Matiyu 5:16 - Nyaa Shɔɔ Ɓɔɔ Laa a Ɓɛɛ

¹⁶ Ka ruu nɔngkɔ, nɔɔ palɛ vuu tɔ̃ɔ manɛ waasɛ̃ ka jĩng zang, tɔ̀ɔ ri zi shonang tɔ̃ɔ manɛ, ri dɔ̀ɔ Daa manɛ ɓɔɔ lapa kati.”

Matiyu 5:16 Σταυροειδείς Αναφορές

Matiyu 23:5

Vuu piti ɓɔɔ ri palɛ, ri palɛ ɓarɛ ka ruu ɓɔɔ, tɔ̀ɔ, zang zi ri kati ɓɛɛ. Ri pu jaa baajaa ɓɔɔ ri tɛ̃ɛ Ruu Laa ɓarɛ kagn nɛɛ koo zaa nwɛ̃ɛri pokoto pokoto, ri mã kaa waa nyaating ɓarɛ. Ri ti hãlɛ ɓarɛ fɔ̃ɔrɔ ɓɔɔ nyaa ɓiɓɛ beebang beebang ɓɛɛ.

Matiyu 23:9

Nɔ́ɔ ti ɓàa zang ɓɔɔ nɛɛ, ‘Dada, ka koo keɓe kpang’ Ka ruu ɓɔɔ, Daa manɛ ɓi gbete kɔ nwani ɓɛɛ. Nɔng nwannang ɓiɓɛ ɓi ti ka lapa.

Matiyu 5:45

tɔ̀ɔ nɔɔ nwang wujɛ Daa manɛ ɓɔɔ ka lapa kati. Ka ruu ɓɔɔ Kpanti Laa shingnɛ laa ɓiɓɛ wu nwang ka yuu zang shi kpang nɛɛ zang tɔ̃ɔ piti ɓɛɛ. Ti a zang ɓɔɔ tɔ̃ɔ nɛɛ zang shi kpang mii lapa katɔ ɓɛɛ.

Matiyu 6:16

“Nɔɔ nɛɛ seng nyaalaa nɔ́ɔ kãngtɛ nyaa tĩng naa zang ɓɔɔ ri nwãarɛ zang nɛɛ vuu palɛnang ɓɛɛ kpang. Ri risi nyaa tĩng ɓarɛ naa ɓɔɔgn nɛɛ tɔɔ zang zi kati nɛɛ ri seng nyaalaa. N kɔɔ nɔɔ ruu ɓɔɔ niizang kɔ nwani, zang keɓe ri ta vuu ɓɔɔ ri kasɛ nɛɛ bii zang ɓi tɔ nandon.

Matiyu 6:9

Nɔɔ gaa Laa naa weɓe: “Daa ɓuru ɓɔɔ ka lapa ɓɛɛ, zang wu dɔɔ nung tɔ̃ɔ ɓaaɓɛ ta.

Matiyu 9:8

Zang dɔɔli ɓɔɔ ri kpalɛ zɔɔ, ri zi naa weɓe, ri mã naa ka danggn, a ri dɔɔ Kpanti Laa kati. Kaa ruu ɓɔɔ, wukɔ a zang naa vuu keɓe palɛnang ɓɛɛ.

Luka 11:2

A Yeesɔ kɔɔ ri tɔɔ, “Nɔɔ nɛɛ gaa Laa, nɔɔ kɔɔ nɛɛ, ‘Daa ɓuru Laa, zang wu dɔɔ nung tɔ̃ɔ ɓaaɓɛ ta. Zang zirɛ nɛɛ mɔkɔ Kpanti.

Yɔhana 15:8

Zang zi bannang Daa mɛɛ ka zang dɔɔli ɓɔɔ nɔɔ ɓaa ri nyaa ɓɛɛ kɔ, tɔ̀ɔ, zang ti zi kati nɛɛ nɔɔ zang ɓɔɔ ri mantɛ vuu ka bii mɛɛ ɓɔɔ niizang ɓɛɛ.

Zang Shonang Yeesɔ 9:36

Jaa soro ɓɔɔ kagn dũng Laa, ka gari Joopa zang ɓaa nung ɓiɓɛ nɛɛ Tabita (Tabita nɛɛ nyaa Heleni ɓi Dorika, nung ɓɔɔ zang ɓaa mákà ɓɛɛ). Jaa soro keɓe pálɛ̀ ɓi tɔ̃ɔ diki diki, ti yi zang ɓɔɔ vuu ka naa kpang, naa ka bii.

1 Koranti 14:25

Ruu kaɓa nwàngsɛ́ wu rɛ̃rɛnang ɓɔɔ bɛ̀ɛ́ ka yeti ɓiɓɛ ɓɛɛ. Ruu kaɓa shing wu, wu tang ka tĩng Laa, wu bang Laa. Wu ti kɔɔyi nɛɛ, Laa kagn nɔng ɓɔɔ nɔɔ kpalɛ zɔɔ ɓɛɛ niizang.

2 Koranti 9:13

Shonang tɔ̃ɔ kɔ nɔɔ palɛ ɓee, wukɔ tusu zang nɛɛ nɔɔ manɛ zang ɓɔɔ ri dũng Laa niizang ɓɛɛ. Zang ɓɔɔ ri dũng dòo Laa kɔ, ri dɔɔ Laa ka ruu naa ɓɔɔ nɔɔ kɔɔ zang Ruu Tɔ̃ɔ Yeesɔ Kirisi, a nɔɔ palɛ vuu ɓɔɔ ruu keɓe kɔɔ ɓɛɛ katɔ ɓɛɛ. Ri ti dɔ̀ɔ Laa ka ruu naa ɓɔɔ nɔɔ basɛ vuu manɛ, nɔɔ á ri nɛɛ yeti gbete, a nɔɔ ti á ɓɔɔ zang ɓɔɔ ri shing danggn tɔ jong ka bii Laa ɓɛɛ.

Galati 1:24

A ri dɔɔ Laa ka ruu mɛɛ.

Afisa 2:10

Laa kɔ mãa ruu, ka yuu ɓɔɔ ruu ɓakɛ nɛɛ Yeesɔ Kirisi, nɛɛ ruu nwang nwannang ɓɔɔ ruu palɛ shonang ɓɔɔ tɔ̃ɔ, ɓɔɔ Laa kpàlɛ̀ ruu bii, doo ka tĩng, nɛɛ ruu naa palɛ ɓɛɛ.

Afisa 5:8

Ɓeleng bɛ̀ɛ́ nɔɔ nwang ka nɔng ɓɔɔ tɔ̀ɔ katɔ ɓɛɛ, a wee nɔɔ raa zang Kpanti Yeesɔ tɔ ɓee, nɔɔ manɛ kaa nɔng ɓɔɔ yakɛ katɔ ɓɛɛ. Ka ruu nɔngkɔ, nɔɔ nwang nwannang manɛ kaa naa zang ɓɔɔ ri ɓarɛ kaa zang nɔng ɓɔɔ yakɛ katɔ ɓɛɛ.

1 Tesalonika 2:12

Ruu tusu nɔɔ vuu ɓɔɔ daa bii katɔ ɓɛɛ. Ruu mã nɔɔ danggn, ruu yi tĩng, ruu kɔɔ nɔɔ nɛɛ nɔɔ nwang zɔ̃ng nwannang ɓɔɔ shing Laa, Laa tãa tĩnang ɓɛɛ. Laa ɓɔɔ ɓáa nɔɔ nyaa nɛɛ nɔɔ naa nwang jong ka teteng zang ɓɔɔ wu nwang kpanti ɓarɛ ɓɛɛ, nɔɔ zi bannang ɓiɓɛ.

1 Timoti 2:10

Ri gbárɛ́ bii nɛɛ shonang tɔ̃ɔ ɓɔɔ ri palɛ ɓɛɛ, ɓɔɔ daa naa ɓɔɔ zang ɓɔɔ ri dũng Laa, ri palɛ tɔ ɓɛɛ.

1 Timoti 5:10

Nɛɛ ti suvɔ ɓɔɔ zang zi wu tɔ nɛɛ shonang tɔ̃ɔ palɛnang ɓɛɛ. Nɛɛ ti gãng jĩng ka wujɛ ɓiɓɛ waasɛ̃ ɓɛɛ. Nɛɛ tá zang zanti katɔ ɓɛɛ, nɛɛ ti pálɛ̀ zang ɓɔɔ ri dũng doo Laa kɔ vuu, tuu yuu ɓiɓɛ kpang ɓɛɛ. Nɛɛ ti yi zang ɓɔɔ ri dang jĩng naa ka bii ɓɛɛ, nɛɛ ti shing yuu ɓiɓɛ nɛɛ wu palɛ tɔ̃ɔ ka zɔ̃ng zɔ̃ng ɓɛɛ. Mɔɔ bee nung ɓiɓɛ.

1 Timoti 5:25

Vuu tɔ̃ɔ ɓɔɔ zang palɛ ɓɛɛ, ɓi doo nɔngkɔ, ɓɔɔ kpãa zinang kpang. Ɓɔɔ zang zi kãntang kpang, waasɛ bii dòndòng kpang.

1 Timoti 6:18

Kɔɔ ri nɛɛ ri palɛ vuu ɓɔɔ tɔ̃ɔ ɓɛɛ. Ri nwang zang ying nɛɛ vuu tɔ̃ɔ ɓɔɔ ri palɛ ɓɛɛ. Ri mung naa kpang, ri a zang vuu, ri basɛ vuu ɓarɛ katɔ nɛɛ zang ɓɔɔ ɓɔ̀ɔ́ ɓarɛ kagn kpang.

Titu 2:14

Yeesɔ a yuu ɓiɓɛ ka ruu ɓuru nɛɛ wu ta ruu nɛɛ naa vuu shi kpang nandon. Wu shing ruu, ruu nwang zang ɓiɓɛ kɔ bm gbete. Wu shing rùu rúu nwang zang ɓɔɔ ri kpalɛ bii tɔ, nɛɛ ri palɛ vuu ɓɔɔ tɔ̃ɔ ɓɛɛ.

Titu 2:7

Ka vuu ɓɔɔ mɔɔ palɛ piti, tusu yuu ɓaaɓɛ, mɔɔ nwang zang ɓɔɔ zang kpɛ̃ɛrɛ vuu ka bii ɓiɓɛ ɓɛɛ. Tusu zang vuu nɛɛ yeti gbete, mɔɔ ti pĩiri nɛɛ vuu ɓɔɔ mɔɔ tusu zang ɓɛɛ kpang.

Titu 3:14

Zang ɓuru ɓɔɔ ri dũng Laa, ri kpɛ̃ɛrɛ shonang ɓɔɔ tɔ̃ɔ palɛnang, tɔ̀ɔ, ri yi zang ɓɔɔ vuu ka naa ɓarɛ kpang naa jong ka bii. Ri nwàng nwannang waati kpang.

Titu 3:4

A ɓɔɔ Laa ɓɔɔ wukɔ ta yuu ɓuru, tusu tɔ̃ɔ ɓiɓɛ nɛɛ naa ɓɔɔ wu kasɛ zang piti ɓɛɛ.

Yahudi 10:24

Rúu kãa gbalang naa ɓɔɔ ruu zarɛ zɔɔ, tɔ̀ɔ, ruu kasɛ zɔɔ, a ruu ti palɛ shonang ɓɔɔ tɔ̃ɔ ɓɛɛ.

1 Bituru 2:12

Nɔɔ nwáng nwannang tɔ̃ɔ, tɔ̀ɔ, zang ɓɔɔ ri zi Laa kpang ri zirɛ. Ka ruu ɓɔɔ, naa ri rang yee shi kpang doo ka yuu manɛ, ri zili vuu tɔ̃ɔ ɓɔɔ nɔɔ palɛ ɓɛɛ, ri naa dɔ̀ɔ Laa ditɔ, ka diki ɓɔɔ wu naa a ka bii ɓarɛ ɓɛɛ.

1 Bituru 2:9

Ɓɔɔ manɛ, nɔɔ manɛ zɔ̃ng zang ɓɔɔ Laa shɛ̃ɛrɛ ri katɔ ɓɛɛ, rɛɛ zang ɓɔɔ ri dɔɔ vuu ɓɔɔ ri shong kpanti ɓɛɛ. Nɔɔ manɛ zɔ̃ng zang ɓɔɔ Laa shɛ̃ɛrɛ ri nɛɛ nɔɔ nwang zang ɓiɓɛ ɓɛɛ. Laa shɛ̃ɛrɛ nɔ́ɔ nɛɛ nɔɔ kɔɔ zang rɛɛ vuu bang bang, ɓɔɔ tɔ̃ɔ tɔ̃ɔ, ɓɔɔ wu pàlɛ̀ nɔɔ ka ɓɔɔ wu nwangsɛ nɔɔ nɛɛ nɔng ɓɔɔ tɔ̀ɔ katɔ ɓɛɛ. A átɛ̀ nɔɔ nɛɛ nɔ́ɔ nwang ka nɔng ɓiɓɛ ɓɔɔ yakɛ katɔ, ɓɔɔ zang zirɛ zang mã naa ka danggn ɓɛɛ.

1 Bituru 3:1

Doo nɔngkɔ, ɓɔɔ nɔɔ zang soro ɓɛɛ, nɔ́ɔ gãsɛ yuu nɛɛ varɛ manɛ kpang. Ka ruu ɓɔɔ, naa varɛ zang ɓɔɔ nɛɛ shing danggn ka Ruu Laa kpang, nwannang tɔ̃ɔ soro ɓiɓɛ shing wu katɔ, wu arɛ, wu dũng Ruu Laa naa nɔɔ rang ri yee dòo nɛɛ nyaa manɛ kpang ɓɛɛ.

1 Bituru 3:16

Ka ɓɔɔ nɔɔ kɔɔ zang Ruu Laa ɓɛɛ, nɔɔ tuu yuu manɛ katɔ kpang, nɔɔ seng zang katɔ. Nɔɔ ti pálɛ́ vuu ɓɔɔ nɔɔ zi ka yeti manɛ nɛɛ tɔ̃ɔ ɓɛɛ. Ka ruu ɓɔɔ, zang ɓɔɔ ri nɛɛ tɔɔ ri rang yee shi kpang ka yuu manɛ, yusɛ̃ɛ wu tuu ri ka ɓɔɔ ri dãlɛ nɔɔ ɓɛɛ. Ka ruu ɓɔɔ, ri naa zǐ nwannang manɛ ɓɔɔ daa naa ɓɔ̀ɔ́ zang ɓɔɔ ri dũng Kirisi ditɔ ɓɛɛ.

1 Bituru 4:11

Zang ɓɔɔ Laa nɛɛ a wu naa yee rannang, wu rang yee ɓɔɔ a nɛɛ bii Laa ɓɛɛ. Zang ɓɔɔ nɛɛ zunung ɓɔɔ wu shǒng zang katɔ, wu shong nɛɛ kaka ɓɔɔ Laa a wu piti. Nɔɔ palɛ nɔngkɔ tɔ̀ɔ, zang ri dɔɔ Laa ka ruu vuu piti, ka ruu Yeesɔ Kirisi. Bannang nɛɛ naa vuu palɛnang ɓi ɓɔɔ ɓiɓɛ kɔ dòndòng. Nɔngkɔ.

1 Bituru 4:14

Naa zang ri dãa nɔɔ, ka ruu ɓɔɔ nɔɔ dũng Kirisi, nɔ́ɔ tãa manɛ tĩnang. Nɔɔ nɛɛ dǎng jĩng nɔngkɔ, Suru Laa ɓɔɔ ɓa zang piti bannang katɔ, naa nwang nɛɛ nɔɔ ning.