Matiyu 28:6 - Nyaa Shɔɔ Ɓɔɔ Laa a Ɓɛɛ

⁶ Tɔ̀ɔ́ nɔng kpang, seepaa tɔ naa ɓɔɔ wu kɔɔ ɓɛɛ. Nɔɔ a ta, nɔɔ zi nɔng ɓɔɔ bɛ̀ɛ́ roo kagn ɓɛɛ.

Matiyu 28:6 Σταυροειδείς Αναφορές

Matiyu 12:40

Naa ɓɔɔ Yunana nwang ka yeti jaazĩi nɛɛ laagɛ̃ nɛɛ zĩi diki taati ɓɛɛ. Jaa Shɔnzang naa nwáng doo nɔngkɔ ka tipi dii, nɛɛ laagɛ̃, nɛɛ zĩi diki taati.

Matiyu 16:21

Yeesɔ gàa zang ɓɔɔ ri mantɛ vuu ka bii ɓiɓɛ tɔɔsung yee rannang ka diki kaɓa, nɛɛ wu daa Urushalima ditɔ. Wu daa dang jĩng ditɔ gbãng gbãng, ka naa zang bang gãa Laa, nɛɛ rɛɛ Kpanti zang ɓɔɔ ri dɔɔ Laa vuu, nɛɛ zang ɓɔɔ ri tusu zang vuu ɓɛɛ. Ri naa nyɔ wu vɔrɔ kati. A Laa naa wisi wu paa ka lee ɓɔɔ diki daa taati ɓɛɛ.

Matiyu 17:23

Ri naa nyɔ m vɔrɔ. Laa naa wisi m paa ka lee ɓɔɔ diki daa taati ɓɛɛ.” Ɓɔɔ zang ɓɔɔ ri mantɛ vuu ka bii Yeesɔ ri tãa naa weɓe, yeti ɓarɛ lasɛ dɔɔli.

Matiyu 17:9

Ri shooro doo naa nɛɛ kɔpɔ, Yeesɔ shaarɛ ri nyaa nɛɛ, “Nɔ́ɔ kɔɔ zang ɓɔɔ vuu kɔ nɔɔ zi ɓee kpang, Kpanti Laa wu wisi Jaa Shɔnzang paa nɛɛ vɔrɔ ka gbongkarɛ.”

Matiyu 20:19

Tɔ̀ɔ, ri naa tuu m, ri a zang ɓɔɔ ri dũng Laa kpang, nɛɛ tɔ̀ɔ ri kpaa m, ri nyɔ m nɛɛ gbãa, tɔ̀ɔ ri daa ɓaa m naa ka laa. A Kpanti Laa naa wisi m paa ka lee ɓɔɔ diki daa taati ɓɛɛ.”

Matiyu 27:63

Ri kɔɔ wu tɔɔ, “Kpanti, ruu kpaa danggn ruu ɓɔɔ yɔɔ sèé kaɓa kɔɔ ka diki ɓɔɔ wu doo ningkãari tɔ. Kɔɔyi tɔɔ, wu naa seepaa ditɔ nɛɛ saa, ka lee ɓɔɔ diki naa daa taati ɓɛɛ.

Maraku 16:6

A yɔɔ jasang kaɓa kɔɔ ri tɔɔ, “Nɔ́ɔ mã naa ka danggn kpang.” Nɔɔ kãa Yeesɔ yɔɔ Nazara ɓɔɔ zang ɓaa wu naa ka laa ɓɛɛ. Tɔ̀ɔ́ nɔng kpang, zang wisi wu paa tɔ. Nɔɔ pɛ̃ɛrɛ nɔng ɓɔɔ zang wɔɔ wu kagn ɓɛɛ.

Maraku 8:31

Yeesɔ gaa ri tɔɔsung vuu tusunang tɔɔ, “Ɓɔɔ n Jaa shɔnzang n naa dang jĩng ditɔ dɔɔli. Zang bang zang Yahudi, nɛɛ zang bang bang zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, ri naa bɛ̃ɛ m ditɔ. Zang naa nyɔ m vɔrɔ, Laa naa wisi m paa ka lee ɓɔɔ diki daa taati ɓɛɛ.”

Luka 24:12

A Bituru yupaa ɓiri, yurɛ daa ka nɔng yuu saa. Tangsɛ, a lengse jĩng ka yeti sàa. Zi fɔ̃ɔrɔ ɓɔɔ zang leng vɔrɔ nɔng kɔ shɛ̃ɛning. Gbãayu daa gãa, mã naa ka danggn, ka ruu vuu ɓɔɔ wu zi keɓe.

Luka 24:23

A ri ĩi vɔrɔ ɓiɓɛ ka yeti saa kpang. Ri gbãayu, ri kɔɔ ruu tɔɔ, ri zili zang nyaa shonang Laa ɓɔɔ ka lapa ɓɛɛ. Ri kɔɔ ri nɛɛ, Yeesɔ doo ningkãari.

Luka 24:44

A rang yee nɛɛ ri tɔɔ, “Wee yee mɛɛ ɓɔɔ n ràng nɔɔ bɛ̀ɛ́ n doo nɛɛ nɔɔ ning ɓɛɛ. N kɔɔ nɔɔ nɛɛ, vuu ɓɔɔ zang bee ka yuu mɛɛ ka yeti labeenang nyaa dannang Laa ɓɔɔ Musa, nɛɛ labeenang rɛɛ zang nyaa shonang Laa, a ɓɔɔ labeenang kpanti Dawuda ɓɔɔ zang ɓaa nɛɛ Zabura ɓɛɛ, nwang ditɔ niizang nandon.”

Yɔhana 10:17

“Daa kasɛ ruu mɛɛ, ka ruu ɓɔɔ, n kasɛ tɔ nɛɛ, n mãlɛ́ yuu mɛɛ ɓɛɛ. Tɔ̀ɔ, zang naa wisi m paa tɔkn.

Yɔhana 2:19

Yeesɔ kasɛ ri nyaa tɔɔ, “Nɔɔ jili Gãa Laa keɓe ta, n wisi paa tɔkn n hangsɛ nyaa ka diki taati.”

Zang Shonang Yeesɔ 2:24

Laa ta wu nɛɛ naa vɔrɔ, a wisi wu paa nɛɛ saa ka ruu ɓɔɔ, daa naa ɓɔɔ vɔrɔ yiti wu kpang ɓɛɛ.