Matiyu 6:10 - Nyaa Shɔɔ Ɓɔɔ Laa a Ɓɛɛ

¹⁰ Zang ri zirɛ, nɛɛ mɔkɔ kpanti. Zang ti palɛ vuu ɓɔɔ mɔɔ kasɛ ka koo keɓe, naa ɓɔɔ zang palɛ ka lapa ɓɛɛ.

Matiyu 6:10 Σταυροειδείς Αναφορές

Matiyu 12:50

Zang piti ɓɔɔ nɛɛ palɛ vuu ɓɔɔ Daa mɛɛ ɓɔɔ ka lapa kasɛ nɛɛ wu palɛ, wukɔ jaa nàá mɛɛ, nɛɛ nàá mɛɛ.”

Matiyu 16:28

N kɔɔ nɔɔ ruu ɓɔɔ niizang kɔ nwani, zang dɔɔli ka teteng zang keɓe, ri vɔ kpang. Ri zi naa ɓɔɔ Jaa Shɔnzang naa a ka yeti bannang kpanti roonang ɓiɓɛ ka gbongkarɛ.”

Matiyu 26:42

A Yeesɔ ti paarɛ tɔkn, daa gaa Kpanti Laa tɔɔ, “Daa mɛɛ, mɔɔ nɛɛ tɔɔ jĩng dannang keɓe wu ɓa kpang, n dàng katɔ, wu ti nwang naa ɓɔɔ mɔɔ kasɛ ɓɛɛ.”

Matiyu 3:2

Kɔɔ zang tɔɔ, “Nɔɔ yaa vuu shi kpang manɛ ta, nɔ́ɔ kɔ̃sɔ yeti manɛ, ka ruu ɓɔɔ, kpanti roonang Laa a naabm tɔ ɓɛɛ.”

Matiyu 4:17

A Yeesɔ gaa tɔɔsung yee Laa rannang ka diki kaɓa kɔ. Kɔɔyi tɔɔ, “Nɔɔ yaa vuu shi kpang manɛ ta, nɔ́ɔ kɔ̃sɔ yeti manɛ, ka ruu ɓɔɔ, diki ɓɔɔ Laa roo kpanti kagn a naabm tɔ ɓɛɛ.”

Matiyu 7:21

“Wu zang piti ɓɔɔ ri ɓaarɛ m nɛɛ, ‘Kpanti, Kpanti’ kɔ naa daa nɔng ɓɔɔ Laa roo kpanti kpang. Ɓi zang ɓɔɔ ri palɛ vuu ɓɔɔ Daa mɛɛ ɓɔɔ ka lapa kasɛ ɓɛɛ kɔ, ri daayi.

Maraku 11:10

Kpanti ɓɔɔ zɔ̃ng daa ɓuru Dawuda naa rooyi, Laa wu shingnɛ wu nwang tɔ̃ɔ tɔ̃ɔ. Zang wu ti dɔɔ Kpanti Laa ta.”

Maraku 3:35

“Zang ɓɔɔ nɛɛ palɛ vuu ɓɔɔ Daa mɛɛ ɓɔɔ ka lapa kasɛ nɛɛ wu palɛ, wukɔ naa mɛɛ nɛɛ rɛɛ jaa nàá mɛɛ.”

Luka 19:11

Ɓɔɔ ri tãa ruu kaɓa kana, Yeesɔ rang ri yee ɓɔɔ kaa nɛɛ nyaa vuu jeenang, ka ruu ɓɔɔ, bɛ̀ɛ́ ri yaa Urushalima kaa naabm ɓɛɛ. A zang keɓe ti kɔɔ ɓarɛ nɛɛ Kpanti roonang Laa nwáng nyaa katɔ tantɛnang.

Luka 19:38

Ri kɔɔrɔ kana nɛɛ, “Laa wu a Kpanti ɓɔɔ a nɛɛ nung Kpanti Laa tĩnang tãanang. Nwannang ka nyaa zɔɔ kagn lapa. Zang wu ti dɔɔ Laa ɓɔɔ ka lapa kpala kpala ɓɛɛ ta.”

Luka 22:42

“Daa mɛɛ, mɔɔ nɛɛ kasɛ tɔ, kɔsɔ m jĩng dannang keɓe jong. Palɛ vuu ɓɔɔ mɔɔ kasɛ ɓɛɛ, wu vuu ɓɔɔ n kasɛ ɓɛɛ kpang.”

Yɔhana 4:34

Yeesɔ kɔɔ ri tɔɔ, “Vuu shaanang mɛɛ ɓi palɛnang vuu ɓɔɔ zang ɓɔɔ shong m kasɛ ɓɛɛ, ń ti hangsɛ shonang ɓɔɔ wu a m ɓɛɛ.

Yɔhana 6:40

Ka ruu ɓɔɔ, Daa mɛɛ kasɛ nɛɛ zang ɓɔɔ nɛɛ shing jĩng ka bii mɛɛ ɓɔɔ n Jaa, nɛɛ ti shing danggn ka bìí mɛɛ, wu walɛ suru bii ɓɔɔ waa nyaa kpang ɓɛɛ. N ti naa wisi wu paa, n a wu suru bii ka diki ɓɔɔ koo waa nyaa ɓɛɛ.”

Yɔhana 7:17

Zang ɓɔɔ nɛɛ kasɛ tɔ, nɛɛ wu palɛ vuu ɓɔɔ Laa kasɛ ɓɛɛ katɔ, vuu ɓɔɔ n túsù nɛɛ a nɛɛ bii Laa, zang keɓe nɛ̀ɛ́ zi katɔ. N nɛɛ ti kɔ̀ɔrɔ́ ɓɔɔ yuu mɛɛ, nɛ̀ɛ́ ti zi katɔ kpang ya?

Zang Shonang Yeesɔ 13:22

Ka knti ɓɔɔ wu nwangsɛ Sɔɔlì, a yi Dawuda kpanti. Laa kɔɔ ruu ka yuu Dawuda tɔɔ, ‘N walɛ Dawuda jaa Jeesi tɔ, zang ɓɔɔ yeti mɛɛ kasɛ ɓɛɛ, wukɔ naa palɛ vuu piti ɓɔɔ n kasɛ nɛɛ wu palɛ ɓɛɛ.’

Zang Shonang Yeesɔ 21:14

Ta yee ɓuru kpang, ka ruu nɔngkɔ, ruu yaa wu. Ruu kɔɔ ɓuru kati nɛɛ, “Laa wu palɛ vuu ɓɔɔ yeti ɓiɓɛ kasɛ ɓɛɛ.”

Zang Shonang Yeesɔ 22:14

Kɔɔ m tɔɔ, ‘Làá rɛɛ dabang ɓuru zɔ̃ng mɔɔ nɛɛ mɔɔ zi vuu ɓɔɔ wu kasɛ ɓɛɛ, nɛɛ mɔɔ zi zang shonang ɓiɓɛ ɓɔɔ tɔ̃ɔ ɓɛɛ, nɛɛ mɔɔ ti tãa ruu nɛɛ nyaa ɓiɓɛ.

Rooma 12:2

Nɔ́ɔ yi tĩng nɛɛ vuu ɓɔɔ zang koo keɓe kasɛ palɛnang ɓɛɛ kpang. Nɔɔ yaa Laa wu kɔ̃sɔ nɔɔ yeti manɛ, wu a nɔɔ rɛ̃rɛnang ɓɔɔ shɔɔ. Tɔ̀ɔ, nɔ́ɔ zi vuu ɓɔɔ Laa kasɛ ɓɛɛ kati. Vuu ɓɔɔ tɔ̃ɔ, a ti shing wu tãa tĩnang, nɛɛ vuu ɓɔɔ daa naa katɔ ɓɛɛ.

Afisa 6:6

Nɔ́ɔ zi wu jĩng ɓarɛ, nɔ́ɔ pálɛ́ vuu keɓe kpang, tɔ̀ɔ, ri dɔɔ nɔɔ kati ɓɛɛ kpang. Nɔɔ palɛ vuu ɓɔɔ Laa kasɛ ɓɛɛ, nɛɛ yeti manɛ nandon, ka ruu ɓɔɔ, nɔɔ manɛ jaafoo Yeesɔ Kirisi ɓɛɛ.

Kolosi 1:13

Tà yuu ɓuru nɛɛ nɔng ɓɔɔ tɔ̀ɔ katɔ ɓɛɛ, atɛ ruu ka nɔng ɓɔɔ Jaa ɓiɓɛ ɓɔɔ wu kasɛ dɔɔli, roo kpanti ɓɛɛ.

Kolosi 1:9

Ka ruu nɔngkɔ, rùu gaa Laa diki diki ka ruu manɛ, ruu gaayu doo nɛɛ diki ɓɔɔ ruu tãa ruu manɛ ɓɛɛ. Ruu gaa Laa wu shing nɔɔ, nɔɔ zi vuu ɓɔɔ wu kasɛ nɛɛ zang palɛ ɓɛɛ. Suru Laa wu a nɔɔ zũnang nɛɛ vuu zinang ɓɔɔ nɔɔ palɛ vuu keɓe nɛɛ mani ɓɛɛ.

1 Tesalonika 4:3

Laa kasɛ nɛɛ nɔɔ nwang zang ɓɔɔ shi kpang ka bii ɓarɛ kpang. Nɛɛ nɔɔ ti yaa dũndũng palɛnang dɔ̃ɔ gbete.

1 Tesalonika 5:18

Naa doo viya pálɛ̀ mɔɔ, zãa Laa katɔ. Wee naa ɓɔɔ Laa kasɛ nɛɛ nɔɔ nwangnɛ, ɓɔɔ nɔɔ ɓakɛ zɔɔ tɔ nɛɛ Yeesɔ Kirisi ɓɛɛ kɔ.

Yahudi 1:14

Ka ruu nɔngkɔ zang nyaa shonang Laa ɓɔɔ ri ka lapa, ri ɓarɛ zang ɓɔɔ ri pàlɛ́ Laa shonang ɓɛɛ waati. Laa shong ri, nɛɛ ri yi rɛɛ zang ɓɔɔ wu naa ta yuu ɓarɛ naa ka bii.

Yahudi 10:36

Nɔ́ɔ yaa danggn mãnang kpang, tɔ̀ɔ, nɔ́ɔ pálɛ́ vuu ɓɔɔ Laa kasɛ ɓɛɛ. Wu a nɔɔ vuu ɓɔɔ wu a nyaa nɛɛ wu á nɔɔ ɓɛɛ kati.

Yahudi 10:7

A n kɔɔyi nɛɛ, ‘Wee n ɓee Laa, n a tɔ, n naa palɛ vuu ɓɔɔ mɔɔ kasɛ ɓɛɛ. Naa ɓɔɔ zang bee vuu ka yuu mɛɛ ka yeti labeenang ɓaaɓɛ ɓɛɛ.’ ”

Yahudi 13:21

N gaa wu, wu a nɔɔ vuu tɔ̃ɔ piti ɓɔɔ nɔɔ kasɛ ɓɛɛ, tɔ̀ɔ, nɔɔ palɛ vuu ɓɔɔ wu kasɛ ɓɛɛ. Wu palɛ vuu ɓɔɔ shing wu, wu tãa tĩnang ka yeti ɓuru, nɛɛ bii Yeesɔ Kirisi. Zang a wu bannang ta gbinggbing. Nɔngkɔ.

1 Bituru 2:15

Laa kasɛ nɛɛ nɔ́ɔ palɛ vuu ɓɔɔ tɔ̃ɔ ɓɛɛ, tɔ̀ɔ, zang ɓɔɔ ri zi vuu ɓɔɔ kpang, ɓɔɔ ri rangkɛ yee shi kpang ka yuu manɛ, ri vɔ̃ nyaa kati.

1 Bituru 4:2

Vuu ɓɔɔ yi nɛɛ lɛɛkɔ, nɔɔ pálɛ̀ manɛ vuu ɓɔɔ Laa kasɛ ɓɛɛ, wu vuu ɓɔɔ bii shɔnzang kasɛ ɓɛɛ kpang.

Vuu ɓɔɔ zang nwangsɛ Yɔhana 11:15

A zang nyaa shonang Laa ɓɔɔ wukɔ wàa rɛɛ zang nyaa shonang Laa ɓɔɔ ri manziti nyaa knti ɓɛɛ, jee gboo ɓiɓɛ. A n tãlɛ yee nwangnɛ lapa, ri rang yee nabm nɛɛ, “Kpanti roonang koo keɓe, raa ɓɔɔ kpanti ɓuru tɔ, nɛɛ ɓɔɔ Kirisi ɓiɓɛ. Laa kɔ naa roo kpanti gbinggbing.”

Vuu ɓɔɔ zang nwangsɛ Yɔhana 12:10

A n tãa yee mɛɛ nɛɛ lapa kɔɔyi nɛɛ, “Kãntang keɓe Laa ta yuu ɓuru tɔ, zang ti zi naa vuu palɛnang ɓiɓɛ tɔ, nɛɛ kpanti roonang ɓiɓɛ. A zang ti zi naa vuu palɛnang Kirisi ɓiɓɛ tɔ, ka ruu ɓɔɔ, zang ɓɔɔ bɛ̀ɛ́ shii ka tĩng Laa kɔɔrɔ ruu shi kpang, ka yuu rɛɛ manzung ɓuru diki diki nɛɛ zĩi nɛɛ laagɛ̃, zang hing wu tɔ nɛɛ lapa zang tasɛ wu tɔ ka koo ɓɛɛ.

Vuu ɓɔɔ zang nwangsɛ Yɔhana 19:6

A n tãa vuu naa yee zang ɓɔɔ ri kpalɛ zɔɔ gaagaa ɓɛɛ. Yee ɓarɛ kaa nyaa naa mii zɛ̃ɛ ka rang kɔpɔ, a ɓɔɔ ti naa shala ɓɔɔ mɛɛ nabm ɓɛɛ. Yee bii kɔɔyi nɛɛ, “Haliluyaa, Laa ɓɔɔ wukɔ kpanti ɓuru, wukɔ ɓa zang piti, gaayu kpanti roonang tɔ.

Vuu ɓɔɔ zang nwangsɛ Yɔhana 20:4

A n ti zi rɛɛ laa nwannang kpanti gaagaa, zang ɓɔɔ zang a ri naa nɛɛ ri jɛ̃ɛ zang ruu ri nwalɛ kagn. N ti zi suru bii rɛɛ zang ɓɔɔ zang dɔlɔ ri yuu, ka ruu ɓɔɔ ri shing danggn tɔ, ka vuu ɓɔɔ Yeesɔ tusu ri ɓɛɛ. A ka ruu ɓɔɔ, ri kɔɔ zang Ruu Laa ɓɛɛ. Zang ɓɔɔ ri bang yɔpɔ jĩngti kpàng, ri ti bang vuu ɓɔɔ zang palɛ nwang wu katɔ kpàng ɓɛɛ. Ri ti kasɛ kpang nɛɛ zang ɓang ri vuu ɓiɓɛ ka nyaa tĩng kpang, zang ti ɓang ri ka naa kpang. Ri nwáng tɔkn nɛɛ sàa ningkãari, ri roo kpanti nɛɛ Yeesɔ Kirisi saa labang gbete. Wee paa yunang nɛɛ sàa ɓɔɔ tĩng shɔɔnang kɔ.