Matiyu 5:7 - Nyaa Shɔɔ Ɓɔɔ Laa a Ɓɛɛ

⁷ Tĩnang Tãanang ɓi ɓɔɔ zang ɓɔɔ gn zang kɔng ri katɔ. Gn ɓarɛ naa kɔng Kpanti Laa ditɔ jong.

Matiyu 5:7 Σταυροειδείς Αναφορές

Maraku 11:25

Nɔɔ nɛɛ seepaa tɔ nɛɛ nɔɔ gaa Laa, nɔɔ yàá zang ɓɔɔ palɛ nɔɔ vuu shi kpang gbalang katɔ. Tɔ̀ɔ, Daa manɛ Kpanti Laa ɓɔɔ ka lapa, wu yàa nɔɔ gbalang vuu shi kpang manɛ kaa jong.” [

Luka 6:35

Nɔɔ kasɛ ruu zang ɓɔɔ ri shing jĩng nɛɛ nɔɔ kpang katɔ. Nɔɔ palɛ ri tɔ̃ɔ. Nɔ́ɔ ti a zang vuu nyaa kɔ́pɔ́ nɛɛ zang wu naa sɔɔrɔ nɔɔ tɔkn kpang. Tɔ̀ɔ, nɔ́ɔ naa walɛ vuu ɓɔɔ Laa shing nɔɔ ɓɛɛ kati. Nɔ́ɔ ti naa nwáng wujɛ Kpanti Laa kati. Ka ruu ɓɔɔ, gn zang ɓɔɔ zãa wu kpang, nɛɛ zang ɓɔɔ yeti ɓarɛ shi kpang kɔng wu katɔ ɓɛɛ.

Rooma 11:30

Ɓɔɔ nɔɔ zang ɓɔɔ nɔɔ zi Laa kpang ɓɛɛ, naa ɓɔɔ ka tĩng nɔɔ ɓaa shoo ka nyaa Laa kpang, kãntang keɓe gn manɛ kɔng Laa tɔ, ka ruu ɓɔɔ, zang Yahudi ri ɓaa shoo ka nyaa Laa kpang ɓɛɛ.

1 Koranti 7:25

N kɔɔ nɔɔ ruu, ka yuu zang ɓɔɔ ri gee soro gn kpang ɓɛɛ. Ɓi Laa a m nyaa dannang ka yuu ruu keɓe kpang. N kɔ̀ɔ́ nɔɔ m ɓɔɔ yeti mɛɛ. Nɔɔ ɓaa shoo waasɛ̃, ka ruu ɓɔɔ, Kpanti Yeesɔ Kirisi pàlɛ̀ m tɔ̃ɔ, tɔ̀ɔ, n nwang zang ɓɔɔ daa naa ɓɔɔ zang shing gn ka wu katɔ ɓɛɛ.

2 Koranti 4:1

Gn ɓuru kɔng Laa, a á ruu shonang keɓe nɛɛ ruu palɛ. Ka ruu nɔngkɔ, ruu yaa gn naa kpang.

Afisa 4:32

Nɔɔ pàlɛ̀ zang tɔ̃ɔ kɔ jong, gn zɔɔ wu ti kɔng nɔɔ katɔ. Nɔɔ yaa zɔɔ gbalang vuu shi kpang ɓɔɔ nɔɔ palɛ zɔɔ katɔ, naa ɓɔɔ Laa yàa nɔɔ gbalang nɛɛ bii Yeesɔ ɓɛɛ.

Kolosi 3:12

Ka ruu ɓɔɔ, nɔɔ manɛ kaa zang Laa. Laa kasɛ nɔɔ, a zɔ̃ngkɔ nɔɔ, nɛɛ nɔ́ɔ nwang kaa ɓɔɔ ɓiɓɛ. Nɔɔ nwang zang ɓɔɔ gň zang kɔng nɔɔ katɔ ɓɛɛ, nɔɔ pàlɛ̀ zang tɔ̃ɔ, nɔɔ tuu yuu kpang, nɔ́ɔ pálɛ̀ vuu hakaka kpang, nɔɔ mã gn katɔ.

1 Timoti 1:13

Ka tĩng, n rang yee shi kpang ka yuu ɓiɓɛ, n dang zang ɓiɓɛ jĩng, a n ti palɛ ri nɛɛ ɓangge, a zɔ̃ng m doo nɛɛ mani. A gn mɛɛ kɔng Laa, ka ruu ɓɔɔ bɛ̀ɛ́ n zi vuu ɓɔɔ n palɛ ɓɛɛ kpang. Bɛ̀ɛ́ n ti shing danggn gn kpang ɓɛɛ,

1 Timoti 1:16

Ka ruu ruu keɓe kɔ, gn mɛɛ kɔng Laa, nɛɛ tɔ̀ɔ, Yeesɔ Kirisi wu túsú naa ɓɔɔ wu mã danggn nɛɛ n gbãng gbãng, wu tà yuu mɛɛ ɓɛɛ. Ɓɔɔ nkɔ pálɛ̀ vuu shi kpang n ɓa zang piti ɓɛɛ. Tɔ̀ɔ, zang piti ɓɔɔ ri naa shing danggn ka bii ɓiɓɛ, ri zi kati, ri walɛ suru bii ɓɔɔ waa nyaa kpang kati.

Yahudi 4:16

Ka ruu nɔngkɔ, rúu a ka bii Laa, ruu yaa gn naa kpang. Laa ɓɔɔ palɛ zang tɔ̃ɔ waati ɓɛɛ. Tɔ̀ɔ, gn ɓuru wu kɔng wu, wu ti palɛ ruu tɔ̃ɔ ɓɔɔ yi ruu naa ka bii, ka diki ɓɔɔ ruu kasɛ nɛɛ wu yi ruu naa ka bii ɓɛɛ.

Yahudi 6:10

Ka ruu ɓɔɔ, Laa ɓi zang ɓɔɔ palɛ vuu gn dang gbete kpang, danggn ning wu shonang manɛ kpang. Nɛɛ naa ɓɔɔ nɔɔ tusu nɛɛ nɔɔ kasɛ wu katɔ, ka ɓɔɔ nɔɔ yí zang ɓiɓɛ naa ka bii, a nɔɔ ti yi ri doo naa ɓɛɛ.

Yakubu 2:13

Ka ruu ɓɔɔ, gn kɔng Laa kpang, ka nɔng ɓɔɔ wu jɛ̃ɛ zang ɓɔɔ gn zang kɔ̀ng wu ɓi kpang ɓɛɛ. Zang ɓɔɔ gn zang kɔng wu katɔ, naa zirɛ nɛɛ gn zang ɓɔɔ kɔng Laa ɓa ruu ɓɔɔ wu dɔng zang ɓɛɛ katɔ.

Yakubu 3:17

Zũnang ɓɔɔ a nɛɛ bii Laa ɓi náabm̀. Zang ɓɔɔ zũnang keɓe kagn yeti ɓiɓɛ, shi kpang nwang ɓi ka bii ɓiɓɛ kpang. Zũnang keɓe, shing zang, zang kasɛ nwannang ka bii zɔɔ, palɛ vuu ɓi hakaka kpang, yi wusang ɓi dɔɔli, gn zang kɔng wu dɔɔli, a ti palɛ vuu tɔ̃ɔ dɔɔli. Pálɛ̀ vuu ɓi jong gn dang gbete kpang, ti nwãarɛ zang ɓi nɛɛ vuu palɛnang kpang.

1 Bituru 2:10

Ɓeleng nɔɔ manɛ zang Laa kpang. Kãntang keɓe nɔɔ raa zang Laa tɔ. Ɓeleng nɔɔ zi gn zang ɓɔɔ kɔng Laa ɓɛɛ kpang, kãntang keɓe gn manɛ kɔng wu kaa tɔ.