Matiyu 3:6 - Nyaa Shɔɔ Ɓɔɔ Laa a Ɓɛɛ

⁶ Ri kɔɔrɔ Laa vuu shi kpang ɓarɛ, a Yɔhana palɛ ri batizima ka mii rang Urudung.

Matiyu 3:6 Σταυροειδείς Αναφορές

Matiyu 3:11

“N pàlɛ́ nɔɔ batizima m nɛɛ mii, ka ruu yeti ɓɔɔ nɔɔ kɔ̃sɔ ɓɛɛ. Zang ɓɔɔ a ka knti mɛɛ, ɓá m bannang katɔ, n daa naa ɓɔɔ n tu koodoo ɓiɓɛ kpang. Wukɔ naa palɛ nɔɔ batizima nɛɛ Suru Laa nɛɛ waa.

Maraku 1:5

A zang dɔɔli nɛɛ tipi Yahudi nɛɛ zang ɓɔɔ ka Urushalima, ri daa ka bii ɓiɓɛ. Ri kɔɔrɔ Laa vuu shi kpang ɓarɛ, a Yɔhana palɛ ri batizima ka mii rang Urudung.

Luka 1:16

Wukɔ naa sɔɔrɔ zang Isirela dɔɔli ri naa dũng Kpanti Laa ɓarɛ.

Luka 3:16

A Yɔhana kasɛ ri nyaa nandon tɔɔ, “N pàlɛ́ nɔɔ batizima m nɛɛ mii, zang ɓɔɔ naa a ka knti mɛɛ, ɓa m bannang katɔ. N daa naa ɓɔɔ n kãlɛ soo koodoo ɓiɓɛ kpang. Wukɔ naa pàlɛ́ nɔɔ batizima nɛɛ Suru Laa nɛɛ waa.

Zang Shonang Yeesɔ 1:5

Ka ruu ɓɔɔ, Yɔhana pàlɛ̀ zang batizima nɛɛ mii. Diki bée takpang, zang pàlɛ́ nɔɔ batizima ditɔ nɛɛ Suru Laa.”

Zang Shonang Yeesɔ 11:16

A n kpàa danggn ruu ɓɔɔ Kpanti Yeesɔ kɔɔyi tɔɔ, ‘Yɔhana palɛ nɔɔ batizima ɓi nɛɛ mii, zang naa palɛ nɔɔ manɛ nɛɛ Suru Laa’ ɓɛɛ.

Zang Shonang Yeesɔ 19:18

Zang dɔɔli ka teteng zang ɓɔɔ ri shing danggn tɔ, ri álɛ́, ri kɔɔrɔ vuu shi kpang ɓɔɔ bɛ̀ɛ́ ri palɛ ɓɛɛ ka shoo zang piti.

Zang Shonang Yeesɔ 22:16

Mɔɔ gã ɓu kaa vi kãntang viya? Yupaa zang palɛ mɔɔ batizima, zang kɔsɔ mɔɔ vuu shi kpang ɓaaɓɛ, ka ruu ɓɔɔ, mɔɔ ɓàa nung ɓiɓɛ ɓɛɛ.’

1 Koranti 10:2

Ka ɓɔɔ ri ra ka dii sãmbong, a ri ti rarɛ ri ta waapo, zang palɛ ri batizima. Batizima kaɓa, tusu kati nɛɛ, ri ɓarɛ zang ɓɔɔ dũng Musa kɔ nandon.

Kolosi 2:12

Ka ruu ɓɔɔ, ka ɓɔɔ zang palɛ nɔɔ batizima, nwang naa ɓɔɔ zang gbãa nɔɔ katɔ nɛɛ Yeesɔ Kirisi ɓɛɛ. Kaa batizima kɔ nwàng naa ɓɔɔ zang ti wisi nɔɔ paa jong nɛɛ Yeesɔ, ka ruu danggn ɓɔɔ nɔɔ shing ka naa vuu palɛnang Laa ɓɔɔ wisi wu paa nɛɛ saa ɓɛɛ.

Yahudi 6:2

Nɛɛ vuu tusunang, ka yuu batizima, nɛɛ naa shinnang ka yuu zang, nɛɛ naa ɓɔɔ zang wisi zang paa nɛɛ sàa ɓɛɛ, nɛɛ ɓɔɔ ruu ɓɔɔ Laa naa jɛ̃ɛ zang, ka ɓɔɔ koo naa waa nyaa ɓɛɛ.

Yahudi 9:10

Rɛɛ vuu keɓe, ɓi ka yuu vuu shaanang nɛɛ vuu ɓoonang nɛɛ rɛɛ vuu sɔ̀ɔrɔ̀nang kɔ shɛ̃ɛning ka zɔ̃ng zɔ̃ng. Wee ɓi nyaa dannang ka ruu vuu ɓɔɔ zang palɛ ka bii biling kɔ shɛ̃ɛning, tɔ̀ɔ laa ɓɔɔ Laa naa kɔ̃sɔ vuu piti, wu a nɛɛ mani.

Yakubu 5:16

Ka ruu nɔngkɔ, nɔɔ kɔɔ zɔɔ vuu shi kpang manɛ katɔ, nɔ́ɔ gaa zɔɔ Laa, tɔɔ nɔ́ɔ valɛ. Laa gaanang zang ɓɔɔ ɓi zang tɔ̃ɔ ka tĩng Laa palɛ vuu bang bang dɔɔli.

1 Bituru 3:21

Mii kaɓa tùsú zang ɓi kaa batizima ɓɔɔ kãntang keɓe ta yuu manɛ ɓɛɛ. Batizima ɓɔɔ zang pàlɛ́ nɔɔ, sɔɔ nɔɔ manɛ bii rĩiti manɛ kpang, ɓi vuu ɓɔɔ ruu gaa Laa nɛɛ mani, nɛɛ wu kɔsɔ ruu vuu shi kpang nɛɛ yeti ɓuru ɓɛɛ. Laa ta yuu ɓuru ka ruu ɓɔɔ Yeesɔ Kirisi yupaa nɛɛ sàa ɓɛɛ.

1 Yɔhana 1:9

Ruu nɛɛ kasɛ nyaa tɔɔ nɛɛ, ruu pálɛ́ vuu shi kpang tɔ, Laa ta nyaa ɓiɓɛ ɓi kpang, palɛ vuu shi kpang ɓi kpang, yàá ruu gbalang vuu shi kpang ɓɔɔ ruu palɛ ɓee katɔ. Wu ti sɔɔ ruu vuu shi kpang ɓuru nandon.