Matiyu 6:2 - Nyaa Shɔɔ Ɓɔɔ Laa a Ɓɛɛ

² “Mɔɔ nɛɛ tɔɔ mɔɔ a zang ɓɔɔ vuu ka naa kpang vuu, mɔɔ jèe vuukãng ka gbongkarɛ naa ɓɔɔ zang ɓɔɔ ri nwãarɛ zang nɛɛ vuu palɛnang, ri palɛ ka gãa zɔɔ kpalɛnang zang Yahudi nɛɛ nyaa gbabang ɓɛɛ kpang. Ka ruu ɓɔɔ, ri kasɛ nɛɛ zang dɔɔ ri kati ɓɛɛ. N kɔɔ nɔɔ ruu ɓɔɔ niizang kɔ nwani, zang keɓe, ri ta vuu ɓɔɔ Laa nɛ̀ɛ́ a ri ɓɛɛ tɔ nandon.

Matiyu 6:2 Σταυροειδείς Αναφορές

Matiyu 15:7

Nɔɔ zang ɓɔɔ ri nwãarɛ zang nɛɛ vuu palɛnang ɓɛɛ, ruu ɓɔɔ Ishaya zang nyaa shonang Laa kɔɔ ka yuu manɛ niizang kɔ nwani.

Matiyu 16:3

Nɛɛ ti lɛ̀ɛ́ nɛɛ gãndi, nɔɔ ti kɔɔyi nɛɛ, ‘Mii a lɛ̀ɛ́ katɔ, ka ruu ɓɔɔ, lapa raayi, a ti nwang lɛ̀ɛ́ ɓirɛnzing ɓɛɛ. Lapa nɛɛ risi bii tɔ, nɔɔ ti zi vuu ɓɔɔ naa palɛ tɔ.’ A nɔɔ zi vuu ɓɔɔ ka yeti vuu ɓɔɔ zang zirɛ zang mã naa ka danggn ɓɔɔ palɛ ka koo keɓe kãntang kpang.

Matiyu 22:18

Yeesɔ ti zi vuu shi kpang ɓɔɔ ri mang ka yeti ɓarɛ ɓi tɔ, a kɔɔ ri tɔɔ, “Nɔɔ zang ɓɔɔ nwãarɛ zang nɛɛ vuu palɛnang ɓɛɛ, nɔɔ gãsɛ m ka ruu viya?

Matiyu 23:5

Vuu piti ɓɔɔ ri palɛ, ri palɛ ɓarɛ ka ruu ɓɔɔ, tɔ̀ɔ, zang zi ri kati ɓɛɛ. Ri pu jaa baajaa ɓɔɔ ri tɛ̃ɛ Ruu Laa ɓarɛ kagn nɛɛ koo zaa nwɛ̃ɛri pokoto pokoto, ri mã kaa waa nyaating ɓarɛ. Ri ti hãlɛ ɓarɛ fɔ̃ɔrɔ ɓɔɔ nyaa ɓiɓɛ beebang beebang ɓɛɛ.

Matiyu 23:6

Ri kasɛ nwannang ka nɔng ɓɔɔ zang bang ri nwalɛ ka nɔng ɓɔɔ zang kpalɛ zɔɔ kagn zang shaa vuu shaanang nɛɛ ɓɔɔ ka gãa zɔɔ kpalɛnang zang Yahudi ɓɛɛ.

Matiyu 24:51

Dabang ɓiɓɛ naa dang wu jĩng ditɔ, wu ti shing wu nɛɛ zang ɓɔɔ ri nwãarɛ zang nɛɛ vuu palɛnang ka nɔng ɓɔɔ zang kaayi, zang shaa nyaa kagn kpaaka kpaaka ɓɛɛ.

Matiyu 5:18

N kɔ̀ɔ́ nɔɔ ruu ɓɔɔ niizang kɔ nwani, lapa nɛɛ tipi ri nɛɛ doogn, vuu gbete ka teteng rɛɛ vuu ɓɔɔ Musa beeyi naa shaarɛ kpang. Ri naa ɓee nyaa ditɔ nandon.

Matiyu 6:16

“Nɔɔ nɛɛ seng nyaalaa nɔ́ɔ kãngtɛ nyaa tĩng naa zang ɓɔɔ ri nwãarɛ zang nɛɛ vuu palɛnang ɓɛɛ kpang. Ri risi nyaa tĩng ɓarɛ naa ɓɔɔgn nɛɛ tɔɔ zang zi kati nɛɛ ri seng nyaalaa. N kɔɔ nɔɔ ruu ɓɔɔ niizang kɔ nwani, zang keɓe ri ta vuu ɓɔɔ ri kasɛ nɛɛ bii zang ɓi tɔ nandon.

Matiyu 6:3

A mɔɔ nɛɛ tɔɔ, mɔɔ a zang ɓɔɔ vuu ka naa kpang vuu, mɔɔ kàsɛ̀ zang ɓɔɔ kagn wu zi vuu ɓɔɔ mɔɔ palɛ ɓɛɛ kpang.

Matiyu 6:5

“Nɔɔ nɛɛ tɔɔ nɔɔ gaa Laa, nɔ́ɔ palɛ naa zang ɓɔɔ ri nwãarɛ zang nɛɛ vuu palɛnang ɓɔɔ ri palɛ ɓɛɛ kpang. Ri kasɛ Laa gaanang doo paa ka gãa zɔɔ kpalɛnang zang Yahudi, nɛɛ nɔng ɓɔɔ gbabang ɓee zɔɔ, nɛɛ tɔɔ zang zi ri kati. N kɔɔ nɔɔ ruu ɓɔɔ niizang kɔ nwani, zang keɓe ri ta vuu ɓɔɔ Laa nɛɛ a ri tɔ nandon.

Matiyu 7:5

Mɔkɔ nwãarɛ zang nɛɛ vuu palɛnang ɓi, zɔ̃́ng lawaa bang, ɓɔɔ ka jĩng ɓaaɓɛ ka gbongkarɛ, tɔ̀ɔ, mɔɔ zi nɔng kaa tɔ̃ɔ, mɔɔ sha zũng laa ɓɔɔ ka jĩng ɓaazung kati.

Maraku 12:39

Ri ti kasɛ nwannang ka nɔng tɔ̃ɔ, tɔ̃ɔ ka gãa zɔɔ kpalɛnang zang Yahudi nɛɛ nɔng ɓɔɔ zang shĩili zang bang bang, ka nɔng ɓɔɔ zang kpalɛ zɔɔ kagn, zang shaa vuu shaanang ɓɛɛ.

Maraku 7:6

A kasɛ ri nyaa tɔɔ, “Ruu ɓɔɔ Ishaya zang nyaa shonang kɔɔ ka yuu manɛ, nɔɔ zang ɓɔɔ nwãarɛ zang nɛɛ vuu ɓɔɔ nɔɔ palɛ, niizang kɔ nwani. Laa kɔɔ nɛɛ nyaa Ishaya tɔɔ, “ ‘Zang keɓe ri dɔɔ m ka nyaa lapa waati, yeti ɓarɛ ɓi ka bii mɛɛ kpang.

Luka 11:41

Nɔɔ a zang ɓɔɔ vuu ka naa ɓarɛ kpang ɓɛɛ, vuu ɓɔɔ ka yeti waka manɛ ɓɛɛ. Vuu manɛ piti nwang ditɔ tɔ̃ɔ tɔ̃ɔ.

Luka 11:43

“Jĩng dannang kagn yuu manɛ Farisi. Ka ruu ɓɔɔ, nɔɔ kasɛ nɔng nwannang ɓɔɔ tɔ̃ɔ tɔ̃ɔ ka gãa zɔɔ kpalɛnang, nɛɛ nɔɔ ti kasɛ nɛɛ zang jee nɔɔ nyaa, zang a nɔɔ bannang kagn ka lumang ɓɛɛ.

Luka 12:33

Nɔɔ mãlɛ́ vuu naa manɛ ta, nɔɔ a zang ɓɔɔ vuu ka naa kpang ɓɛɛ saka. Nɔɔ kpalɛ yuu manɛ vuu ɓɔɔ lasɛ kpang, ka nɔng Laa. Ka nɔng ɓɔɔ shaarɛ kpang, shɔngɓɔ daa ɓɔɔ kpang, tuuru ri ti daa lasɛ kpang ɓɛɛ.

Luka 12:56

Ɓɔɔ nɔɔ zang ɓɔɔ nwãarɛ zang nɛɛ vuu palɛnang ɓɛɛ, nɔɔ nɛɛ pɛ̃ɛrɛ koo tɔ, nɛɛ lapa, nɔɔ zi vuu ɓɔɔ naa nwang katɔ. A nɔɔ zi vuu ɓɔɔ Laa palɛ ka diki keɓe kpang ka ruu viya?

Luka 13:15

A Kpanti Yeesɔ kɔɔ wu tɔɔ, “Zang ɓɔɔ ri nwãarɛ zang nɛɛ vuu palɛnang ɓɛɛ, zang ɓɔɔ kagn teteng manɛ gbete kãlɛ napo, kɔ seesaa ɓiɓɛ nɛɛ vàa, daa a wu mii ka Diki Ɔ̃sɔnang kpang ɓu wiya?

Luka 20:46

Kɔɔ ri tɔɔ, “Nɔɔ gãng jĩng ka zang ɓɔɔ ri tusu zang vuu ɓɛɛ waasɛ̃. Ri kasɛ rakɛnang nɛɛ fɔ̃ɔrɔ puru, a ri ti kasɛ nyaa jeenang ka lumang. Ri kasɛ nɛɛ zang a ri nɔng nwannang bang ka gãa zɔɔ kpalɛnang, nɛɛ nɔng ɓɔɔ zang kpalɛ yuu, zang shaa vuu shaanang ɓɛɛ.

Luka 6:24

Jĩng dannang kagn yuu manɛ, ɓɔɔ vuu naa manɛ kagn ɓɛɛ, ka ruu ɓɔɔ, nɔɔ walɛ tĩnang tãanang manɛ tɔ ɓɛɛ.

Luka 6:42

A mɔɔ kɔɔ ɓaazung ɓu kaa biya nɛɛ, ‘Manzung, n kaaɓi, n sha mɔɔ zũng laa tɔkɔlɔng kɔ ka jĩng ɓaaɓɛ ɓi.’ A mɔɔ ti zi lawaa bang ɓɔɔ ka jĩng ɓaaɓɛ ɓi kpang viya? Zang ɓɔɔ nwãarɛ zang nɛɛ vuu palɛnang ɓɛɛ, nwangsɛ lawaa bang ɓɔɔ ka jĩng ɓaaɓɛ gbongkarɛ, tɔ̀ɔ, mɔɔ zi nɔng kaa tɔ̃ɔ, mɔɔ sha zũng laa ɓɔɔ ka jĩng ɓaazung kati.

Yɔhana 13:29

Zang ɓɔɔ ri kɔɔ ɓarɛ nɛɛ naa ɓɔɔ duku saka ɓarɛ ka naa Yahuda kɔ, Yeesɔ kɔɔ wu nɛɛ wu hoo vuu ɓɔɔ ri shaa ɓɛɛ. Zang ɓɔɔ ri kɔɔ ɓarɛ nɛɛ Yeesɔ shong wu nɛɛ wu daa a zang ɓɔɔ vuu ka naa kpang saka.

Yɔhana 5:41

“N shing gn m ka dɔɔnang ɓɔɔ shɔnzang dɔ̀ɔ́ m ɓɛɛ kpang.

Yɔhana 5:44

Nɔɔ kasɛ nɛɛ nɔɔ dɔ̀ɔ́ zɔɔ ka naa manɛ. Nɔɔ kasɛ kpang nɛɛ Laa ɓɔɔ wukɔ Laa gbete gãagãa, wu dɔɔ nɔɔ kpang. A nɔɔ palɛ biya nɔɔ shing danggn ka bii mɛɛ viya?

Yɔhana 7:18

Zang ɓɔɔ rang yee ɓɔɔ yuu ɓiɓɛ, kã̀á ɓi yuu ɓiɓɛ bannang. Zang ɓɔɔ kã̀á zang ɓɔɔ shong wu bannang, ɓi zang ɓɔɔ palɛ vuu ɓɔɔ niizang ɓɛɛ. Nwáarɛ̀ zang ɓi kpang.

Zang Shonang Yeesɔ 10:2

Koneliyu ɓi zang ɓɔɔ dũng Laa ɓɛɛ. Bang Laa nɛɛ zang gãa ɓiɓɛ piti. Yi rɛɛ zang Yahudi ɓɔɔ vuu ka naa ɓarɛ kpang naa ka bii, ti gaa Laa diki diki.

Zang Shonang Yeesɔ 10:31

a kɔɔyi tɔɔ, ‘Koneliyu, Laa tãa gaanang ɓɔɔ mɔɔ gaa wu tɔ, danggn vuu tɔ̃ɔ ɓɔɔ mɔɔ pàlɛ́ zang ti ning wu kpang.

Zang Shonang Yeesɔ 10:4

Koneliyu ã̀tɛ zang nyaa shonang Laa ɓɔɔ ka lapa ɓɛɛ jĩng ka bii. Bii kaa wu vɔrɔ, a kasɛ nyaa tɔɔ, “Ɓu viya Kpanti.” Zang nyaa shonang Laa ɓɔɔ ka lapa, kasɛ wu nyaa tɔɔ, “Laa tãa gaanang ɓɔɔ mɔɔ gaa wu tɔ. Ti zi tɔ̃ɔ ɓɔɔ mɔɔ pàlɛ́ zang tɔ, ka ruu nɔngkɔ, danggn ɓaaɓɛ ning Laa kpang.

Zang Shonang Yeesɔ 11:29

Rɛɛ zang ɓɔɔ ri dũng Laa ri mang ka yeti ɓarɛ nɛɛ rí kpalɛ vuu naa ɓɔɔ zang ɓu walɛ katɔ ɓɛɛ, ri yi rɛɛ manzung ɓuru ɓɔɔ ri dũng doo Laa kɔ doori ka tipi Yahudi ɓɛɛ naa ka bii.

Zang Shonang Yeesɔ 24:17

“Saa mɛɛ bee tɔ tɔkɔlɔng n daa Urushalima kpang. Wee n nɛɛ daayi, n tɔɔ n daa a rɛɛ zang mɛɛ ɓɔɔ vuu ka naa kpang vuu ɓɔɔ zang kpalɛ, ń ti dɔɔ Laa vuu vaa.

Zang Shonang Yeesɔ 9:36

Jaa soro ɓɔɔ kagn dũng Laa, ka gari Joopa zang ɓaa nung ɓiɓɛ nɛɛ Tabita (Tabita nɛɛ nyaa Heleni ɓi Dorika, nung ɓɔɔ zang ɓaa mákà ɓɛɛ). Jaa soro keɓe pálɛ̀ ɓi tɔ̃ɔ diki diki, ti yi zang ɓɔɔ vuu ka naa kpang, naa ka bii.

Rooma 12:8

Zang ɓɔɔ nɛɛ mã zang danggn, ka danggn ɓɔɔ wu mã zang ɓɛɛ. Zang ɓɔɔ nɛɛ tɔɔ wu basɛ vuu ɓiɓɛ nɛɛ zang ɓɔɔ, wu bàsɛ̀ nɛɛ yeti gbete. Zang ɓɔɔ wukɔ nɛɛ zang bang, wu palɛ shonang nɛɛ kaka ɓiɓɛ ning. Zang ɓɔɔ nɛɛ palɛ zang tɔ̃ɔ, wu mã nyaa tĩng katɔ kpang.

1 Koranti 13:3

Naa n tuu doo vuu naa mɛɛ nandon, n bàsɛ̀ zang ɓɔɔ vuu naa ɓarɛ kagn kpang ɓɛɛ. A n ti kasɛ tɔ nɛɛ zang tuu m zang dɔɔ m ka waa. Naa n kasɛ zang kpang, vuu keɓe ri nwang m vuu ɓɔɔ kpang.

Galati 2:10

Ri kɔɔ ruu nɛɛ, danggn wu ning ruu zang ɓɔɔ vuu ka naa ɓarɛ kpang, ɓɔɔ ri ka teteng zang kaɓa kpang kɔ shɛ̃ɛning. Vuu ɓɔɔ bɛ̀ɛ́ n shing danggn palɛnang ɓee kɔ.

Afisa 4:28

Zang ɓɔɔ bɛ̀ɛ́ shɔngɓɔ wu yaa vuu ɓɔɔnang ta, wu gaayu shonang ɓɔɔ tɔ̃ɔ palɛnang ta nɛɛ naa ɓiɓɛ. Tɔ̀ɔ, wu walɛ vuu ɓɔɔ wu yi zang ɓɔɔ vuu ka naa ɓarɛ kpang naa ka bii.

1 Tesalonika 2:6

Ruu tɔɔ kpang nɛɛ ruu shing nɔɔ, nɔɔ dɔɔ ruu kpang, a ruu ti kãa gbalang ɓɔɔ zang ɓɔɔ ri dɔ̀ɔ ruu ɓɛɛ kpang.

1 Timoti 6:18

Kɔɔ ri nɛɛ ri palɛ vuu ɓɔɔ tɔ̃ɔ ɓɛɛ. Ri nwang zang ying nɛɛ vuu tɔ̃ɔ ɓɔɔ ri palɛ ɓɛɛ. Ri mung naa kpang, ri a zang vuu, ri basɛ vuu ɓarɛ katɔ nɛɛ zang ɓɔɔ ɓɔ̀ɔ́ ɓarɛ kagn kpang.

Filimon 1:7

Masang, naa ɓɔɔ mɔɔ kasɛ zang ɓɛɛ, shing m̌ tɔ, n tãa tĩnang, ti mã m danggn tɔ gbãng gbãng. Mɔ̀ɔ ti shing tɔ yeti zang Laa valɛ tɔ.

Yahudi 13:16

Danggn wu ti ning nɔɔ tɔ̃ɔ palɛnang nɛɛ vuu basɛnang nɛɛ zɔɔ kpang, ka ruu ɓɔɔ, Laa tãa tĩnang zɔ̃ng vuu keɓe ɓa vuu ɓɔɔ ruu dɔ̀ɔ́ wu katɔ ɓɛɛ.

1 Bituru 4:11

Zang ɓɔɔ Laa nɛɛ a wu naa yee rannang, wu rang yee ɓɔɔ a nɛɛ bii Laa ɓɛɛ. Zang ɓɔɔ nɛɛ zunung ɓɔɔ wu shǒng zang katɔ, wu shong nɛɛ kaka ɓɔɔ Laa a wu piti. Nɔɔ palɛ nɔngkɔ tɔ̀ɔ, zang ri dɔɔ Laa ka ruu vuu piti, ka ruu Yeesɔ Kirisi. Bannang nɛɛ naa vuu palɛnang ɓi ɓɔɔ ɓiɓɛ kɔ dòndòng. Nɔngkɔ.