Matiyu 5:11 - Nyaa Shɔɔ Ɓɔɔ Laa a Ɓɛɛ

¹¹ “Tĩnang Tãanang ɓi ɓɔɔ manɛ kɔ, naa zang dãa nɔɔ, zang dang nɔɔ jĩng, a zang ti kɔɔ ruu shi kpang nɛɛ sèé ka yuu manɛ, ka ruu ɓɔɔ, nɔɔ zang mɛɛ ɓɛɛ.

Matiyu 5:11 Σταυροειδείς Αναφορές

Matiyu 10:18

Zang ti naa gɔ̃ nɔɔ, zang daa nɔng ka tĩng rɛɛ gɔmna nɛɛ rɛɛ Kpanti, ka ruu mɛɛ. Nɔɔ ti naa rǎng ri yee Laa ditɔ nɛɛ zang ɓarɛ nandon.

Matiyu 10:22

Zang piti ri naa bɛ̃ɛ nɔɔ ditɔ, ka ruu nung mɛɛ. Shɔnzang ɓɔɔ nɛɛ mã danggn sasak, wukɔ naa wɔrɛ.

Matiyu 10:25

A zang ɓɔɔ mantɛ vuu ka bii zang, nɛ̀ɛ́ nwàng naa zang ɓɔɔ tusu wu vuu, wukɔ tɔ̃ɔ. Zang shonang nɛɛ ti nwáng tɔ naa dabang gãa ɓiɓɛ wukɔ tɔ̃ɔ. Naa zang ɓàa zang bang gãa nɛɛ Bahazabu, kpanti suru shi kpang, zang naa ɓáa zang ɓɔɔ ka gãa ɓiɓɛ ɓi ka biya? (Ɓɔ̀ɔ́ ɓarɛ naa ɓá ɓɔɔ ɓiɓɛ ɓi katɔ.)

Matiyu 10:39

Zang ɓɔɔ nɛɛ kasɛ ruu suru bii ɓiɓɛ, walɛ ɓi kpang. A zang ɓɔɔ mãlɛ́ yuu ɓiɓɛ ka ruu nung mɛɛ, wukɔ naa wàlɛ́ jong.”

Matiyu 19:29

Zang piti ɓɔɔ yaa gãa ɓiɓɛ, nɛɛ ɓeezung, nɛɛ ɓeenaa, nɛɛ diiɓɛ, nɛɛ niiɓɛ, nɛɛ wujɛ ɓiɓɛ, a ɓɔɔ tipi jaa lannang ɓiɓɛ, ka ruu mɛɛ, naa walɛ vuu ɓɔɔ wu yaa ɓɛɛ ditɔ dakn laa maani. Ti walɛ suru bii ɓɔɔ waa nyaa kpang ɓɛɛ katɔ.

Matiyu 24:9

“Zang ti naa yiki nɔɔ ditɔ, zang a zang ɓɔɔ ri dang nɔɔ jĩng, tɔɔ ri nyɔ nɔɔ vɔrɔ kati. Zang koo keɓe piti naa bɛ̃ɛ nɔɔ ditɔ ka ruu nung mɛɛ.

Matiyu 27:39

Zang ɓɔɔ ri tɛɛ gbalang, ri rang wu nyaa gɛ̃gɛ̃ɛ, ri ti waa yuu ɓarɛ kpɔkpɔk,

Maraku 13:13

Zang piti, ri ti naa bɛ̃ɛ nɔɔ ditɔ ka ruu mɛɛ, shɔnzang ɓɔɔ mã danggn sasak wukɔ naa wɔrɛ.

Maraku 13:9

Nɔɔ shing yuu manɛ tɔ̃ɔ tɔ̃ɔ, ka ruu ɓɔɔ, zang naa a nɔɔ zang ɓɔɔ ri jɛ̃ɛ ruu ditɔ ɓɛɛ. Zang naa nyɔ nɔɔ ditɔ ka gãa zɔɔ kpalɛnang zang Yahudi. Zang naa atɛ nɔɔ ditɔ ka tĩng rɛɛ gɔmna nɛɛ rɛɛ kpanti ka ruu mɛɛ, tɔ̀ɔ, nɔ́ɔ kɔɔ ri Ruu Laa kati.

Maraku 4:17

Ri zi vuu ɓɔɔ ka yeti ruu kaɓa tɔ̃ɔ tɔ̃ɔ kpang, ka ruu nɔngkɔ, ri mã danggn ka naa lapa kɔ shɛ̃ɛning. A jĩng dannang naa seepaa ka ruu Kpanti Laa, ri tantɛ Ruu Laa yaanang.

Maraku 8:35

Ka ruu ɓɔɔ, zang ɓɔɔ kasɛ nɛɛ wu ta yuu ɓiɓɛ, naa loo ɓi katɔ kɔ jong ɓɛɛ. A Zang ɓɔɔ loo yuu ɓiɓɛ ka ruu mɛɛ, nɛɛ ka ruu, Ruu Tɔ̃ɔ Laa, wukɔ naa ta yuu ɓiɓɛ ɓi jong.

Luka 21:12

Ɓɔɔ diki keɓe à gn kpang, zang yi nɔɔ zang ti dang nɔɔ jĩng. Zang a nɔɔ rɛɛ zang bang bang gãa zɔɔ kpalɛnang, ri jɛ̃ɛ nɔɔ ruu, ri loo nɔɔ ka sãa. Zang daa nɛɛ nɔɔ ka bii kpanti, nɛɛ bii gɔmna, ka ruu ɓɔɔ, nɔɔ ráng yee mɛɛ ɓɛɛ.

Luka 21:17

Zang piti ri kasɛ ruu manɛ kpang, ka ruu mɛɛ.

Luka 6:22

Tĩnang tãanang ɓi ɓɔɔ manɛ kɔ, naa zang kasɛ ruu manɛ kpang, zang bɛ̃ɛ nɔɔ, zang dãa nɔɔ, zang kɔɔ nɛɛ nɔɔ shi kpang, ka ruu Jaa Shɔnzang.

Luka 9:24

Ka ruu ɓɔɔ, zang ɓɔɔ kasɛ nɛɛ wu ta yuu ɓiɓɛ loo ɓi katɔ kɔ jong ɓɛɛ. A zang ɓɔɔ loo yuu ɓiɓɛ ka ruu mɛɛ naa walɛ ɓi katɔ kɔ jong ɓɛɛ.

Yɔhana 15:21

Ri palɛ nɔɔ vuu keɓe piti, ka ruu ɓɔɔ, nɔɔ zang mɛɛ ɓɛɛ. A ri ti zi zang ɓɔɔ shong m kpang ɓɛɛ.

Yɔhana 9:28

Ri dãlɛ wu, a ri kɔɔ wu nɛɛ, “Ɓi mɔkɔ zang ɓɔɔ mantɛ vuu ka bii yɔɔ kaɓa shɛ̃ɛning. Ruu ɓuru zang ɓɔɔ ri mantɛ vuu ka bii Musa ɓɛɛ.

Zang Shonang Yeesɔ 9:16

Ń ti tusu wu naa ɓɔɔ wu naa dang jĩng dɔɔli, ka ruu mɛɛ ɓɛɛ.”

Rooma 8:36

Zang bee nɔngkɔ ka yeti Labeenang Laa nɛɛ, “Zang kɔɔ ruu diki diki nɛɛ zang nyɔ ruu vɔrɔ ka ruu ɓaaɓɛ kɔ. Zang palɛ ruu naa mɛ̀ɛrɛ́ ɓɔɔ zang daa yee ri kaa tɔ ɓɛɛ”.

1 Koranti 4:10

Ruu nwang kaa naa zang shoko, ka ruu Yeesɔ Kirisi. Nɔɔ tuu yuu manɛ naa zang ɓɔɔ ri zũng katɔ ɓɔɔ ri ɓakɛ yuu kaa nɛɛ Yeesɔ Kirisi ɓɛɛ. Rùu lakɛ naa ɓuru bii kpang. Kaka ɓi kagn bii manɛ. Zang seng nɔɔ manɛ katɔ, ruu ɓuru zang ɓɔɔ zang palɛ ri vuu yusɛ̃ɛ ɓɛɛ.

2 Koranti 4:11

Ka nwannang ɓuru nandon, ruu mãlɛ́ yuu ɓuru ka naa vɔrɔ ka ruu Yeesɔ, tɔ̀ɔ, zang zi kati ka bii ɓuru ɓɔɔ vɔ katɔ keɓe, nɛɛ Yeesɔ ɓi doo ningkãari.

Filipi 1:29

Laa ɓɔɔ yàa nɔɔ gbalang nɛɛ nɔ́ɔ shing danggn ka bii Kirisi ɓɛɛ, ti yaa nɔɔ gbalang tɔ nɛɛ nɔ́ɔ dang jĩng ka ruu ɓiɓɛ.

1 Bituru 2:23

Zang ri dãlɛ wu, a dãa zang ɓi kaa tɔ̀ɔ́ jong kpang. Ka ɓɔɔ zang dang wu jĩng, kɔɔ kpang nɛɛ, wu naa palɛ zang vuu shi kpang ditɔ jong kpang. Shing jĩng ɓi ka bii Laa ɓɔɔ dɔ̀ng zang ruu gn dang gbete kpang ɓɛɛ kɔ jong.

1 Bituru 4:14

Naa zang ri dãa nɔɔ, ka ruu ɓɔɔ nɔɔ dũng Kirisi, nɔ́ɔ tãa manɛ tĩnang. Nɔɔ nɛɛ dǎng jĩng nɔngkɔ, Suru Laa ɓɔɔ ɓa zang piti bannang katɔ, naa nwang nɛɛ nɔɔ ning.

Vuu ɓɔɔ zang nwangsɛ Yɔhana 2:3

N zi tɔ nɔɔ mã danggn tɔ, nɔɔ dang jĩng tɔ dɔɔli, ka ruu nung mɛɛ, a nɔɔ ti yaa gn naa kpang.