Matiyu 4:24 - Nyaa Shɔɔ Ɓɔɔ Laa a Ɓɛɛ

²⁴ Ka ruu nɔngkɔ, nyaa Yeesɔ baa nɔng ka tipi Siriya nandon. A zang atɛ wu zang kɔnang ka zɔ̃ng zɔ̃ng, nɛɛ zang ɓɔɔ kɔnang ɓarɛ dang ri jĩng dɔɔli ɓɛɛ, nɛɛ zang ɓɔɔ suru shi kpang ka bii ɓarɛ, nɛɛ zang ɓɔɔ ri mã katɔ ɓɛɛ, a ɓɔɔ zang ɓɔɔ ri kàa katɔ ɓɛɛ. A Yeesɔ masɛ ri kaa nandon.

Matiyu 4:24 Σταυροειδείς Αναφορές

Matiyu 12:22

A zang naa atɛ wu zang jĩng ringtang ɓɔɔ suru shi kpang ka bii ɓɛɛ, a nyaa ti nɔɔ wu katɔ ɓɛɛ. A Yeesɔ masɛ wu kati. A zang kaɓa gaayu yee rannang kaa nɛɛ nɔng zinang piti.

Matiyu 14:1

Ka diki kaɓa, Hiridu ɓɔɔ roo kpanti ka Galili tãa nyaa Yeesɔ ɓɔɔ sãlɛ nɔng,

Matiyu 15:22

A jaa soro Kaana ɓɔɔ nwang ka tipi kaɓa, a ka bii ɓiɓɛ. Kaa nyaa kana nɛɛ, “Kpanti, Jaa Dawuda gn mɛɛ wu kɔng mɔɔ jong. Suru shi kpang dang jaa mɛɛ ɓɔɔ zang soro jĩng dɔɔli.”

Matiyu 17:15

“Kpanti, gn jaa mɛɛ wu kɔng mɔɔ jong. Kɔnang ɓɔɔ mã zang katɔ, dang wu jĩng dɔɔli. Looro wu ka waa nɛɛ mii diki diki.

Matiyu 17:18

A Yeesɔ mangkɛ suru shi kpang, a suru shii kpang nwangnɛ. A kɔnang yaa jaa bii kaa tantɛnang.

Matiyu 4:23

Yeesɔ ra ka tipi Galili nandon, tùsú zang vuu ka gãa zɔɔ kpalɛnang zang Yahudi. Ti rang zang yee ka yuu ruu ɓɔɔ, Laa tùsú zang nɛɛ wukɔ kpanti ɓɛɛ. A ti masɛ zang ɓɔɔ kɔnang yiki ri ka zɔ̃ng zɔ̃ng nandon.

Matiyu 8:28

Yeesɔ ta rang tɔ ka dang ka tipi zang Ganasara, a zang ziti ɓɔɔ suru shi kpang ka bii ɓarɛ, a ka bii ɓiɓɛ nɛɛ nɔng yusàa ɓɔɔ zang gbã́lɛ̀ vɔrɔ kagn ɓɛɛ. Ri raa jĩng dɔɔli, ka ruu nɔngkɔ, shɔnzang gbete ɓɔɔ tɛɛ gbalang kaɓa kpang.

Matiyu 8:33

Zang ɓɔɔ ri shaa gãnya, ri yuku, ri daa ka gari, ri daa kɔɔ zang vuu ɓɔɔ pálɛ̀ gãnya, nɛɛ vuu ɓɔɔ Yeesɔ palɛ zang ɓɔɔ suru shi kpang ka bii ɓarɛ ɓɛɛ nandon.

Matiyu 8:6

A kɔɔ Yeesɔ tɔɔ, “Kpanti, zang shonang mɛɛ bii ɓiɓɛ vɔ katɔ, roo ka gãa, dang jĩng dɔɔli.”

Matiyu 9:26

Nyaa vuu kɔ Yeesɔ palɛ ɓee, bàa tipi kaɓa kaa nandon.

Matiyu 9:35

A Yeesɔ daarɛ ka gari bang nɛɛ ɓɔɔ tɔkɔlɔng piti. Tusu zang vuu ka gãa zɔɔ kpalɛnang Yahudi, a ti rang zang ruu tɔ̃ɔ kpanti roonang Laa. A masɛ zɔ̃ng kɔnang ɓɔɔ yiki zang nɛɛ vuu ɓɔɔ palɛ ri nandon.

Maraku 1:28

A nyaa Yeesɔ baa nɔng kaa tantɛnang ka tipi Galili nandon.

Maraku 1:32

Nɛɛ laarang bɛ̀ɛ́ laa hãa nyaa tɔ dii, zang atɛ wu zang kɔnang nɛɛ zang ɓɔɔ suru shi kpang ka bii ɓarɛ ɓɛɛ kaa dɔɔli.

Maraku 2:3

A zang dɛ̃ɛti ri tuu zang ɓɔɔ bii ɓiɓɛ vɔ katɔ, ri atɛ wu.

Maraku 2:4

Ri walɛ gbalang ɓɔɔ ri daa nɛɛ wu ka bii Yeesɔ kpang, ka ruu zang ɓɔɔ ri kpalɛ zɔɔ gaagaa ɓɛɛ. Ka ruu nɔngkɔ, ri vang yuu sãa ri puu ka nɔng ɓɔɔ Yeesɔ kagn, ri yaa yɔɔ ɓɔɔ bii vɔ katɔ, ɓɔɔ zang ta ka laa naa nɛɛ soo, ka tĩng Yeesɔ.

Maraku 2:9

Ɓɔɔ zang kɔɔ zang ɓɔɔ bii vɔ katɔ nɛɛ ‘Zang yaa mɔɔ gbalang vuu shi kpang ɓaaɓɛ tɔ,’ nɛɛ ɓɔɔ zang kɔɔ nɛɛ, ‘Seepaa ta mɔɔ tuu vuu roonang ɓaaɓɛ mɔɔ daayi.’ Ɓu wi kpãa kpang ka teteng yee keɓe wiya?

Luka 2:2

Zang gã̀ zang gngn ka tipi Rooma kpang. Zang gãnang keɓe wukɔ ɓɔɔ tĩng shɔɔnang bɛ̀ɛ́ Kiriniyu nwang gɔmna ka tipi Siriya.

Luka 4:14

Yeesɔ gbãayu ka Galili, naa vuu palɛnang Suru Laa nɛɛ wu ning. Nyaa ɓiɓɛ sãlɛ nɔng ka tipi kaɓa nandon.

Luka 4:38

A Yeesɔ seepaa yaa gãa zɔɔ kpalɛnang kaɓa, a daa ka gãa Siman, ka laa kaɓa, Siman ɓeekpeng ɓɔɔ yi soro ɓiɓɛ roo katɔ nɛɛ bii zaa wu katɔ. A ri gaa wu nɛɛ wu masɛ wu.

Luka 5:15

A nyaa Yeesɔ sãlɛ nɔng ɓi doo nɛɛ mani. Zang kpalɛ zɔɔ ka bii ɓiɓɛ gaagaa nɛɛ zang naa tãa yee ɓiɓɛ, nɛɛ tɔ̀ɔ, wu ti màsɛ̀ ri kɔnang ɓarɛ.

Luka 5:24

N masɛ yɔɔ keɓe ditɔ, tɔ̀ɔ, nɔ́ɔ zi kati nɛɛ, zang a Jaa Shɔnzang naa tɔ ka koo keɓe, nɛɛ wu yaa zang gbalang vuu shi kpang ɓarɛ.” A kɔɔ yɔɔ ɓɔɔ bii vɔ katɔ tɔɔ, “N kɔɔ mɔɔ, seepaa ta mɔɔ tuu laa ɓɔɔ zang ta mɔɔ kagn mɔɔ daa gãa.”

Luka 7:17

Nyaa Yeesɔ sãlɛ nɔng, ka ruu vuu kɔ wu palɛ ɓee ka tipi Yahudi nandon nɛɛ tipi ɓɔɔ naabm nɛɛ Yahudi ɓɛɛ nandon.

Yɔhana 10:21

Zang ɓɔɔ ri ti kɔ̀ɔrɔ́ ɓarɛ nɛɛ, “Zang ɓɔɔ suru shi kpang kagn bii ɓiɓɛ ràng yee naa weɓe kpang. Suru shi kpang palɛ biya wu masɛ zang jĩng ringtang viya?”

Zang Shonang Yeesɔ 10:38

Ruu keɓe ɓi ruu Yeesɔ yɔɔ Nazara. Ɓɔɔ Laa a wu Suru ɓiɓɛ, nɛɛ naa vuu palɛnang ɓɛɛ. Yeesɔ keɓe daarɛ nɛɛ nɔng piti piti, pàlɛ́ zang tɔ̃ɔ, ti masɛ zang ɓɔɔ suru shi kpang ka bii ɓarɛ nandon, ka ruu ɓɔɔ, Laa nɛɛ wu ɓɛɛ.

Zang Shonang Yeesɔ 15:23

A zang shong ri nɛɛ labeenang keɓe tɔɔ, “Rukɔ zang shonang Yeesɔ, ruu nɛɛ rɛɛ zang bang bang, ɓɔɔ ruu manzung manɛ ɓɛɛ, ruu shong nyaa nɛɛ zang jèe ruu rɛɛ manzung ɓuru ɓɔɔ ri ɓarɛ zang Isirela kpang, a ri zi Laa ɓarɛ tɔ kati ɓɛɛ. Ɓɔɔ ri nwang ka Antakiya nɛɛ tipi Siriya nɛɛ Silisiya ɓɛɛ.

Zang Shonang Yeesɔ 15:41

Bulu daa ka Siriya nɛɛ Silisiya ri mã zang ɓɔɔ ri dũng Laa danggn.

Zang Shonang Yeesɔ 28:9

Ɓɔɔ Bulu palɛ naa weɓe, zang kɔnang ɓɔɔ ri ka gari ri a nandon, a Bulu masɛ ri.

Zang Shonang Yeesɔ 8:7

Suru shi kpang, ri mɛɛrɛ nyaa ka lapa ka ɓɔɔ ri nwangkɛ nɛɛ bii zang ɓɛɛ. Zang ɓɔɔ ri kàa katɔ, nɛɛ zang ɓɔɔ bii ɓarɛ vɔ katɔ, zang ti masɛ ri jong.