Matiyu 4:23 - Nyaa Shɔɔ Ɓɔɔ Laa a Ɓɛɛ

²³ Yeesɔ ra ka tipi Galili nandon, tùsú zang vuu ka gãa zɔɔ kpalɛnang zang Yahudi. Ti rang zang yee ka yuu ruu ɓɔɔ, Laa tùsú zang nɛɛ wukɔ kpanti ɓɛɛ. A ti masɛ zang ɓɔɔ kɔnang yiki ri ka zɔ̃ng zɔ̃ng nandon.

Matiyu 4:23 Σταυροειδείς Αναφορές

Matiyu 11:5

Zang jĩng ringtang ri zi nɔng kana, zang ɓɔɔ kàa katɔ ri ti ra kana, a kɔnang zang vuu bii ti yaa ri nɔng kana. Zang ɓɔɔ shoo gbooto ri ti tãa nɔng kana, n ti wisi zang ɓɔɔ ri vɔlɔ ɓɛɛ paa kana. Zang ti rǎng zang ɓɔɔ vuu ka naa kpang Ruu Tɔ̃ɔ Laa kana.

Matiyu 12:9

A Yeesɔ seepaa nɛɛ nɔng kaɓa daa ka gãa zɔɔ kpalɛnang Yahudi.

Matiyu 13:19

Jĩng vuu ɓɔɔ shili ka gbalang, nwang ɓi kaa naa shɔnzang ɓɔɔ tãa ruu Kpanti roonang Laa, a zi tɔ̃ɔ tɔ̃ɔ kpang, Sheetang arɛ naa ta vuu ɓɔɔ wu tãa ɓɛɛ.

Matiyu 13:54

Daa shɛ̃ɛ gari ɓiɓɛ tɔ, a gaa zang tɔɔsung vuu tusunang ka gãa zɔɔ kpalɛnang ɓarɛ. Zang ɓɔɔ ri tãa yee ɓiɓɛ, ri mã naa ka danggn. Ri tɔɔ, “Yɔɔ keɓe, walɛ zũnang keɓe ka niya? Ɓu wi a wu naa ɓɔɔ wu palɛ vuu kɔ zang zirɛ zang mã naa ka danggn nɛɛ mani wiya?

Matiyu 14:14

Yeesɔ shɛ̃ɛ nyaa dang gãnggãng tɔ, a zi zang dɔɔli ɓɔɔ ri kpalɛ zɔɔ, ri kɔng wu gn, a masɛ zang ɓɔɔ vuu palɛ katɔ, ka teteng ɓarɛ kati.

Matiyu 24:14

Zang naa rang zang koolaa keɓe Ruu Tɔ̃ɔ Kpanti Laa ditɔ nandon, tɔɔ zang ɓɔɔ ka rɛɛ tipi ɓɔɔ ka koo keɓe ri tãa ruu ɓɔɔ niizang kati. Tɔ̀ɔ, koo keɓe wu naa waa nyaa kati.”

Matiyu 3:2

Kɔɔ zang tɔɔ, “Nɔɔ yaa vuu shi kpang manɛ ta, nɔ́ɔ kɔ̃sɔ yeti manɛ, ka ruu ɓɔɔ, kpanti roonang Laa a naabm tɔ ɓɛɛ.”

Matiyu 9:35

A Yeesɔ daarɛ ka gari bang nɛɛ ɓɔɔ tɔkɔlɔng piti. Tusu zang vuu ka gãa zɔɔ kpalɛnang Yahudi, a ti rang zang ruu tɔ̃ɔ kpanti roonang Laa. A masɛ zɔ̃ng kɔnang ɓɔɔ yiki zang nɛɛ vuu ɓɔɔ palɛ ri nandon.

Maraku 1:14

Ka knti ɓɔɔ zang mã Yɔhana tɔ ka sãa, Yeesɔ naa a ka tipi Galili kɔɔrɔ zang Ruu Tɔ̃ɔ Kpanti Laa tɔɔ,

Maraku 1:21

A ri daa ka gari Kafanahu. A Diki Ɔ̃sɔnang naa arɛ, Yeesɔ daa ka gãa zɔɔ kpalɛnang zang Yahudi, a gáa zang tɔɔsung vuu tusunang kati.

Maraku 1:39

A rakɛ ka tipi Galili nandon, rang zang yee Laa ka gãa zɔɔ kpalɛnang zang Yahudi, a ti nwàngsɛ̀ zang dɔɔli suru shi kpang.

Maraku 3:10

Yeesɔ masɛ zang tɔ dɔɔli, ka ruu nɔngkɔ, zang ɓɔɔ kɔnang ka bii ɓarɛ ning, ri béng zang nɛɛ tɔ̀ɔ, ri daa lee Yeesɔ naa ka bii.

Maraku 6:2

Ka Diki Ɔ̃sɔnang zang Yahudi, Yeesɔ gaa tɔɔsung vuu tusunang ka gãa zɔɔ kpalɛnang zang Yahudi. Zang piti ɓɔɔ ti tãa vuu ɓɔɔ wu tusu, ri mã naa ka danggn. Ri hɛ̃ɛyi tɔɔ, “Yɔɔ keɓe zi vuu keɓe ɓi biya nɔngkɔ viya? Laa a wu zũnang vi nɔngkɔ viya? Zunung ɓɔɔ wu palɛ vuu ɓɔɔ ruu zirɛ ruu mã naa ka danggn katɔ.

Maraku 6:6

Yeesɔ mã naa ka danggn, ka ruu ɓɔɔ, ri shing danggn ka bii ɓiɓɛ kpang ɓɛɛ. A daarɛ ka gari ɓɔɔgn daa tusu zang vuu kati.

Luka 10:9

Nɔɔ masɛ zang kɔnang ɓɔɔ ka yeti gari kaɓa katɔ. Nɔɔ ti kɔɔ ri nɛɛ, ‘Diki ɓɔɔ Laa roo Kpanti a tɔ kaa naabm.’

Luka 13:10

Ka Diki Ɔ̃sɔnang ɓɔɔ kagn, Yeesɔ tusu zang vuu ka gãa zɔɔ kpalɛnang.

Luka 16:16

“Labeenang Laa ɓɔɔ Musa beeyi nɛɛ ɓɔɔ zang nyaa shonang Laa piti, zang palɛ shonang nɛɛ wukɔ, a nɛɛ mani ka yuu Yɔhana ɓɔɔ pàlɛ́ zang batizima ɓɛɛ. Zang gaayu Ruu Tɔ̃ɔ Kpanti roonang Laa kɔɔnang doo nɛɛ diki Yɔhana kɔ. Zang ɓu ti ĩi ɓi yuu, tɔ̀ɔ, wu shɛ̃ɛyi.

Luka 20:1

Diki ɓɔɔgn Yeesɔ tusu zang vuu, a ti kɔɔ zang Ruu Tɔ̃ɔ Laa ka Gãa Laa, a rɛɛ zang bang bang zang ɓɔɔ ri dɔɔ vuu ka Gãa Laa, nɛɛ rɛɛ zang ɓɔɔ ri zi labeenang Laa dɔɔli ɓɛɛ, nɛɛ rɛɛ zang bang bang, ri a ka bii ɓiɓɛ.

Luka 4:14

Yeesɔ gbãayu ka Galili, naa vuu palɛnang Suru Laa nɛɛ wu ning. Nyaa ɓiɓɛ sãlɛ nɔng ka tipi kaɓa nandon.

Luka 5:17

Diki ɓɔɔ kagn, Yeesɔ tusu zang vuu kana, a zang Farisi nɛɛ zang ɓɔɔ ri zi labeenang Laa dɔɔli ɓɔɔ alɛ nɛɛ gari piti ɓɔɔ ka tipi Galili, nɛɛ Yahudi, a ɓɔɔ gari Urushalima nandon, ri nwáng kagn nɔngkɔ. A Laa a Yeesɔ naa ɓɔɔ wu màsɛ́ zang kɔnang nɛɛ mani kati.

Luka 6:17

Yeesɔ shooro tɔ nɛɛ kɔpɔ nɛɛ zang ɓɔɔ wu shɛ̃ɛrɛ ri, a daa shii ka nyɛlɛ. Zang ɓɔɔ ri mantɛ vuu ka bii ɓiɓɛ dɔɔli, nɛɛ zang dɔɔli ɓɔɔ ri alɛ nɛɛ tipi Yahudi, nɛɛ gari Urushalima, a ɓɔɔ zang ɓɔɔ ri alɛ nɛɛ gari Taya nɛɛ Sidong ɓɔɔ ka nyaa waapo ɓɛɛ. Ri arɛ nɛɛ ri naa tãa yee Laa ɓɔɔ wu rangnɛ, nɛɛ wu ti màsɛ̀ ri kɔnang ɓarɛ.

Luka 6:6

Ka Diki Ɔ̃sɔnang ɓɔɔ kagn, Yeesɔ tusu zang vuu ka yeti gãa zɔɔ kpalɛnang ɓarɛ. Ka yeti gãa kaɓa, zang ɓɔɔ naa nakn ɓiɓɛ ɓakɛ katɔ kagn nɔngkɔ.

Luka 7:21

Ka laa kaɓa, Yeesɔ masɛ zang ɓɔɔ kɔnang ɓarɛ ka zɔ̃ng zɔ̃ng ɓɛɛ dɔɔli. A ti nwangsɛ suru shi kpang nɛɛ bii zang dɔɔli. A ti masɛ zang jĩng ringtang, ri zi nɔng kati.

Luka 7:22

Yeesɔ kasɛ ri nyaa tɔɔ, “Nɔɔ dita nɔɔ daa kɔɔ Yɔhana vuu ɓɔɔ nɔɔ zi ɓɛɛ, nɛɛ vuu ɓɔɔ nɔɔ tãa ɓɛɛ. Zang jĩng ringtang ri zi nɔng kana. Zang ɓɔɔ ri kàa katɔ ri ti ra kana. Kɔnang zang vuu bii ti yaa ri nɔng tɔ. Zang shoo gbooto ri ti tãa nɔng kana. N ti wisi zang ɓɔɔ ri vɔ katɔ paa, a zang ti rǎng zang ɓɔɔ vuu ka naa kpang ruu tɔ̃ɔ Laa kana.

Luka 8:1

Knti bee kpang, Yeesɔ naa seepaa nɛɛ nɔng kaɓa, daarɛ ka rɛɛ gari bang bang nɛɛ ɓɔɔ tɔkɔlɔng, tɔkɔlɔng. Rang zang yee tɔ̃ɔ Laa. Kɔɔ zang ruu tɔ̃ɔ ka yuu Kpanti ɓɔɔ Laa naa roo ɓɛɛ. Daarɛ nɛɛ zang kopi tu ziti ɓɔɔ ri mantɛ vuu ka bii ɓiɓɛ ning.

Luka 9:11

Ɓɔɔ zang ɓɔɔ ri kpalɛ zɔɔ gaagaa ri tãa nyaa nɔng ɓɔɔ Yeesɔ daayi, ri dũuru knti ɓiɓɛ kati. Ri naa shɛ̃ɛ nɔng ɓɔɔ Yeesɔ kagn ɓɛɛ tɔ, a Yeesɔ jee ri nyaa, a rang ri yee Kpanti roonang Laa kati. A ti masɛ zang ɓɔɔ kɔnang yiki ri katɔ ɓɛɛ.

Luka 9:60

A Yeesɔ kɔɔ wu tɔɔ, “Dũng m ɓaaɓɛ. Yaa zang ɓɔɔ ri walɛ suru bii ɓɔɔ waa nyaa kpang gn kpang ri gbãa zɔɔ ka naa ɓarɛ. Daa ɓaari mɔɔ daa kɔɔrɔ zang Ruu Tɔ̃̀ɔ́ Kpanti roonang Laa.”

Yɔhana 18:20

Yeesɔ kasɛ wu nyaa tɔɔ, “N waa m katɔ n tùsù zang koo vuu kpang. Vuu ɓɔɔ n tusu piti, n tusu m ka gãa zɔɔ kpalɛnang, a ɓɔɔ ka yeti Gãa Laa. Nɔng ɓɔɔ zang Yahudi nandon ri kpalɛ kagn ɓɛɛ. N kɔ̀ɔ vuu ɓɔɔ m gngn nɛɛ nwĩiri kpang.

Yɔhana 6:59

Yeesɔ kɔɔ ruu keɓe ka ɓɔɔ bɛ̀ɛ́ wu tusu zang vuu ka gãa zɔɔ kpalɛnang ka Kafanahu ɓɛɛ.

Yɔhana 7:1

Ka knti rɛɛ vuu keɓe, Yeesɔ rakɛ ka tipi Galili, a kasɛ nɛɛ wu rakɛ ka tipi Yahudi kpang, ka ruu ɓɔɔ, zang Yahudi ɓɔɔ ka nɔng bìí, kãa wu nɛɛ ri nyɔ wu vɔrɔ ɓɛɛ.

Zang Shonang Yeesɔ 10:38

Ruu keɓe ɓi ruu Yeesɔ yɔɔ Nazara. Ɓɔɔ Laa a wu Suru ɓiɓɛ, nɛɛ naa vuu palɛnang ɓɛɛ. Yeesɔ keɓe daarɛ nɛɛ nɔng piti piti, pàlɛ́ zang tɔ̃ɔ, ti masɛ zang ɓɔɔ suru shi kpang ka bii ɓarɛ nandon, ka ruu ɓɔɔ, Laa nɛɛ wu ɓɛɛ.

Zang Shonang Yeesɔ 18:4

Bulu ri làá zɔɔ nyaa nɛɛ zang Yahudi nɛɛ zang Heleni ka Diki Ɔ̃sɔnang ka gãa zɔɔ kpalɛnang diki diki. Kasɛ nɛɛ ri ta ruu ɓɔɔ wu kɔɔ ri ɓɛɛ.

Zang Shonang Yeesɔ 20:25

“Nɔɔ zang ɓɔɔ n rakɛ ka teteng manɛ, n kɔɔrɔ nɔɔ Ruu Tɔ̃ɔ Kpanti roonang Laa ɓɛɛ, n zi tɔ, nɔɔ zi m takpang dòndòng.

Zang Shonang Yeesɔ 28:31

Kɔɔ zang ruu ka yuu Kpanti roonang Laa. Ti tusu zang vuu ka yuu Kpanti Yeesɔ Kirisi, kaa vɔrɔ kpang. Zang ɓɔɔ ti zãa wu ruu keɓe kɔɔnang kpang.

Rooma 10:15

A zang ɓɔɔ yuu paa biya wu daa kɔɔ zang Ruu Laa, zang nɛɛ shong wu katɔ kpang ɓɛɛ viya? Labeenang Laa kɔɔyi tɔɔ, “Zang ɓɔɔ ri à Ruu Tɔ̃ɔ kɔɔnang, doo ɓarɛ shili dɔɔli.”