Matiyu 5:19 - Nyaa Shɔɔ Ɓɔɔ Laa a Ɓɛɛ

¹⁹ Ka ruu nɔngkɔ, naa shɔnzang ɓɔɔ ɓa nyaa ɓɔɔ Laa dangnɛ, a ti tusu zang naa ɓɔɔ ri ɓa ɓɛɛ jong, wukɔ zang tɔkɔlɔng ka teteng zang ɓɔɔ Laa naa roo Kpanti ka yuu ɓarɛ ɓɛɛ. A zang piti ɓɔɔ dũng Ruu Laa keɓe, a ti tusu zang nɛɛ ri dũng jong, wukɔ zang bang ka teteng zang ɓɔɔ ri ka yeti kpanti ɓɔɔ Laa roo ɓɛɛ.

Matiyu 5:19 Σταυροειδείς Αναφορές

Matiyu 11:11

“N kɔɔ nɔɔ ruu ɓɔɔ niizang kɔ nwani, ka teteng shɔnzang ɓɔɔ zang yiki ka koo keɓe, zang ɓɔɔ ɓa Yɔhana ɓɔɔ palɛ zang batizima kagn kpang. A zang tɔkɔlɔng piti, ka teteng zang ɓɔɔ ri ka nɔng ɓɔɔ Laa roo Kpanti ɓa wu bannang katɔ.”

Matiyu 19:28

Yeesɔ kɔɔ ri tɔɔ, “N kɔɔ nɔɔ ruu ɓɔɔ niizang kɔ nwani, ka diki ɓɔɔ Jaa Shɔnzang naa arɛ, naa nwang ka laa kpanti nɛɛ naa bannang ɓiɓɛ ka koo shɔɔ. Ɓɔɔ nɔɔ dũ̀ng knti mɛɛ, nɔɔ naa nwáng ditɔ jong ka laa nwannang kopi tu ziti. Tɔ̀ɔ nɔ́ɔ jɛ̃̀ɛ zɔ̃ng wujɛ Isirela ɓɔɔ kopi tu ziti ruu kati.

Matiyu 20:26

A ɓɔɔ manɛ ɓi nɔngkɔ kpang. Shɔnzang ɓɔɔ kasɛ nɛɛ wu nwang zang bang ka teteng manɛ piti, wukɔ wu nwang zang shonang jong.

Matiyu 28:20

Nɔɔ ti kpɛ̃ɛrɛ ri, nɛɛ ri dũng nyaa ɓɔɔ n dang nɔɔ ɓɛɛ nandon. N yaa nɔɔ kpang. N nwang nɛɛ nɔɔ sasak, diki ɓɔɔ koo keɓe naa waa nyaa, nɛɛ mani.”

Luka 1:15

Náa nwang zang bang ka tĩng Kpanti Laa. Naa ɓoo sàa ɓi kpang. Ti naa ɓoo vuu ɓɔɔ zã katɔ ɓɔɔ palɛ zang ɓi kpang. Suru Laa naa gaayu nwannang ka bii ɓiɓɛ bɛ̀ɛ́ wu doo ka yeti niiɓɛ.

Luka 11:42

“Jĩng dannang kagn yuu manɛ Farisi, ka ruu ɓɔɔ, nɔɔ zɔ̃ng Laa vuu gbete ka teteng vuu kopi ɓɔɔ nɔɔ walɛ naa rɛɛ zitaa nɛɛ siteng nɛɛ vuu ɓɔɔ zang tɛ̃́ɛ ka yɔkɔ naa weɓe piti. A nɔɔ yaa ruu vuu tɔ̃ɔ ɓɔɔ nɔɔ palɛ zang ɓɛɛ, nɛɛ ruu naa ɓɔɔ rúu kasɛ Laa ɓɛɛ. Nɔɔ nɛ̀ɛ́ palɛ vuu keɓe nandon, nɔɔ yaa ɓɔɔ kpang.

Luka 9:48

A kɔɔ ri tɔɔ, “Zang piti ɓɔɔ ta jaa keɓe, ka ruu mɛɛ ta ɓi nkɔ. Zang ɓɔɔ nɛɛ ta m, ta zang ɓɔɔ shong m ɓɛɛ. Ka ruu ɓɔɔ zang ɓɔɔ shing gn nɛɛ wu ɓi zang bang kpang ka teteng manɛ, wukɔ zang bang manɛ.”

Zang Shonang Yeesɔ 1:1

Dabang Tiyofilu, ka yeti labeenang mɛɛ ɓɔɔ tĩng shɔɔnang, n bée vuu ka yuu vuu ɓɔɔ Yeesɔ pálɛ́ a ti tusu ɓɛɛ nandon. N gaayu nɛɛ vuu ɓɔɔ wu gaayu palɛnang,

Rooma 3:8

A ka ruu vi ruu pálɛ̀ vuu shi kpang tɔ̀ɔ, tɔ̃ɔ wu nwang ka nɛɛ mani kpang viya? Zang ɓɔɔgn ri rang ruu shi kpang ka yuu ɓuru nɛɛ ruu kɔɔrɔ nɔngkɔ. Zang naa dang ri jĩng ditɔ jong naa ɓɔɔ daa naa katɔ ɓɛɛ.

Rooma 6:1

Rùu kɔɔ ɓu kaa nɛɛ viya? Rúu yi tĩng ta nɛɛ vuu shi kpang palɛnang tɔ̀ɔ, Laa wu gisi tɔ̃ɔ ɓɔɔ wu pálɛ̀ ruu ka yuu zɔɔ yuu zɔɔ ya?

Rooma 6:15

A nɛɛ nɔngkɔ ɓɛɛ, rúu pálɛ́ vuu shi kpang ta, ka ruu ɓɔɔ ɓi nyaa dannang Laa roo kpanti ka yuu ɓuru kpang, ɓi tɔ̃ɔ Laa rooyi ɓɛɛ ya? Kpang tingkiring.

1 Timoti 6:11

A ɓɔɔ ɓaaɓɛ Timoti, ɓɔɔ mɔɔ ɓaa zang Laa ɓɛɛ, yaa vuu keɓe ɓaa nandon. Kãa ɓaa gbalang ɓɔɔ mɔɔ nwang zang tɔ̃ɔ ka tĩng Laa ɓɛɛ diki diki, zang ɓɔɔ dũng Laa niizang ɓɛɛ, zang ɓɔɔ shing danggn ka bii Laa ɓɛɛ, zang ɓɔɔ kasɛ zang katɔ ɓɛɛ, zang ɓɔɔ mã danggn dɔɔli ɓɛɛ, a ɓɔɔ zang ɓɔɔ pàlɛ́ zang tɔ̃ɔ ɓɛɛ.

Titu 3:8

Ruu kɔ zang kɔɔ ɓɛɛ, niizang kɔ nwani. N kasɛ mɔɔ yi tĩng ɓaa ka vuu kɔ n kɔɔrɔ ɓee tɔ̃ɔ tɔ̃ɔ. Tɔ̀ɔ, zang ɓɔɔ ri dũng Laa, ri dũng vuu keɓe, ri pálɛ́ shonang ɓɔɔ tɔ̃ɔ ɓɛɛ. Shonang keɓe, wukɔ tɔ̃ɔ ti yi zang piti naa katɔ ka bii.

1 Bituru 5:4

Naa nɔɔ palɛ nɔngkɔ, ka diki ɓɔɔ Yeesɔ Kirisi ɓɔɔ wukɔ kpanti jagãng tusu yuu ɓiɓɛ nɛɛ tɔ̀ɔ, zang piti ri zi wu nɛɛ jĩng, naa a nɔɔ bannang. Zang kãng nɔɔ lapoo yuu kpanti ɓɔɔ kɔlɔ katɔ ɓɛɛ ka yuu. Kɔlɔnang lapoo keɓe tù ɓi kpang dòndòng.

1 Yɔhana 3:4

Zang ɓɔɔ palɛ vuu shi kpang, ɓa nyaa ɓɔɔ Laa dang ɓɛɛ, ka ruu ɓɔɔ, nyaa ɓɔɔ Laa dangnɛ ɓanang, zang ɓaa wukɔ nɛɛ vuu shi kpang ɓɛɛ.

Vuu ɓɔɔ zang nwangsɛ Yɔhana 2:20

A vuu ɓɔɔ nɔɔ palɛ kaa gn gbete ɓɔɔ n kasɛ kpang ɓɛɛ. Naa ɓɔɔ nɔɔ yaa jaa soro kaɓa, ɓɔɔ zang ɓaa wu nɛɛ Jezebel, nwàng ka teteng manɛ ɓɛɛ. A kpɛ̃ɛrɛ zang mɛɛ, nwãarɛ ri nɛɛ ri palɛ dũndũng, nɛɛ ri ti shaa vuu shaanang ɓɔɔ zang a vaka ɓɛɛ.