Matiyu 5:23 - Nyaa Shɔɔ Ɓɔɔ Laa a Ɓɛɛ

²³ Ka ruu nɔngkɔ, mɔɔ nɛɛ tɔɔ mɔɔ a Laa vuu ka nɔng ɓɔɔ zang dɔɔ Kpanti Laa vuu kagn, a mɔɔ naa kpaa danggn vuu ɓɔɔ mɔɔ lasɛ ɓaazung yeti nɛɛ mani ɓɛɛ,

Matiyu 5:23 Σταυροειδείς Αναφορές

Matiyu 23:19

Nɔɔ zang jĩng ringtang, ɓu vi bang viya? Vuu ɓɔɔ zang a Kpanti Laa ka nɔng ɓɔɔ zang dɔ́ɔ Kpanti Laa vuu ɓɛɛ ya? Kɔ nɔng ɓɔɔ zang dɔɔ Kpanti Laa vuu, ɓɔɔ risi vuu keɓe, ɓɔɔ zang dɔɔ Kpanti Laa nwang vuu Laa ɓɛɛ ya?

Matiyu 5:24

yaa vuu ɓɔɔ mɔɔ tɔɔ mɔɔ a Kpanti Laa ka nɔngkɔ ka gbongkarɛ, mɔɔ daa gaa wu, wu yaa mɔɔ gbalang. Tɔɔ mɔɔ gbãayu, mɔɔ naa a Kpanti Laa vuu ɓaaɓɛ kati.

Matiyu 8:4

A Yeesɔ kɔɔ wu tɔɔ, “Mɔ́ɔ daa kɔɔ zang ɓɔɔ kpang. Daayi, mɔ́ɔ daa tusu zang ɓɔɔ dɔ́ɔ vuu ka Gãa Laa, bii ɓaaɓɛ. Mɔɔ ti dɔ̀ɔ Kpanti Laa vuu ɓɔɔ Musa dang nyaa ɓɛɛ, tɔ̀ɔ, zang ri zi kagn, nɛɛ vuu bii ɓaaɓɛ waa nyaa tɔ.”

Maraku 11:25

Nɔɔ nɛɛ seepaa tɔ nɛɛ nɔɔ gaa Laa, nɔɔ yàá zang ɓɔɔ palɛ nɔɔ vuu shi kpang gbalang katɔ. Tɔ̀ɔ, Daa manɛ Kpanti Laa ɓɔɔ ka lapa, wu yàa nɔɔ gbalang vuu shi kpang manɛ kaa jong.” [

Luka 19:8

A Zaka shii paa, kɔɔ Yeesɔ tɔɔ, “Dabang, n basɛ vuu naa mɛɛ nɔng ziti, n tuu nɔng gbete n basɛ zang ɓɔɔ vuu ka naa ɓarɛ kpang ɓɛɛ, zang ɓɔɔ n nɛɛ shaa wu vuu kagn, n sɔɔrɔ wu vuu ɓɔɔ n shaa ɓɛɛ tìng dɛ̃ɛti.”