Matiyu 5:4 - Nyaa Shɔɔ Ɓɔɔ Laa a Ɓɛɛ

⁴ Tĩnang tãanang ɓi ɓɔ̀ɔ́ zang ɓɔɔ ri káa katɔ ɓɛɛ, Kpanti Laa naa àlɛ́ ri miiri ditɔ.

Matiyu 5:4 Σταυροειδείς Αναφορές

Luka 16:25

“A Ibirayi kasɛ wu nyaa tɔɔ, ‘Man jaa, ɓɔɔ bɛ̀ɛ́ mɔɔ doo ka koo mɔɔ walɛ vuu tɔ̃ɔ, Liyazaru walɛ vuu tɔ̃ɔ ɓi kpang. Kãntang keɓe Liyazaru tãa ɓi kaa tĩnang ka nihn, mɔɔ ti dang ɓaa kaa jĩng.

Luka 6:21

Tĩnang tãanang ɓi ɓɔɔ manɛ, ɓɔɔ nyɔkɔ nyɔ nɔɔ katɔ kãntang keɓe ɓɛɛ, Laa naa a nɔɔ vuu shaanang ɓɔɔ yi nɔɔ buru ɓɛɛ ditɔ. “Tĩnang tãanang ɓi ɓɔɔ manɛ ɓɔɔ nɔɔ kaa nyavɔ kãntang keɓe ɓɛɛ, ka ruu ɓɔɔ, nɔɔ naa laarɛ ditɔ ɓɛɛ.

Luka 6:25

Jĩng dannang kagn yuu manɛ, ɓɔɔ buru manɛ puu katɔ kãntang keɓe ɓɛɛ, nyɔkɔ naa nyɔ nɔɔ ditɔ. “Jĩng dannang kagn yuu manɛ ɓɔɔ nɔɔ laarɛ katɔ kãntang keɓe, ka ruu ɓɔɔ, yeti manɛ naa lasɛ ditɔ gbãng gbãng, nɔɔ ti naa kaa nyavɔ ditɔ dɔɔli ɓɛɛ.

Luka 7:38

A naa shii ka knti Yeesɔ ka doo ɓiɓɛ naabm, kaa kana, miiri ɓiɓɛ ti shili kana doo Yeesɔ. A ti alɛ miiri ɓɔɔ shili ka doo Yeesɔ kaa nɛɛ suuyuu ɓiɓɛ. Tɔ̃kɔ doo Yeesɔ, a tungku nung ɓɔɔ wu a nɛɛ mani kagn.

Luka 7:50

A Yeesɔ kɔɔ jaa soro kaɓa tɔɔ, “Danggn ɓɔɔ mɔɔ shing ka bii mɛɛ, a mɔɔ suru bii ɓɔɔ waa nyaa kpang tɔ. Dita waasɛ̃.”

Yakubu 1:12

Zang ɓɔɔ zang nɛɛ gãsɛ wu, nɛɛ watɛ kpang wukɔ tãa tĩnang. Ka ruu ɓɔɔ, nɛɛ shìi kakata, nɛɛ watɛ kpang, naa ta vuu ɓɔɔ Kpanti Laa tɔɔ wu a zang ɓɔɔ kasɛ wu katɔ ɓɛɛ. Vuu keɓe wukɔ suru bii ɓɔɔ waa nyaa kpang ɓɛɛ.

Vuu ɓɔɔ zang nwangsɛ Yɔhana 21:4

Naa àlɛ́ ri miiri ɓɔɔ ka jĩng ɓarɛ ɓɛɛ. Zang naa vɔ̀lɔ̀ takpang. Zang ri zàa takpang, ri kaa nyavɔ takpang, ri ti tãa kɔnang takpang, ka ruu ɓɔɔ, vuu ɓɔɔ bɛ̀ɛ́ ri nwáng ka tĩng, ri tɛɛ tɔ ɓɛɛ.”