Matiyu 3:7 - Nyaa Shɔɔ Ɓɔɔ Laa a Ɓɛɛ

⁷ Ɓu doo ɓɔɔ Yɔhana zi zang Farisi nɛɛ zang Saduki, ɓɔɔ ri alɛ̀ gaagaa nɛɛ wu naa pàlɛ̀ ri batizima hn ɓɛɛ, hɛ̃ɛ ri nɛɛ, “Rɛɛ pudi keɓe, ɓu wi kɔɔ nɔɔ nɛɛ nɔ́ɔ yúu jĩng dannang ɓɔ̀ɔ́ Kpanti Laa ɓɔɔ a kana naabm wiya?

Matiyu 3:7 Σταυροειδείς Αναφορές

Matiyu 12:24

Ɓɔɔ zang Farisi ri tãa naa weɓe, ri tɔɔ ɓarɛ nɛɛ “Yeesɔ nwangsɛ suru shi kpang ɓi nɛɛ, naa ɓɔɔ Bahazabu Kpanti suru shi kpang a wu ɓɛɛ.”

Matiyu 12:34

Nɔkɔ shi kpang naa sɔkɔ pudi ɓi, nɔɔ palɛ biya, yee manɛ wu nwang ɓi kaa tɔ̃ɔ viya? Shɔnzang kɔɔ ɓi doo ruu ɓɔɔ ka yeti ɓiɓɛ kɔ.

Matiyu 15:12

A zang ɓɔɔ ri mantɛ vuu ka bii ɓiɓɛ arɛ naa hɛ̃ɛ wu tɔɔ, “Mɔɔ zi ɓu tɔ nɛɛ, ɓɔɔ zang Farisi ri tãa ruu kaɓa, yeti ɓarɛ lasɛ katɔ ya?”

Matiyu 16:1

Zang Farisi nɛɛ Saduki, ri arɛ nɛɛ ri naa gãsɛ Yeesɔ. Ri kɔɔ Yeesɔ tɔɔ, “Tusu ruu vuu ɓɔɔ zang zirɛ zang mã naa ka danggn ɓɔɔ ruu zi kagn nɛɛ mɔɔ a nɛɛ bii Laa ɓɛɛ.”

Matiyu 16:6

A Yeesɔ kɔɔ ri tɔɔ, “Nɔɔ shing danggn kagn, nɔɔ gãng jĩng ka yisi, vuu ɓɔɔ puu zũng ɓɔɔ zang palɛ borodi nɛɛ mani, ɓɔ̀ɔ́ zang Farisi nɛɛ ɓɔ̀ɔ́ zang Saduki ning.”

Matiyu 22:15

A zang Farisi ri daa tɔ̀ng zɔɔ ka naa ɓɔɔ ri yi wu ka yee ɓɔɔ wu rang ɓɛɛ.

Matiyu 22:23

Ka diki kaɓa, zang Saduki ɓɔɔ ri tɔɔ ɓarɛ nɛɛ zang nɛɛ vɔ tɔ, zang seepaa ɓi tɔ̀ɔ́ nɛɛ saa kpang, ri a ka bii ɓiɓɛ. A ri hɛ̃ɛ wu tɔɔ,

Matiyu 22:34

Ɓu doo ɓɔɔ zang Farisi ri tãayi nɛɛ Yeesɔ yée zang Saduki yuu tɔ nɛɛ yee ɓɔɔ wu rang ɓɛɛ, a ri kpalɛ zɔɔ ka nɔng gbete.

Matiyu 23:33

“Sɔkɔ keɓe, nɔkɔ wujɛ sɔkɔ pudi ɓi. Nɔɔ naa wɔ daanang ka yeti waa bang ɓu kaa biya?

Matiyu 5:20

N kɔɔ nɔɔ naa tɔ̃ɔ manɛ ɓá ɓɔ̀ɔ́ zang ɓɔɔ ri tusu zang labeenang nɛɛ ɓɔ̀ɔ́ zang Farisi kpang, nɔɔ naa daa manɛ ka nɔng ɓɔɔ Laa naa roo kpanti kpang tingkiring.”

Maraku 12:13

A ri shong zang Farisi nɛɛ zang ɓɔɔ ri dũng knti kpanti Hiridu, nɛɛ ri daa yi wu ka yee ɓɔɔ wu rang ɓɛɛ.

Maraku 12:18

A zang Saduki ɓɔɔ ri tɔɔ zang nɛɛ vɔ tɔ Laa naa wisi zang paa ɓi tɔɔ nɛɛ sàa kpang, arɛ naa hɛ̃ɛ wu ruu.

Maraku 8:15

Ri daa kana, a Yeesɔ gaa tɔɔsung ɓɔɔ wu shaarɛ ri nyaa ɓɛɛ kati, kɔɔ ri tɔɔ, “Nɔɔ shing danggn kagn, nɔɔ gãng jĩng ka yisi ɓɔɔ zang Farisi nɛɛ ɓɔɔ Hiridu ning.”

Luka 16:14

Zang Farisi ɓɔɔ ri tãa vuu ɓɔɔ Yeesɔ kɔɔrɔ nandon naa weɓe, ri ɓàa wu zaa ka bii, ka ruu ɓɔɔ, ri kasɛ saka dɔɔli ɓɛɛ.

Luka 18:11

Yɔɔ Farisi seepaa gaa Laa, a kɔɔ ruu bang bang ka yuu ɓiɓɛ tɔɔ, ‘Laa n zãa mɔɔ tɔ, ka ruu ɓɔɔ, n nwang m naa zang ɓɔɔ nimbang ɓɔɔ ri ta zang vuu nɛɛ ɓangge, nɛɛ zang ɓɔɔ ri palɛ vuu shi kpang, nɛɛ zang dũndũng kpang. N m ti naa zang ɓɔɔ ta saka tipi kaɓa kpang ɓɛɛ.

Luka 7:30

A zang Farisi nɛɛ zang ɓɔɔ ri zi labeenang Laa dɔɔli, ri bɛ̃ɛ vuu ɓɔɔ Laa kasɛ nɛɛ ri palɛ ɓɛɛ tɔ nɛɛ Yɔhana wu pàlɛ̀ ri batizima kpang.

Yɔhana 1:24

Zang ɓɔɔ rɛɛ zang Farisi shong ri ɓɛɛ,

Yɔhana 8:44

Nɔɔ manɛ wujɛ daa manɛ sheetang, a nɔɔ ti kasɛ manɛ nɛɛ nɔ́ɔ palɛ vuu ɓɔɔ daa manɛ kasɛ ɓɛɛ. Daa manɛ nyɔ̀kɔ̀ zang vɔrɔ ɓi doo ka tĩng. Ruu ɓiɓɛ hãa ɓi kagn nɛɛ ruu ɓɔɔ niizang kpang. Ka ruu ɓɔɔ, niizang ɓi kagn yeti ɓiɓɛ kpang ɓɛɛ. Náa suu sèé, palɛ ɓi vuu ɓɔɔ ka yeti ɓiɓɛ kɔ nwani, ka ruu ɓɔɔ ɓi zang sèé, a sèé ti nwàng ɓi nɛɛ bìí ɓiɓɛ kɔ nwani ɓɛɛ.

Yɔhana 9:40

Ɓɔɔ rɛɛ zang Farisi ɓɔɔ ri nɛɛ wu, ri tãa naa weɓe, ri hɛ̃ɛ wu nɛɛ, “Wee jĩng ɓuru zuu ɓu kaa tɔ jong ya?”

Zang Shonang Yeesɔ 15:5

A zang ɓɔɔ ri shing danggn tɔ, ɓɔɔ ri ɓarɛ ka vaa zang Farisi ɓɛɛ, ri yupaa ri kɔɔyi tɔɔ, “Zang ɓɔɔ ri zang Isirela kpang ɓɔɔ ri shing danggn tɔ, ri yée shaa katɔ. Zang ti kɔɔ ri nɛɛ ri dũng nyaa ɓɔɔ Musa dang ɓɛɛ.”

Zang Shonang Yeesɔ 20:31

Nɔɔ gãng jĩng kagn, danggn wu ning nɔɔ naa ɓɔɔ ka saa taati, n yaa ɓɔɔ n mangkɛ zang ɓu kpang. N mangkɛ nɔɔ nɛɛ zĩi nɛɛ laagɛ̃ piti, nɛɛ miiri ka jĩng mɛɛ ɓɛɛ.

Zang Shonang Yeesɔ 26:5

Naa ri tɔɔ ri kɔɔ ruu tɔ̃ɔ kɔ nwani, ri zi tɔ nɛɛ ɓɔɔ tĩng shɔɔnang n m zang Farisi, vàá zang ɓɔɔ ɓa rɛɛ vaa zang piti ɓɔɔ ka teteng zang ɓuru ka jĩng ɓɔɔ ri shing ka gbalang Laa dũnnang ɓuru gbãng gbãng ɓɛɛ.

Zang Shonang Yeesɔ 5:17

Kpanti zang ɓɔɔ ri dɔɔ vuu ka Gãa Laa, nɛɛ rɛɛ zang ɓɔɔ ri nɛɛ wu ɓɛɛ nandon, ɓɔɔ ri ɓarɛ zang Saduki ɓɛɛ, ri kaa sũnyaa, a gnvɔ shaa ri dɔɔli.

Rooma 1:18

Gnvɔ Laa tusu bii tɔ nɛɛ lapa, ka yuu zang piti ɓɔɔ ri palɛ vuu shi kpang, nɛɛ zang ɓɔɔ yeti ɓarɛ shi kpang, ɓɔɔ ri kasɛ nɛɛ zang zi vuu ɓɔɔ niizang ka yuu Laa kpang, nɛɛ yeti shi kpang ɓarɛ ɓɛɛ.

Rooma 5:9

Ka ruu zĩi ɓiɓɛ, ruu nwáng zang tɔ̃ɔ tɔ ka tĩng Laa. Vuu ɓɔɔ naa pàlɛ́ ruu ɓa weɓe katɔ, ta ruu ditɔ nɛɛ jĩng dannang ɓɔɔ Laa naa dang zang ɓɛɛ.

1 Tesalonika 1:10

A ri ti kɔ̀ɔ ruu nɛɛ nɔɔ gã Jaa ɓiɓɛ wu a nɛɛ lapa, Jaa ɓiɓɛ Yeesɔ ɓɔɔ wu wisi paa nɛɛ sàa ɓɛɛ, a naa tá yuu ɓuru ka laa ɓɔɔ Laa naa jɛ̃ɛ zang ɓɔɔ wu lasɛ yeti nɛɛ ri ka ruu vuu shi kpang ɓɔɔ ri palɛ ruu ɓɛɛ.

Yahudi 11:7

Danggn shinnang Nuhu kɔ shing wu, ɓaa shoo ka nyaa ɓɔɔ Laa shaarɛ wu ka yuu vuu ɓɔɔ naa a ka tĩng ɓɔɔ wu zi gn kpang ɓɛɛ. Ɓaa shoo ka nyaa Laa, a palɛ laana ɓɔɔ wu tá yuu zang ɓɔɔ ri ka gãa ɓiɓɛ ɓɛɛ. Túsú ka danggn ɓɔɔ wu shíng ɓɛɛ nɛɛ, zang koo keɓe ri palɛ ɓarɛ vuu shi kpang, a raa kaa zang ɓɔɔ Laa tɔɔ wu ɓi zang tɔ̃ɔ ɓɛɛ, ka ruu danggn ɓɔɔ wu shing ɓɛɛ.

Yahudi 6:18

Vuu keɓe ziti, vuu ɓɔɔ Laa tũng, nɛɛ nyaa ɓɔɔ wu a ɓɛɛ, ri kɔ̃sɔ kpang, a Laa ti suu sèé ka yuu ɓarɛ kpang. Ka ruu nɔngkɔ, rùu ɓɔɔ rùu yurɛ, ruu walɛ nɔng waanang, zang mã ruu danggn gbãng gbãng nɛɛ ruu yiti gn vuu ɓɔɔ zang shing ruu ka tĩng keɓe gbatagbata.

1 Yɔhana 3:10

Zang ɓɔɔ pálɛ̀ vuu tɔ̃ɔ kpang, ɓi zang Laa kpang. Zang ɓɔɔ ti kasɛ ruu ɓeezung kpang, ɓi doo zang Laa kpang kɔ. Wee naa ɓɔɔ ruu zi zang ɓɔɔ ri wujɛ Laa nɛɛ zang ɓɔɔ ri wujɛ sheetang kagn kɔ.