Matiyu 5:29 - Nyaa Shɔɔ Ɓɔɔ Laa a Ɓɛɛ

²⁹ Jĩng nakn ɓaaɓɛ kɔ nɛɛ shing mɔɔ mɔ́ɔ palɛ vuu shi kpang zɔ̃ng ta mɔɔ tasɛ. Nwang nɛɛ jĩng dang gbete gbã̀ágbãa, ka nung ɓɔɔ zang nɛɛ daa tasɛ bii bang ɓaaɓɛ ka waa dɔ̃ɔ gbete ɓɛɛ.

Matiyu 5:29 Σταυροειδείς Αναφορές

Matiyu 10:28

Nɔ́ɔ kaa vɔrɔ zang ɓɔɔ ri nyɔ gãmpãng bii, a ri zunung ɓɔɔ ri nyɔ suru bii kpang ɓɛɛ kpang. Nɔɔ Kaa vɔrɔ Kpanti Laa ɓɔɔ nyɔ gãmpãng bii nɛɛ suru bii piti, ka nɔng ɓɔɔ waa ning ɓi jong kpang ɓɛɛ.

Matiyu 11:6

Tĩnang tãanang, ɓi ɓɔ̀ɔ́ zang ɓɔɔ yaa danggn naa, ka ruu mɛɛ kpang ɓɛɛ.”

Matiyu 16:26

Naa shɔnzang walɛ vuu ɓɔɔ ka koo keɓe nandon, a loo suru bii ɓiɓɛ, vuu koo keɓe nwǎng wu ɓu viya? Vuu ɓɔɔ shɔnzang kɔ̃sɔ suru bii ɓiɓɛ nɔng kagn ya?

Matiyu 17:27

A ka ruu ɓɔɔ rùu nɛ̀ɛ́ lasɛ ri yeti ɓɛɛ, dita ka mii waapo, mɔɔ daa loo galong. Tuu jaazĩi ɓɔɔ mɔɔ gaayu yinang mɔɔ puu nyaa ɓiɓɛ. Mɔɔ wàlɛ́ saka ɓɔɔ daa ɓɔ̀ɔ́ gãa Laa shunang ɓaaɓɛ nɛɛ ɓɔɔ mɛɛ piti ditɔ ka nyaa ɓiɓɛ. Tuu saka kaɓa, mɔɔ a ri, ka ruu ɓaaɓɛ nɛɛ ɓɔɔ mɛɛ.”

Matiyu 19:12

Zang ɓɔɔgn, ri roo soro kpang, bii varɛ ɓarɛ vɔ katɔ, ka ruu ɓɔɔ zang yi ri nɔngkɔ ɓɛɛ. Zang ɓɔɔgn zang palɛ ri katɔ. Zang ɓɔɔ ri ti bɛ̃ɛ soro roonang nɛɛ yuu ɓarɛ, ka ruu kpanti roonang Laa. Zang ɓɔɔ nɛɛ ta ruu keɓe katɔ, wu tarɛ.”

Matiyu 23:15

“Vuu gn kɔnang kagn yuu manɛ, zang ɓɔɔ tusu zang vuu, nɛɛ zang Farisi. Nɔɔ ɓɔɔ nɔɔ nwãarɛ zang nɛɛ vuu palɛnang ɓɛɛ, ka ruu ɓɔɔ, nɔɔ rakɛ ka yuu tipi, nɛɛ yuu mii waapo piti, ka nɔng ɓɔɔ nɔɔ kãa zang gbete ɓɔɔ dũng knti manɛ ɓɛɛ. Nɔɔ nɛɛ ĩi tɔ, nɔɔ risi wu, wu nwang zang ɓɔɔ ɓa nɔɔ vuu shi kpang palɛnang katɔ dakn ziti, ɓɔɔ daa nɛɛ nɔɔ ning ka waa bang.

Matiyu 23:33

“Sɔkɔ keɓe, nɔkɔ wujɛ sɔkɔ pudi ɓi. Nɔɔ naa wɔ daanang ka yeti waa bang ɓu kaa biya?

Matiyu 5:22

A kãntang keɓe, n kɔɔ nɔɔ, naa shɔnzang ɓɔɔ tuu gnvɔ nɛɛ ɓeezung, zang naa jɛ̃ɛ wu ruu katɔ. Naa shɔnzang ɓɔɔ ti kɔɔ ɓeezung nɛɛ ‘Rang waati keɓe.’ Zang daa nɛɛ wu ka dabang kpanti. Naa zang ɓɔɔ ti ɓaa ɓeezung nɛɛ ‘Shoko.’ Zang tasɛ wu ka waa.

Matiyu 5:30

Náa nakn ɓaaɓɛ kɔ nɛɛ ti shing mɔɔ mɔ́ɔ palɛ vuu shi kpang, dɔng ta mɔɔ tasɛ. Nwang nɛɛ naa dang gbete kɔ gbã̀ágbãa, ka nung ɓɔɔ zang nɛɛ daa tasɛ bii bang ɓaaɓɛ ka waa dɔ̃ɔ gbete ɓɛɛ.”

Maraku 8:36

Naa shɔnzang wàlɛ̀ vuu ɓɔɔ ka koo keɓe nandon, a loo suru bii ɓiɓɛ, vuu ɓɔ̀ɔ́ koo keɓe nwáng wu ɓu viya?

Luka 12:5

N tusu nɔɔ zang ɓɔɔ nɔɔ kaa vɔrɔ ɓiɓɛ katɔ. Nɔɔ kaa vɔrɔ Laa ɓɔɔ nɛɛ nyɔ gãmpãng bii tɔ, zunung ɓɔɔ wu tasɛ ka waa katɔ ɓɛɛ. Niizang n kɔɔ nɔɔ, nɔɔ kaa vɔrɔ ɓiɓɛ kɔ.

Rooma 6:6

Ruu zi ɓuru tɔ nɛɛ, zang ɓáa nwannang ɓɔɔ ɓeleng ruu nwang ka tĩng ɓi tɔ ka laa nɛɛ Yeesɔ. Tɔ̀ɔ, bii ɓuru ɓɔɔ kasɛ vuu shi kpang palɛnang wu shaarɛ. Tɔ̀ɔ ruu nwang kaa tɔ̀ɔ́ naa jaafoo vuu shi kpang palɛnang kpang.

Rooma 8:13

Naa ruu nwang naa ɓɔɔ bii ɓuru kasɛ, ruu vɔ katɔ. A naa Suru Laa yi ruu naa kagn, ruu yaa vuu shi kpang ɓɔɔ ruu palɛ dɔ̃ɔ gbete, ruu nwáng ditɔ ningkãari.

1 Koranti 9:27

N kasɛ tɔ n dang jĩng ka zɔ̃ng zɔ̃ng, tɔ̀ɔ, n yiti yuu mɛɛ kati. Tɔ̀ɔ, ɓɔɔ n kɔɔrɔ zang Ruu Tɔ̃ɔ Laa, Laa nɛ̀ɛ́ naa bɛ̃ɛ m.

Galati 5:24

Zang ɓɔɔ nɛɛ ɓi kaa zang Yeesɔ Kirisi yáa vuu ɓɔɔ bii shɔnzang kasɛ ɓɛɛ palɛnang ɓi tɔ nandon.

Kolosi 3:5

Nɔɔ vang vuu koo keɓe ɓɔɔ bii manɛ kasɛ ɓɛɛ ta nɛɛ kaaɓa. Vuu ɓɔɔ naa dũndũng, nɛɛ sãnsãnrãng palɛnang, nɛɛ vuu ɓɔɔ bii shɔnzang kasɛ, nɛɛ vuu shi kpang ɓɔɔ yeti shɔnzang kasɛ, a ɓɔɔ kaa nung sũnang (nung sũnang nwàng ɓi naa vaka bannang).