30

Koneliyu kasɛ wu nyaa tɔɔ, “Diki daa lɛɛkɔ dɛ̃ɛti bɛ̀ɛ́ n ka yeti gãa mɛɛ, n gàá Laa bɛ̀ɛ́ laa naa weɓe kɔ saka taati. A zang ɓɔɔ hãa fɔ̃ɔrɔ kɔlɔ katɔ nwang nyaa a shii ka tĩng mɛɛ,

Zang Shonang Yeesɔ 10:9

Nɔng gãntɛ tɔ rɛɛ zang keɓe, ri yi gbalang tɔ, ri a tɔ naabm nɛɛ Joopa. Bituru vang ɓi kaa gãa lapa bɛ̀ɛ́ laa kaa dalɛ yuu nɛɛ wu gaa Laa.

Zang Shonang Yeesɔ 9:40

Bituru nwangsɛ ri nɛɛ yeti gãa nandon, a tang ka tipi, gaa Laa, a raa jĩng ka vɔrɔ, a kɔɔyi tɔɔ, “Tabita, yupaa ta.” A Tabita puu jĩng, ɓɔɔ zi Bituru, yupaa nwang doopaa.

Rooma 8:5

Zang ɓɔɔ ri nwàng ɓarɛ ka naa ɓɔɔ bii shɔnzang ɓarɛ kɔɔ ri nɛɛ ri nwang ɓɛɛ, ri rɛ̃rɛ ɓarɛ naa ɓɔɔ bii ɓarɛ kasɛ ɓɛɛ. Zang ɓɔɔ ri nwàng naa ɓɔɔ Suru kɔɔ ri nɛɛ ri nwangnɛ, ri rɛ̃rɛ ɓarɛ ka yuu vuu ɓɔɔ Suru kasɛ ɓɛɛ.

Afisa 3:14

Ka ruu vuu keɓe kɔ, n tàng nɛɛ gutu ka tĩng Daa ɓuru