Matiyu 4:10 - Nyaa Shɔɔ Ɓɔɔ Laa a Ɓɛɛ

¹⁰ A Yeesɔ kasɛ wu nyaa tɔɔ, “Daa nɛɛ kaaɓa, mɔ́ɔ yàa m bii Sheetang. Ruu Kpanti Laa kɔɔyi tɔɔ, ‘Shɔnzang wu dɔɔ Kpanti Laa ɓiɓɛ kɔ shɛ̃ɛning, nɛɛ wu ti bang wukɔ gbete.’ ”

Matiyu 4:10 Σταυροειδείς Αναφορές

Matiyu 16:23

Yeesɔ raa jĩng kɔɔ Bituru tɔɔ, “Dita kaaɓa Sheetang! Mɔkɔ vuu ɓɔɔ nɔɔ m gbalang ɓɛɛ. Mɔɔ rɛ̃rɛ ɓáa vuu ɓɔɔ Laa rɛ̃rɛ kpang, mɔɔ rɛ̃rɛ ɓáa vuu ɓɔɔ shɔnzang kasɛ ɓɛɛ.”

Maraku 1:13

Nwáng ka waala diki laa ziti, a Sheetang gãsɛ wu kaa sasak. Ka nɔng kaɓa vuu kpaasi kagn nɔngkɔ, a zang nyaa shonang Kpanti Laa ɓɔɔ ka lapa, ri arɛ, ri yi wu naa ka bii.

Luka 10:18

A kɔɔ ri tɔɔ, “N zi sheetang watɛ nɛɛ lapa naa shala ɓɔɔ mang takoti ɓɛɛ.

Luka 11:18

Naa sheetang basɛ yuu ɓiɓɛ, kpanti roonang ɓiɓɛ nwang biya? N kɔ̀ɔ́ ruu keɓe, ka ruu ɓɔɔ, nɔɔ kɔɔyi nɛɛ n nwangsɛ suru shi kpang nɛɛ naa ɓɔɔ Bahazabu a m ɓɛɛ, ɓɛɛ.

Luka 13:16

A ka ruu vi, jaa zɔ̃ng Ibirayi zang soro kɔ sheetang mã wu, saa kopi tu mantaati, zang yaa wu naa ka Diki Ɔ̃sɔnang kpang viya?

Luka 22:3

A Sheetang naa nwãarɛ Yahuda ɓɔɔ zang ɓaa wu nɛɛ Isikariyoti, ɓɔɔ ka teteng zang kopi tu ziti ɓɔɔ ri mantɛ vuu ka bii Yeesɔ ɓɛɛ.

Luka 22:31

“Siman, ɓaa shoo, zang a Sheetang naa tɔ, nɛɛ wu gãsɛ nɔɔ, tɔ̀ɔ, wu shɛ̃ɛrɛ zang tɔ̃ɔ, wu yaa zang shi kpang, naa ɓɔɔ zang hãlɛ zee ɓɛɛ.

Luka 4:8

A Yeesɔ kasɛ wu nyaa tɔɔ, “Ruu Kpanti Laa kɔɔyi tɔɔ, ‘Shɔnzang wu dɔɔ Kpanti Laa ɓiɓɛ kɔ shɛ̃ɛning, nɛɛ wu ti bang wukɔ gbete.’ ”

Yɔhana 13:27

Ɓɔɔ Yahuda ta borodi hn, sheetang ta rɛ̃rɛnang ɓiɓɛ. Yeesɔ kɔɔ wu tɔɔ, “Vuu ɓɔɔ mɔɔ mangnɛ, nɛɛ mɔɔ palɛ ɓɛɛ, palɛ ta pati.”

Zang Shonang Yeesɔ 26:18

Mɔ́ɔ pùu ri jĩng, ri yaa nɔng ɓɔɔ tɔ̀ɔ katɔ, ri a ka nɔng ɓɔɔ yakɛ katɔ ɓɛɛ. Ri ti yaa nɔng ɓɔɔ sheetang roo kpanti kagn, ri a ka bii Laa. Tɔ̀ɔ, ka ruu danggn ɓɔɔ ri shing ka bii mɛɛ, Laa wu kɔsɔ ri vuu shi kpang ɓarɛ kati. Wu ti a ri nɔng nwannang jong ka teteng zang ɓɔɔ wu zɔ̃ngkɔ ri katɔ ɓɛɛ.’

Zang Shonang Yeesɔ 5:3

Bituru hɛ̃ɛ wu nɛɛ, “Hananiya, ka ruu vi sheetang ta rɛ̃rɛnang ɓaaɓɛ, mɔɔ sùú Suru Laa sèé, a mɔɔ vaa saka tipi ɓɔɔ mɔɔ mãlɛ́ mɔɔ yiti viya?

1 Koranti 5:5

Nɔɔ yàa Sheetang zang keɓe, wu lasɛ yɔpɔ bii ɓiɓɛ, tɔ̀ɔ, suru bii ɓiɓɛ wu wɔ kati, ka diki ɓɔɔ Kpanti ɓuru Yeesɔ naa gbãayu ka koo keɓe ɓɛɛ.

1 Koranti 7:5

Ka ruu nɔngkɔ, nɔ́ɔ zãa zɔɔ bii manɛ kpang. Naa nɔɔ kasɛ katɔ, nɔɔ kà zɔɔ diki nɛɛ nɔɔ gaa Laa, tɔ̀ɔ nɔɔ zãa zɔɔ bii. Diki ɓɔɔ nɔɔ ka zɔɔ nɛɛ waa nyaa tɔ, nɔɔ ɓang bii nɛɛ zɔɔ. Ka ruu ɓɔɔ, Sheetang nɛɛ walɛ gbalang wu gãsɛ nɔɔ, wu shing nɔɔ, nɔɔ palɛ vuu shi kpang ɓɛɛ. Ka ruu ɓɔɔ, nɔɔ zunung ɓɔɔ nɔɔ yiti yuu manɛ kpang ɓɛɛ.

2 Koranti 11:14

Niizang, wee wu vuu ɓɔɔ zang mã naa ka danggn kpang. Naa doo Sheetang risi yuu ɓiɓɛ katɔ, naa zang nyaa shonang Laa ɓɔɔ ka lapa ɓɔɔ bii ɓarɛ yakɛ ɓi katɔ ɓɛɛ.

2 Koranti 12:7

Tɔ̀ɔ, zang zãa m yuu tuunang ka lapa dɔɔli, ka ruu vuu ɓɔɔ zang zirɛ zang mã naa ka danggn ɓɔɔ n zili ɓɛɛ. Laa nɛɛ yuu ɓiɓɛ shing nɔng ɓɔɔ ka bii mɛɛ, kɔng m naa zang ɓaa m nɛɛ kɔkɔ. Kɔnang keɓe, nwang naa zang nyaa shonang Sheetang ɓɔɔ zang dɔ̃ wu nɛɛ, wu naa dang m jĩng, wu zãa m yuu tuunang ɓɛɛ.

2 Koranti 2:11

Tɔ̀ɔ, wu zãa Sheetang gbalang ɓɔɔ wu vang ruu ka yuu ɓɛɛ. Ka ruu ɓɔɔ, ruu zi vuu ɓɔɔ wu mang ɓi tɔ ɓɛɛ.

Yakubu 4:7

Ka ruu nɔngkɔ, a Laa yuu ɓaaɓɛ. Mɔɔ táarɛ́ yuu nɛɛ suru shi kpang, yuu ditɔ wu yaa mɔɔ.

1 Bituru 5:9

Nɔ́ɔ yàa wu gbalang kpang, nɔɔ shii gbãng gbãng. Nɔɔ shing danggn ka bii Laa diki diki nɔ́ɔ kaa vɔrɔ kpang. Nɔɔ zi tɔ, zang ɓɔɔ ri dũng Laa ɓɔɔ ri ka nɔng piti piti ka koo keɓe, ri dang jĩng doo nɔngkɔ, naa ɓɔɔ nɔɔ dǎng ɓɛɛ.