Matiyu 3:9 - Nyaa Shɔɔ Ɓɔɔ Laa a Ɓɛɛ

⁹ “Nɔ́ɔ shing danggn manɛ nɛɛ nɔɔ naa wɔ jĩng dannang kaɓa katɔ, ka ruu ɓɔɔ, nɔɔ manɛ wujɛ Ibirayi ɓɛɛ kpang. N kɔɔ nɔɔ, Kpanti Laa zunung ɓɔɔ wu nwàngsɛ́ Ibirayi jaa nɛɛ tari kɔ ka tipi ɓee katɔ.

Matiyu 3:9 Σταυροειδείς Αναφορές

Maraku 7:21

Ka ruu ɓɔɔ vuu naa, rɛɛ rɛ̃rɛnang vuu shi kpang, rooronang nɛɛ jaa soro ɓɔɔ zang gee ka takpang, shɔngɓɔ ɓɔɔnang, shɔnzang nyɔnang vɔrɔ, rooronang nɛɛ soro zang ɓɔɔgn,

Luka 12:17

A rɛ̃rɛ ka yeti ɓiɓɛ tɔɔ, ‘N palɛ biya? Nɔng ɓɔɔ n tɛ̃ɛ vuu gbaa mɛɛ kagn ɓɛɛ kpang.’

Luka 16:24

A ɓaa nyaa tɔɔ, ‘Dada Ibirayi, gn mɛɛ wu kɔng mɔɔ jong. Shong Liyazaru wu hãa yuu paa saa naa ka mii wu sɔ̃sɔ m ka nyaa, ka ruu ɓɔɔ, waa tɔ̃̀ɔrɔ m shoo kana ɓɛɛ.’

Luka 19:40

A kasɛ ri nyaa tɔɔ, “N kɔɔ nɔɔ, naa zang keɓe ri voo nyaa doori, tari kɔ ka tipi ɓee, ri dɔɔ m ditɔ.”

Luka 3:8

Nɔɔ palɛ vuu ɓɔɔ tusu zang nɛɛ nɔɔ kɔ̃sɔ yeti manɛ tɔ, nɔɔ yaa vuu shi kpang tɔ ɓɛɛ. Nɔ́ɔ kɔ̀ɔrɔ̀ manɛ nɛɛ, ‘Rùu ɓuru wujɛ Ibirayi kpang.’ N kɔɔ nɔɔ, Laa zunung ɓɔɔ wu pàlɛ́ Ibirayi zɔ̃ng nɛɛ tari kɔ ka tipi ɓee katɔ.

Luka 5:22

Yeesɔ ti zi vuu ɓɔɔ ri rɛ̃rɛ ka yeti ɓarɛ ɓi tɔ. A hɛ̃ɛ ri tɔɔ, “Nɔɔ rɛ̃rɛ nɔngkɔ, ka ruu viya?

Luka 7:39

Ɓu doo ɓɔɔ zang Farisi ɓɔɔ ɓaa Yeesɔ nyaa zi naa weɓe, kɔɔ ka yeti ɓiɓɛ tɔɔ, “Naa yɔɔ keɓe nɛɛ zang nyaa shonang Laa, nɛɛ zi jaa soro kɔ lee wu naa ka bii ɓɛɛ tɔ. Nɛɛ ti zi naa nwannang jaa soro keɓe tɔ, ka ruu ɓɔɔ, jaa soro keɓe ɓi zang ɓɔɔ palɛ vuu shi kpang ɓɛɛ.”

Yɔhana 8:33

Ri kasɛ wu nyaa nɛɛ, “Ruu ɓuru zɔ̃ng Ibirayi, ruu nwàng jaafoo zang ɓɔɔ, ɓuru gngn kpang. Mɔɔ kɔɔ biya nɛɛ zang yaa ruu naa katɔ viya?”

Yɔhana 8:37

N zi tɔ nɔɔ manɛ zɔ̃ng Ibirayi. A ka ruu vi nɔɔ kãa gbalang nɛɛ nɔɔ nyɔ m vɔrɔ viya? Ka ruu ɓɔɔ, nɔɔ ta ruu mɛɛ ka yeti manɛ kpang ɓɛɛ.

Yɔhana 8:53

Mɔɔ ɓa dabang ɓuru Ibirayi ɓɔɔ vɔ ɓɛɛ, ɓu kaa tɔ ya? Rɛɛ zang nyaa shonang Laa, ri ti vɔlɔ jong. Mɔɔ ɓaa ɓu ka wiya?”

Zang Shonang Yeesɔ 13:26

“Rɛɛ manzung zɔ̃ng Ibirayi, nɛɛ rɛɛ zang ɓɔɔ nɔɔ zi Laa kpang, ɓɔɔ nɔɔ kaa vɔrɔ Laa kaa tɔ ɓɛɛ, zang shong rùu kɔ nyaa nɛɛ ruu, ɓɔɔ ta yuu ɓuru keɓe.

Zang Shonang Yeesɔ 15:14

Wee Siman kɔ̀ɔ́ ruu doo naa ɓee, naa ɓɔɔ Laa gaayu kasɛ zang ɓɔɔ ri zang Isirela kpang, a zɔ̃ngkɔ zang ɓɔɔ ka teteng ɓarɛ nɛɛ ri nwang zang ɓiɓɛ tɔ.

Rooma 4:1

Ruu kɔɔ ɓu kaa vi ka yuu Ibirayi dabang rɛɛ dabang ɓuru viya?