Matiyu 5:3 - Nyaa Shɔɔ Ɓɔɔ Laa a Ɓɛɛ

³ “Tĩnang tãanang ɓi ɓɔɔ zang ɓɔɔ ri zi tɔ nɛɛ, vuu Suru Laa ɓi kagn naa ɓarɛ kpang, Laa naa a rikɔ vuu tɔ̃ɔ ɓɔɔ wu a zang ɓɔɔ ri ta wu, nɛɛ wukɔ kpanti ɓɛɛ.

Matiyu 5:3 Σταυροειδείς Αναφορές

Matiyu 11:25

Ka laa kaɓa, Yeesɔ naa risi nyaa gàa Laa tɔɔ, “N zãa mɔɔ tɔ Dada, Kpanti Laa ɓɔɔ mãa lapa nɛɛ tipi ɓɛɛ. Ka ruu ɓɔɔ, mɔɔ wàasɛ̀ zang ɓɔɔ zũng katɔ nɛɛ zang ɓɔɔ ri zi labeenang dɔɔli vuu keɓe, a mɔɔ naa tusu zang ɓɔɔ ri zi vuu kpang kɔ jong ɓɛɛ.

Matiyu 11:6

Tĩnang tãanang, ɓi ɓɔ̀ɔ́ zang ɓɔɔ yaa danggn naa, ka ruu mɛɛ kpang ɓɛɛ.”

Matiyu 13:16

“A tĩnang tãanang ɓi ɓɔɔ manɛ kɔ. Ka ruu ɓɔɔ, jĩng manɛ zi vuu katɔ ɓɛɛ. Shoo manɛ ti tãa nɔng katɔ ɓɛɛ.

Matiyu 19:14

Yeesɔ kɔɔ ri nɛɛ, “Nɔɔ yaa wujɛ seseere ka nɔngkɔ ri a ka bii mɛɛ. Nɔ́ɔ nɔ̀ɔ ri gbalang kpang. Kpanti roonang Laa ɓi ɓɔ̀ɔ́ zang ɓɔɔ naa weɓe kɔ.”

Matiyu 24:46

Tĩnang tãanang ɓi ɓɔɔ, zang shonang kaɓa kɔ, dabang gãa ɓiɓɛ nɛɛ naa ĩi wu palɛ doo shonang ɓɔɔ wu yaa wu ɓɛɛ.

Matiyu 25:34

Kpanti wu naa kɔɔ zang ɓɔɔ ri ka naa nakn ɓiɓɛ nɛɛ, ‘Zang ɓɔɔ Daa mɛɛ a ri tĩnang tãanang tɔ ɓɛɛ, nɔɔ a ta nɔ́ɔ ta vuu tɔ̃ɔ ɓɔɔ Daa mɛɛ shĩili nɔɔ, doo ka diki ɓɔɔ wu gaayu koo keɓe mãanang ɓɛɛ.

Matiyu 3:2

Kɔɔ zang tɔɔ, “Nɔɔ yaa vuu shi kpang manɛ ta, nɔ́ɔ kɔ̃sɔ yeti manɛ, ka ruu ɓɔɔ, kpanti roonang Laa a naabm tɔ ɓɛɛ.”

Matiyu 8:11

N kɔɔ nɔɔ, zang zanti dɔɔli naa a nɛɛ paa ɓɔɔ laa nwang nɔng, a ɓɔɔ nɛɛ dii ɓɔɔ laa hãa nyaa kagn, naa nwàng nɛɛ rɛɛ Ibirayi nɛɛ Ishaaku, a ɓɔɔ Yakubu ka nɔng vuu shaanang, ka nɔng ɓɔɔ Laa roo Kpanti ɓɛɛ.

Maraku 10:14

Ɓɔɔ Yeesɔ zi naa weɓe, gnvɔ shaa wu dɔɔli, a kɔɔ zang ɓɔɔ ri mantɛ vuu ka bii ɓiɓɛ nɛɛ, “Nɔɔ yaa wujɛ seseere ka nɔngkɔ ri a ka bii mɛɛ, nɔ́ɔ zãa ri anang kpang. Kpanti roonang Laa ɓi ɓɔ̀ɔ́ zang ɓɔɔ naa weɓe kɔ.

Luka 11:28

Yeesɔ kasɛ wu nyaa tɔɔ, “Tĩnang tãanang ɓi ɓɔɔ zang ɓɔɔ ri tãa Ruu Laa, ri shing ka yeti ɓarɛ ɓɛɛ kɔ jong.”

Luka 18:14

N kɔ̀ɔ́ nɔɔ, yɔɔ ɓɔɔ ta saka tipi keɓe gbãayu daa gãa ɓiɓɛ, Laa yaa wu gbalang vuu shi kpang ɓiɓɛ tɔ, wu náa yɔɔ Farisi kaɓa kpang. Ka ruu nɔngkɔ, zang piti ɓɔɔ nɛɛ tusu nɛɛ wu ɓa zang piti, zang naa sɔɔrɔ wukɔ yuu jong ka dii. Zang ɓɔɔ sɔɔrɔ yuu ka dii, zang naa a wukɔ bannang jong.”

Luka 22:29

Naa ɓɔɔ Daa mɛɛ a m naa, nɛɛ n nwang kpanti, n a nɔɔ doo nɔngkɔ doori.

Luka 22:30

Tɔ̀ɔ, nɔɔ naa shaa vuu shaanang, nɔɔ ti ɓoo nɛɛ n ka nɔng vuu shaanang mɛɛ ka ɓɔɔ n naa roo kpanti ɓɛɛ. N ti shing nɔɔ, nɔɔ nwang ka yuu laa nwannang kpanti, nɔɔ jɛ̃ɛ zang zɔ̃ng Isirela ɓɔɔ kopi tu ziti ruu.

Luka 4:18

“Suru Kpanti Laa kagn bii mɛɛ, Laa zɔ̃̀ng m nɛɛ n rang zang ɓɔɔ vuu ka naa kpang yee tɔ̃ɔ ɓiɓɛ. Shong m nɛɛ n kɔɔ zang ɓɔɔ zang mã ri ka sãa, nɛɛ zang yaa ri naa tɔ. Nɛɛ n ti kɔɔ zang jĩng ringtang nɛɛ ri zi nɔng ta. Nɛɛ n ti yaa zang ɓɔɔ zang dang ri jĩng ɓɛɛ, naa.

Yɔhana 20:29

Yeesɔ kɔɔ wu tɔɔ, “Mɔɔ shing danggn kaa ruu ɓɔɔ mɔɔ zi m tɔ ɓɛɛ ya? Tĩnang tãanang ɓi ɓɔɔ zang ɓɔɔ ri zi m kpang, ri shing danggn doo nɛɛ mani ɓɛɛ.”

Yakubu 1:10

Zang ying ɓɔɔ nɛɛ dũng Laa, Laa nɛɛ sɔɔrɔ wu yuu ka dii, wu tãa tĩnang dòo nɔngkɔ, ka ruu ɓɔɔ, zang ying shaarɛ ɓi katɔ naa mangwaa ɓɔɔ nyaa kɔ dòo naa ɓee, waatɛ kaa tɔ ɓɛɛ.

Yakubu 1:12

Zang ɓɔɔ zang nɛɛ gãsɛ wu, nɛɛ watɛ kpang wukɔ tãa tĩnang. Ka ruu ɓɔɔ, nɛɛ shìi kakata, nɛɛ watɛ kpang, naa ta vuu ɓɔɔ Kpanti Laa tɔɔ wu a zang ɓɔɔ kasɛ wu katɔ ɓɛɛ. Vuu keɓe wukɔ suru bii ɓɔɔ waa nyaa kpang ɓɛɛ.

Yakubu 2:5

Manzung ɓɔɔ n kasɛ nɔɔ dɔɔli ɓɛɛ, nɔɔ ɓaa shoo. Laa zɔ̃ng zang ɓɔɔ ri zang ying kpang, ɓɔɔ ri ka koo keɓe, nɛɛ ri nwang zang ying ka danggn ɓɔɔ ri shing ka bii Laa ɓɛɛ. Shing ri tɔ, ri walɛ vuu ɓɔɔ Laa tɔɔ wu shing zang ɓɔɔ ri kasɛ ruu ɓiɓɛ katɔ ka ɓɔɔ wu roo kpanti ɓɛɛ.

Vuu ɓɔɔ zang nwangsɛ Yɔhana 19:9

A zang nyaa shonang Laa ɓɔɔ ka lapa ɓɛɛ kaɓa, kɔɔ m nɛɛ, “Bée ruu keɓe, Zang ɓɔɔ zang gáarɛ̀ ri, nɛɛ ri naa shaa kn sinyɛ Jaa Mɛ̀ɛrɛ́ ri tãa tĩnang ɓarɛ tɔ.” A ti kɔɔ m nɛɛ, “Ruu keɓe nwangnɛ, nɛɛ nyaa Laa nɛɛ yuu ɓiɓɛ.”

Vuu ɓɔɔ zang nwangsɛ Yɔhana 22:14

Tĩnang naa nwang ɓi ɓɔ̀ɔ́ zang kaɓa, ɓɔɔ ri sɔ̀ɔ́ fɔ̃ɔrɔ, tu kalang kalang ɓɛɛ. Zang naa yaa rikɔ, ri shɛ̃ɛ nɛɛ nyaa gãa gari kaɓa, ri daa yeti gari. Ri ti shaa jaa laa, ɓɔɔ a zang suru bii ɓɔɔ waa nyaa kpang ɓɛɛ.

Vuu ɓɔɔ zang nwangsɛ Yɔhana 3:17

Wee nɔɔ kɔɔ tɔ nɛɛ nɔɔ manɛ wujɛ ying, nɛɛ vuu naa manɛ kagn, rang vuu ɓɔɔ kpaa nɔɔ kpang ɓee. A nɔɔ zi kpang vuu ɓi ka naa manɛ kpang, zang vuu gn kɔnang. Nɔɔ nwang naa zang ɓɔɔ vuu ka naa ɓarɛ kpang ɓɔɔ ri bii bɔ̃bɔ̃rɔ ɓɛɛ. Nɔɔ nwang naa zang ɓɔɔ jĩng zuu ri katɔ ɓɛɛ.