Matiyu 6:34 - Nyaa Shɔɔ Ɓɔɔ Laa a Ɓɛɛ

³⁴ Ka ruu nɔngkɔ, nɔ́ɔ rɛ̃rɛ ka ruu diki ɓɔɔgn kpang. Vuu ɓi ka naa Laa kɔ gbete. Nɔɔ shing jĩng ka vuu ɓɔɔ lɛɛkɔ kɔ shɛ̃ɛning, vuu lɛɛkɔ ɓɔɔ kpãa nɔɔ, daa ɓɔɔ nɔɔ shing jĩng ka rikɔ shɛ̃ɛning ɓɛ̀ɛ́ tɔ.

Matiyu 6:34 Σταυροειδείς Αναφορές

Matiyu 6:11

A ruu vuu shaanang ɓɔɔ lɛɛkɔ jong, lɛɛkɔ.

Matiyu 6:25

“Ka ruu nɔngkɔ, n kɔ̀ɔ́ nɔɔ, nɔɔ rɛ̃rɛ ka ruu nwannang manɛ dɔɔli kpang nɛɛ nɔ́ɔ walɛ vuu shaanang, nɛɛ mii ɓoonang, a ɓɔɔ vuu ɓɔɔ nɔɔ hãa ka bii manɛ ka niya kpang. Suru bii ɓa vuu shaanang kpang ya? Bii shɔnzang ti ɓa fɔ̃ɔrɔ kpang ya?

Matiyu 6:27

Zang gbete ɓu wi ka teteng manɛ, zunung diki gbete gisinang katɔ ka yuu diki nwannang ɓiɓɛ, nɛɛ rɛ̃rɛnang ɓiɓɛ wiya?

Luka 10:41

A Yeesɔ kasɛ wu nyaa tɔɔ, “Mata, mɔɔ rɛ̃rɛ, a bii ti nwãa mɔɔ ka ruu vuu dɔɔli.

Luka 11:3

A ruu vuu shaanang ɓɔɔ ruu shaa ɓɛɛ jɔng diki diki.

Luka 12:11

“Zang nɛɛ atɛ nɔɔ tɔ, nɛɛ zang jɛ̃ɛ nɔɔ ruu ka gãa zɔɔ kpalɛnang zang Yahudi, kɔ ka bii gɔmna, kɔ bii zang bang bang ɓɔɔ ri yiti tipi ɓɛɛ, nɔɔ rɛ̃rɛ ka ruu naa ɓɔɔ, nɔɔ daa kasɛ zang nyaa, nɛɛ naa vuu ɓɔɔ nɔɔ daa kɔɔ ɓɛɛ kpang.

Luka 12:22

A Yeesɔ kɔɔ zang ɓɔɔ ri mantɛ vuu ka bii ɓiɓɛ tɔɔ, “Ka ruu nɔngkɔ, n kɔɔ nɔɔ, nɔ́ɔ nyɔ yuu manɛ nɛɛ rɛ̃rɛnang, ka ruu vuu ɓɔɔ nɔɔ naa shaayi, nɛɛ ruu fɔ̃ɔrɔ ɓɔɔ nɔɔ hãa ka bii ɓɛɛ kpang.

Yɔhana 14:27

“Nɔɔ nwang waasɛ̃, vuu koo keɓe shing nɔɔ, nɔɔ nwáng waasɛ̃ kpang. Nwannang waasɛ̃ keɓe a ɓi nɛɛ bii mɛɛ. Yeti manɛ wu lasɛ kpang, nɔɔ ti kaa vɔrɔ kpang.

Yɔhana 16:33

N kɔɔ nɔɔ vuu keɓe, nɛɛ nɔɔ nwáng nɛɛ n, tɔɔ, nɔɔ nwáng kaa waasɛ̃. Nɔɔ dang jĩng katɔ ka koo keɓe. Nɔ́ɔ mã danggn kagn, n ɓá vuu ɓɔɔ ka koo keɓe yuu tɔ.”

Zang Shonang Yeesɔ 14:22

Ri mã zang ɓɔɔ ri shing danggn tɔ danggn, ri kɔɔ ri nɛɛ ri yáa danggn kɔ ri shing ɓee kpang. Ri kɔɔyi nɛɛ, “Rùu dàng jĩng dɔɔli ka gbongkarɛ, tɔ̀ɔ, ruu daa nɔng ɓɔɔ Laa roo kpanti ɓɛɛ kati.”

Filipi 4:6

Nɔɔ kpãa yuu manɛ ka ruu vuu ɓɔɔ kpang, nɔɔ kɔ̀ɔrɔ̀ Laa vuu ɓɔɔ nɔɔ kasɛ ɓɛɛ kɔ jong. Nɔ́ɔ gàa Laa ka ɓɔɔ nɔɔ rang yee nɛɛ wu, nɔɔ ti zãa wu.

1 Bituru 5:7

Nɔɔ yaa vuu ɓɔɔ kpãa nɔɔ piti ka naa ɓiɓɛ, ka ruu ɓɔɔ, wukɔ gãng jĩng ka nɔɔ ɓɛɛ.