Matiyu 6:20 - Nyaa Shɔɔ Ɓɔɔ Laa a Ɓɛɛ

²⁰ Nɔɔ kpálɛ́ vuu naa manɛ ka nɔng Kpanti Laa ɓɔɔ ka lapa ɓɛɛ, ka nɔng ɓɔɔ tùurú nɛɛ sisaa ri lasɛ kpang ɓɛɛ. Shɔngɓɔ ri ti lasɛ nyaa gãa, ri ɓɔɔ kpang ɓɛɛ.

Matiyu 6:20 Σταυροειδείς Αναφορές

Matiyu 19:21

A Yeesɔ kɔɔ wu tɔɔ, “Mɔɔ nɛɛ kasɛ nɛɛ mɔɔ nwang zang ɓɔɔ vuu shi kpang ɓi ka bii ɓiɓɛ gbete kpang, ka tĩng Laa, dita mɔɔ daa mãlɛ́ vuu naa ɓaaɓɛ nandon, mɔɔ basɛ zang ɓɔɔ vuu ka naa ɓarɛ kpang saka vuu ɓɔɔ mɔɔ malɛ ɓɛɛ kati. Mɔɔ naa walɛ vuu naa ditɔ ka lapa. Tɔ̀ɔ, mɔɔ arɛ mɔɔ dũng m.”

Matiyu 6:19

“Nɔ́ɔ kpalɛ vuu naa manɛ ka koolaa keɓe kpang, ka ruu ɓɔɔ tùurú nɛɛ sisaa ri lasɛ katɔ ɓɛɛ. Shɔngɓɔ ri ti lasɛ nyaa gãa, ri daa ɓɔɔyi ɓɛɛ.

Maraku 10:21

Yeesɔ shu wu jĩng tɔ ka bii, kasɛ wu kati. A kɔɔ wu tɔɔ, “Mɔɔ shing jĩng tɔ ka nyaa ɓɔɔ Laa dang ɓɛɛ niizang, yaa mɔɔ vuu gbete. Dita, mɔɔ daa mãlɛ̀ vuu naa ɓaaɓɛ nandon, mɔɔ basɛ zang ɓɔɔ vuu ka naa ɓarɛ kpang, saka vuu ɓɔɔ mɔɔ mãlɛ́ ɓɛɛ. Mɔɔ naa walɛ vuu naa ditɔ ka lapa. Tɔ̀ɔ, mɔɔ arɛ mɔɔ dũng m.”

Luka 12:33

Nɔɔ mãlɛ́ vuu naa manɛ ta, nɔɔ a zang ɓɔɔ vuu ka naa kpang ɓɛɛ saka. Nɔɔ kpalɛ yuu manɛ vuu ɓɔɔ lasɛ kpang, ka nɔng Laa. Ka nɔng ɓɔɔ shaarɛ kpang, shɔngɓɔ daa ɓɔɔ kpang, tuuru ri ti daa lasɛ kpang ɓɛɛ.

Luka 18:22

Ɓɔɔ Yeesɔ tãa naa weɓe, a kɔɔ wu tɔɔ, “Yàa mɔɔ kaa vuu gbete. Mãlɛ́ vuu ɓaaɓɛ nandon, mɔɔ basɛ zang ɓɔɔ vuu ka naa kpang ɓɛɛ saka. Tɔ̀ɔ, mɔɔ arɛ mɔɔ dũng knti mɛɛ. Mɔɔ naa walɛ vuu naa ditɔ ka lapa.”

1 Timoti 6:17

Kɔɔ zang ɓɔɔ ri zang ying ka koo keɓe ri tuu yuu ɓarɛ kpang. Ri shing gn ka vuu naa ɓɔɔ nwang dòndòng kpang, ɓɔɔ naa weɓe kpang. Ri shing gn ka bii Laa ɓɔɔ a ruu vuu piti, ka diki kpang, nɛɛ tɔ̀ɔ, ruu tãa tĩnang nɛɛ mani ɓɛɛ.

1 Timoti 6:19

Naa ri palɛ naa weɓe, ri kpàlɛ́ yuu ɓarɛ, vuu ɓɔɔ ri lòó ɓarɛ doo vuu ɓɔɔ naa yi ri naa ka bii ka tĩng ɓɛɛ. Tɔ̀ɔ, ri walɛ suru bii ɓɔɔ niizang ɓɛɛ kati.

Yahudi 10:34

Ka ruu ɓɔɔ, gn zang ɓɔɔ zang mã ri ka sãa kɔng nɔɔ katɔ. Ɓɔɔ zang lasɛ vuu manɛ zang seeyi, yeti manɛ lasɛ kpang. Ka ruu ɓɔɔ, nɔɔ nɛɛ yuu manɛ, nɔɔ zi tɔ, nɛɛ vuu manɛ kagn ɓɔɔ ɓa weɓe katɔ, a ti nwang ɓi dòndòng ɓɛɛ.

Yahudi 11:26

Risi vuu yusɛ̃ɛ ɓɔɔ zang pàlɛ́ zang, ka ruu Kirisi, nɛɛ nwǎng zang tɔ̃ɔ dɔɔli, ɓa vuu naa ɓɔɔ ka Masara nandon katɔ. Ka ruu ɓɔɔ shing jĩng ɓi ka tĩng ka vuu tɔ̃ɔ ɓɔɔ wu naa walɛ ɓɛɛ.

Yakubu 2:5

Manzung ɓɔɔ n kasɛ nɔɔ dɔɔli ɓɛɛ, nɔɔ ɓaa shoo. Laa zɔ̃ng zang ɓɔɔ ri zang ying kpang, ɓɔɔ ri ka koo keɓe, nɛɛ ri nwang zang ying ka danggn ɓɔɔ ri shing ka bii Laa ɓɛɛ. Shing ri tɔ, ri walɛ vuu ɓɔɔ Laa tɔɔ wu shing zang ɓɔɔ ri kasɛ ruu ɓiɓɛ katɔ ka ɓɔɔ wu roo kpanti ɓɛɛ.

1 Bituru 1:4

Ruu ti zi tɔ nɛɛ ruu naa walɛ vuu tɔ̃ɔ ɓɔɔ Laa shing ka lapa ɓɛɛ ditɔ. Vuu keɓe ri pũng kpang dòndòng, ri lasɛ kpang, ri ti shàarɛ̀ kpang tingkiring.

1 Bituru 5:4

Naa nɔɔ palɛ nɔngkɔ, ka diki ɓɔɔ Yeesɔ Kirisi ɓɔɔ wukɔ kpanti jagãng tusu yuu ɓiɓɛ nɛɛ tɔ̀ɔ, zang piti ri zi wu nɛɛ jĩng, naa a nɔɔ bannang. Zang kãng nɔɔ lapoo yuu kpanti ɓɔɔ kɔlɔ katɔ ɓɛɛ ka yuu. Kɔlɔnang lapoo keɓe tù ɓi kpang dòndòng.

Vuu ɓɔɔ zang nwangsɛ Yɔhana 2:9

N zi jĩng ɓɔɔ nɔɔ dang ɓɛɛ tɔ. N ti zi tɔ, nɔɔ vuu ka naa kpang. A niizang nɔɔ wu vuu ka naa kpang, kpang, nɔɔ manɛ wujɛ ying. N ti zi naa ɓɔɔ zang kaɓa ɓɔɔ ri suu sèé, ri tuu yuu ɓarɛ naa ri zang Yahudi, ri rangkɛ ruu shi kpang ka yuu manɛ tɔ. Ri ɓarɛ zang ɓɔɔ ri dũng Sheetang ɓɛɛ.