Matiyu 3:2 - Nyaa Shɔɔ Ɓɔɔ Laa a Ɓɛɛ

² Kɔɔ zang tɔɔ, “Nɔɔ yaa vuu shi kpang manɛ ta, nɔ́ɔ kɔ̃sɔ yeti manɛ, ka ruu ɓɔɔ, kpanti roonang Laa a naabm tɔ ɓɛɛ.”

Matiyu 3:2 Σταυροειδείς Αναφορές

Matiyu 10:7

Nɔɔ nɛɛ daa kana, nɔɔ kɔɔ zang Ruu Laa nɛɛ, ‘Kpanti roonang Laa a naabm tɔ.’

Matiyu 11:20

A Yeesɔ gaa tɔɔsung zang gari ɓɔɔ wu palɛ shonang ɓɔɔ zang mã naa ka danggn dɔɔli mangkɛnang kati, ka ruu ɓɔɔ, ri kɔ̃sɔ yeti, ri yaa vuu shi kpang ɓarɛ kpang ɓɛɛ.

Matiyu 12:41

Ka diki ɓɔɔ Laa naa jɛ̃ɛ zang ruu, zang Ninivi ri naa kɔɔ zang koo jaknti keɓe ruu vuu shi kpang ɓarɛ ditɔ. Ka ruu ɓɔɔ, zang Ninivi ri yaa vuu shi kpang ɓarɛ, ri kɔ̃sɔ yeti ka diki ɓɔɔ Yunana rang ri yee Laa ɓɛɛ. N kɔ̀ɔ́ nɔɔ, zang ɓɔɔ ɓa Yunana katɔ, kagn nihn.

Matiyu 13:11

A kasɛ ri nyaa tɔɔ, “Laa a nɔkɔ náa ruu niizang ɓɔɔ zang waasɛ ka yuu kpanti ɓɔɔ Laa rooyi zinang tɔ, a zang a ri ɓarɛ kpang.

Matiyu 13:24

Yeesɔ rang ri yee nɛɛ nyaa vuu jeenang ɓɔɔgn tɔɔ, “Kpanti roonang Laa nwang naa zang ɓɔɔ ɓaa jĩng zee tɔ̃ɔ ka jaa ɓiɓɛ ɓɛɛ.

Matiyu 13:31

A ti rang ri nyaa vuu jeenang ɓɔɔgn tɔɔ, “Kpanti roonang Laa nwang naa, jĩng vuu ɓɔɔ zang ɓaa nɛɛ masita, ɓɔɔ zang jaa tuuyi daa ɓaa ka jaa ɓiɓɛ ɓɛɛ.

Matiyu 13:33

Yeesɔ ti rang ri nyaa vuu jeenang ɓɔɔgn tɔɔ, “Kpanti roonang Laa nwang naa vuu ɓɔɔ zang ɓaa nɛɛ yisi ɓɛɛ. Zang soro ya tɔkɔlɔng nwɛ̃ɛtɛ nɛɛ zũng ɓɔɔ zang palɛ borodi nɛɛ mani, waka bang bang taati, wu shingnɛ zũng wu puuyi ɓɛɛ.”

Matiyu 13:47

Yeesɔ ti rang nyaa vuu jeenang ɓɔɔgn tɔkn tɔɔ, “Kpanti roonang Laa nwang naa jang jaazĩi yinang ɓɔɔ zang vang ka mii waapo, raa jaazĩi ka zɔ̃ng zɔ̃ng ɓɛɛ.

Matiyu 13:52

Yeesɔ kɔɔ ri tɔɔ, “Ka ruu nɔngkɔ, zang piti ɓɔɔ zi labeenang Laa, a ti zi naa ɓɔɔ Laa naa roo kpanti, zang keɓe nwang naa zang gãa ɓɔɔ nwangsɛ vuu shɔɔ nɛɛ ɓɔɔ gbaala nɛɛ nɔng ɓɔɔ wu tɛ̃ɛ vuu ɓiɓɛ ɓɛɛ.”

Matiyu 18:23

Ka ruu ɓɔɔ, kpanti ɓɔɔ Laa rooyi, nwang naa yɔɔ kpanti ɓɔɔ tɔɔ wu zili saka ɓɔɔ wu alɛ zang shonang ɓiɓɛ nyaa kɔ́pɔ́ ɓɛɛ.

Matiyu 20:1

“Kpanti roonang Laa nwang naa yɔɔ jaa laa inabi ɓɔɔ nwang nɛɛ gãndi zãngzãng, nɛɛ wu daa kãa zang shonang ɓɔɔ ri naa palɛ wu shonang ka jaa ɓiɓɛ ɓɛɛ.

Matiyu 22:2

“Kpanti ɓɔɔ Laa rooyi nwang naa ruu yɔɔ Kpanti ɓɔɔ palɛ jaa ɓiɓɛ ɓɔɔ varɛ vuu shaanang kn sinyɛ ɓɛɛ.

Matiyu 23:13

“Vuu gn kɔnang kagn yuu manɛ zang ɓɔɔ tusu zang vuu nɛɛ zang Farisi, nɔɔ ɓɔɔ nɔɔ nwãarɛ zang nɛɛ vuu palɛnang ɓɛɛ. Ka ruu ɓɔɔ nɔɔ nɔ̀ɔ́ zang gbalang ɓɔɔ zang zi kagn nɛɛ Laa wukɔ Kpanti ɓɛɛ. Nɔɔ ta wu kpang, a nɔɔ ti yàa zang ɓɔɔ ri kasɛ wu tanang katɔ gbalang kpang ɓɛɛ.

Matiyu 25:1

“Ka diki kaɓa kpanti roonang Laa naa nwang naa ruu rɛɛ ja soo kopi ɓɔɔ ri daa kn sinyɛ shaanang ɓɛɛ. Ri yaka waa zàáng sɔɔ nɛɛ ri daa ɓee sinyɛ ɓeevɛ yuu.

Matiyu 25:14

“Kpanti roonang Laa, naa nwang naa ruu yɔɔ ɓɔɔ tɔɔ wu daa zanti, a ɓaa nyaa ka zang shonang ɓiɓɛ, yàa ri vuu naa ɓiɓɛ ɓɛɛ.

Matiyu 4:17

A Yeesɔ gaa tɔɔsung yee Laa rannang ka diki kaɓa kɔ. Kɔɔyi tɔɔ, “Nɔɔ yaa vuu shi kpang manɛ ta, nɔ́ɔ kɔ̃sɔ yeti manɛ, ka ruu ɓɔɔ, diki ɓɔɔ Laa roo kpanti kagn a naabm tɔ ɓɛɛ.”

Matiyu 4:23

Yeesɔ ra ka tipi Galili nandon, tùsú zang vuu ka gãa zɔɔ kpalɛnang zang Yahudi. Ti rang zang yee ka yuu ruu ɓɔɔ, Laa tùsú zang nɛɛ wukɔ kpanti ɓɛɛ. A ti masɛ zang ɓɔɔ kɔnang yiki ri ka zɔ̃ng zɔ̃ng nandon.

Matiyu 5:10

Tĩnang Tãanang ɓi ɓɔɔ zang ɓɔɔ zang dang ri jĩng, ka ruu ɓɔɔ, ri palɛ vuu tɔ̃ɔ ɓɔɔ Kpanti Laa kasɛ ɓɛɛ. Laa naa a rikɔ vuu tɔ̃ɔ ɓɔɔ wu a zang ɓɔɔ ri ta wu, nɛɛ wukɔ Kpanti ɓɛɛ.

Matiyu 5:3

“Tĩnang tãanang ɓi ɓɔɔ zang ɓɔɔ ri zi tɔ nɛɛ, vuu Suru Laa ɓi kagn naa ɓarɛ kpang, Laa naa a rikɔ vuu tɔ̃ɔ ɓɔɔ wu a zang ɓɔɔ ri ta wu, nɛɛ wukɔ kpanti ɓɛɛ.

Matiyu 6:10

Zang ri zirɛ, nɛɛ mɔkɔ kpanti. Zang ti palɛ vuu ɓɔɔ mɔɔ kasɛ ka koo keɓe, naa ɓɔɔ zang palɛ ka lapa ɓɛɛ.

Matiyu 6:33

Vuu ɓɔɔ ɓa weɓe, nɔɔ kãa gbalang ɓɔɔ nɔɔ zirɛ nɛɛ Laa wukɔ Kpanti, nɔɔ ti palɛ vuu ɓɔɔ wu kasɛ ɓɛɛ ka gbongkarɛ, gisi nɔɔ vuu keɓe ditɔ jong nandon.

Maraku 1:15

“Diki a tɔ, diki ɓɔɔ Laa roo Kpanti yaa kaa naabm. Nɔɔ kɔ̃sɔ yeti manɛ ta, nɔ́ɔ shing danggn ka Ruu Tɔ̃ɔ Laa.”

Maraku 1:4

A Yɔhana naa nwáng nyaa palɛ zang batizima ka waala. Kɔɔ zang Ruu Laa nɛɛ, “Nɔɔ yaa vuu shi kpang manɛ ta, nɔ́ɔ kɔ̃sɔ yeti, tɔɔ n palɛ nɔɔ batizima. Laa wu yaa nɔɔ gbalang vuu shi kpang manɛ kati.”

Maraku 6:12

A ri daa rang zang yee Laa kati. Ri kɔɔ zang tɔ́ɔ, zang ri yaa vuu shi kpang ɓarɛ ta, ri kɔ̃sɔ yeti ɓarɛ.

Luka 1:16

Wukɔ naa sɔɔrɔ zang Isirela dɔɔli ri naa dũng Kpanti Laa ɓarɛ.

Luka 11:20

N nɛɛ nwangsɛ suru shi kpang nɛɛ naa Laa, Kpanti ɓɔɔ Laa rooyi, a tɔ ka teteng manɛ.

Luka 13:3

N kɔ̀ɔ́ nɔɔ, wu nɔngkɔ kpang, naa nɔɔ kɔ̃sɔ yeti, nɔɔ yaa vuu shi kpang manɛ kpang, nɔɔ naa vɔ̀lɔ́ doo nɔngkɔ nandon.

Luka 13:5

N kɔ̀ɔ́ nɔɔ, wu nɔngkɔ kpang, naa nɔɔ kɔ̃sɔ yeti, nɔɔ yaa vuu shi kpang manɛ kpang nɔɔ naa vɔlɔ doo nɔngkɔ nandon.”

Luka 15:10

A Yeesɔ naa hangsɛ nyaa kaa tɔɔ, ‘Zang nyaa shonang Laa ɓɔɔ ri ka lapa, ri tãa tĩnang doo nɔngkɔ, ka ruu zang gbete ɓɔɔ palɛ vuu shi kpang, ɓɔɔ yaa vuu shi kpang ɓiɓɛ a kɔ̃sɔ yeti ɓiɓɛ ɓɛɛ.’ ”

Luka 15:7

A Yeesɔ hangsɛ nyaa tɔɔ, ‘Zang Laa ɓɔɔ ka lapa tã̀á tĩnang doo nɔngkɔ, ka ruu zang gbete ɓɔɔ palɛ vuu shi kpang ɓɔɔ yaa vuu shi kpang ɓiɓɛ, a kɔ̃sɔ yeti ɓiɓɛ ɓɛɛ. Tĩnang tãanang kaɓa, ɓa ɓɔɔ zang tãa ka ruu zang laa dɛ̃ɛti tu kopi tu mandɛ̃ɛti ɓɔɔ ri tɔɔ ri palɛ vuu shi kpang ɓarɛ kpang ɓɛɛ katɔ.’

Luka 16:30

Yɔɔ ti kɔɔ tɔkn tɔɔ, ‘Kpang, dada Ibirayi, naa zang ɓɔɔ vɔ katɔ, yupaa nɛɛ sàa, daa ka bii ɓarɛ, ri yaa vuu shi kpang palɛnang katɔ, ri kɔ̃sɔ yeti ɓarɛ.’

Luka 21:31

Dòo nɔngkɔ, nɔɔ nɛɛ zi vuu keɓe nɛɛ gaayu palɛnang nɛɛ, nɔɔ zi kati, nɛɛ diki ɓɔɔ Laa naa roo Kpanti kagn a naabm tɔ.

Luka 24:47

Zang kɔɔ zang koo piti Ruu Laa, nɛɛ nung ɓiɓɛ kɔ, nɛɛ zang yaa vuu shi kpang, ri kɔ̃sɔ yeti ɓarɛ, tɔ̀ɔ, Laa wu yaa ri gbalang vuu shi kpang ɓarɛ. Zang naa gaayu nɛɛ Urushalima.

Luka 6:20

Yeesɔ tuu jĩng pɛ̃ɛrɛ zang ɓɔɔ ri mantɛ vuu ka bii ɓiɓɛ, a kɔɔ ri nɛɛ: “Tĩnang tãanang ɓi ɓɔɔ manɛ, ɓɔɔ vuu ka naa manɛ kpang ɓɛɛ. Ka ruu ɓɔɔ, Laa naa a nɔkɔ vuu tɔ̃ɔ ɓɔɔ wu a zang ɓɔɔ ri ta wu nɛɛ wukɔ Kpanti ɓɛɛ.

Luka 9:2

A shong ri nɛɛ ri dita ri daa rang zang yee Kpanti roonang Laa nɛɛ ri ti masɛ zang kɔnang.

Zang Shonang Yeesɔ 11:18

Ka ɓɔɔ ri tãa vuu keɓe, ri rangkɛ rɛɛ Bituru takpang, ri dɔɔ kaa Laa, ri kɔɔyi nɛɛ, “Nɛɛ nɔngkɔ, Laa a rɛɛ zang ɓɔɔ ri zang Isirela kpang gbalang tɔ jong nɛɛ ri kɔ̃sɔ yeti ɓarɛ, tɔ̀ɔ, ri vɔ kaa takpang.”

Zang Shonang Yeesɔ 17:30

Rɛɛ sáa ɓɔɔ bɛ̀ɛ́ nɔɔ zi vuu ɓɔɔ kagn kpang, Laa gã̀ ɓi takpang. Ɓɔɔ kãntang keɓe, Laa dang zang nyaa ka niya nandon, nɛɛ ri kɔ̃sɔ yeti ɓarɛ.

Zang Shonang Yeesɔ 2:38

Bituru kɔɔ ri tɔɔ, “Zang ɓu wu yaa vuu shi kpang ɓɔɔ wu palɛ ɓɛɛ ta, zang palɛ nɔɔ batizima nɛɛ nung Yeesɔ Kirisi, tɔ̀ɔ, Laa wu yaa nɔɔ gbalang vuu shi kpang manɛ ɓɔɔ dɔɔli ɓɛɛ kati. Tɔ̀ɔ, Laa wu a nɔɔ Suru ɓiɓɛ kati.

Zang Shonang Yeesɔ 20:21

N shaarɛ rɛɛ zang Yahudi nɛɛ zang ɓɔɔ ri zang Isirela kpang nyaa nandon, n tɔɔ ri yaa vuu shi kpang ɓɔɔ ri palɛ ɓɛɛ. Ri kɔ̃sɔ yeti ɓarɛ, ri a ka bii Laa. Ri shing danggn kaa bii Kpanti ɓuru Yeesɔ.

Zang Shonang Yeesɔ 26:20

Ɓɔɔ tĩng shɔɔnang n kɔɔ zang Ruu Laa ka Damasiku, a n ti daa kɔɔ ka Urushalima, a n ti riki tipi Yahudi nandon. N ti kɔɔ rɛɛ zang ɓɔɔ ri zang Isirela kpang jong n tɔɔ ri yaa vuu shi kpang ɓɔɔ ri palɛ ɓɛɛ, ri a ka bii Laa. Ri ti pálɛ́ vuu ɓɔɔ zang zi kagn nɛɛ ri yaa vuu shi kpang ɓɔɔ ri palɛ ɓɛɛ tɔ ɓɛɛ.

Zang Shonang Yeesɔ 3:19

Ka ruu nɔngkɔ, nɔɔ kɔ̃sɔ yeti manɛ ta, nɔɔ gbãayu kaa bii Laa, tɔ̀ɔ, wu yaa nɔɔ gbalang vuu shi kpang manɛ kati.

2 Koranti 7:10

Ka ruu ɓɔɔ, yeti lasɛnang ɓɔɔ ɓi ka naa ɓɔɔ Laa kasɛ, shing zang, zang gbãayu ka bìí Laa, tɔ̀ɔ, Laa wu ta yuu zang kati. Zang ɓɔɔ lasɛ yeti kagn ka yuu vuu keɓe kpang. A yeti lasɛnang ɓɔɔ ɓi shɔnzang shingnɛ waati, shingnɛ zang vɔ vɔrɔ suru.

Kolosi 1:13

Tà yuu ɓuru nɛɛ nɔng ɓɔɔ tɔ̀ɔ katɔ ɓɛɛ, atɛ ruu ka nɔng ɓɔɔ Jaa ɓiɓɛ ɓɔɔ wu kasɛ dɔɔli, roo kpanti ɓɛɛ.

2 Timoti 2:25

Wu kɔsɔ zang ɓɔɔ ri bɛ̃ɛ wu nɛɛ gnvɔ ning kpang. Naa Laa nɛɛ kasɛ, ri naa walɛ gbalang ɓɔɔ ri kɔ̃sɔ yeti, ri árɛ̀, ri zi ruu ɓɔɔ niizang katɔ ɓɛɛ.

Yahudi 6:1

Ka ruu nɔngkɔ, ruu ɓa nɔɔ vuu tĩng shɔɔnang ɓɔɔ zang tusu ruu ka yuu Kirisi ɓɛɛ, ruu kpɛ̃ɛrɛ kaa vuu ɓɔɔ kpãa katɔ ɓɛɛ, tɔ̀ɔ, ruu zũng danggn kati. Ruu gàa nɔɔ yuu tusunang tɔkn nɛɛ, zang ri kɔ̃sɔ yeti, zang yaa vuu shi kpang palɛnang ɓɔɔ raa zang vɔrɔ, zang ri shing danggn ka bii Laa ɓɛɛ kpang.

2 Bituru 3:9

Zang ɓɔɔ ri kɔɔyi nɛɛ Laa sùu zang kãng dɔɔli, pálɛ̀ vuu ɓɔɔ wu kɔɔyi nɛɛ wu palɛ ɓɛɛ kpang. Ɓi nɔngkɔ kpang, Laa mã ɓi danggn kɔ jong nɛɛ nɔɔ. Laa yaa zang ɓi gbalang nɛɛ, wu yaa vuu shi kpang ɓɔɔ wu palɛ ɓɛɛ. Kasɛ kpang nɛɛ zang ɓɔɔ wu shaarɛ kpang, kasɛ nɛɛ zang piti ri kɔ̃sɔ yeti, ri yaa vuu shi kpang ɓɔɔ ri palɛ ɓɛɛ.

Vuu ɓɔɔ zang nwangsɛ Yɔhana 2:21

N yaa wu gbalang wu kɔ̃sɔ yeti ɓiɓɛ, a bɛ̃ɛ yeti kɔ̃sɔnang, wu yaa dũndũng palɛnang.

Vuu ɓɔɔ zang nwangsɛ Yɔhana 2:5

Ka ruu nɔngkɔ, nɔɔ kpaa danggn zɔ̃ng nwannang ɓɔɔ nɔɔ nwang ka tĩng ɓɛɛ ta, nɔɔ kɔ̃sɔ yeti, nɔɔ gaayu vuu ɓɔɔ nɔɔ pálɛ́ ka tĩng ɓɛɛ palɛnang tɔkn. Naa nɔɔ kɔ̃sɔ yeti nɔɔ yaa vuu shi kpang ɓɔɔ nɔɔ palɛ keɓe kpang, n a ditɔ ka bii manɛ. N naa tuu vuu ɓɔɔ nɔɔ shĩili waa zàáng sɔɔ manɛ kagn ɓɛɛ, n daa nɛɛ mani.