Matiyu 27:2 - Nyaa Shɔɔ Ɓɔɔ Laa a Ɓɛɛ

² A ri mã wu, ri daa nɛɛ wu ka bii gɔmna Bilatu.

Matiyu 27:2 Σταυροειδείς Αναφορές

Matiyu 20:19

Tɔ̀ɔ, ri naa tuu m, ri a zang ɓɔɔ ri dũng Laa kpang, nɛɛ tɔ̀ɔ ri kpaa m, ri nyɔ m nɛɛ gbãa, tɔ̀ɔ ri daa ɓaa m naa ka laa. A Kpanti Laa naa wisi m paa ka lee ɓɔɔ diki daa taati ɓɛɛ.”

Matiyu 28:14

Gɔmna nɛɛ naa tãa ruu keɓe tɔ, ruu naa kɔɔ wu naa ɓɔɔ vuu bii palɛ ɓɛɛ ditɔ, ka ruu ɓɔɔ, nɔɔ nɛɛ naa dang jĩng ɓɛɛ.”

Luka 13:1

Ka diki kaɓa, zang ɓɔɔ ri kagn nɔng, ri kɔɔ Yeesɔ ruu zang Galili ɓɔɔ Bilatu shingnɛ, zang nyɔ ri vɔrɔ bɛ̀ɛ́ ri dɔɔ Laa vuu ɓɛɛ.

Luka 20:20

Ka ruu nɔngkɔ, ri kãa gbalang ɓɔɔ ri yi wu ɓɛɛ. Ri shongko zang ɓarɛ nɛɛ ri palɛ bii naa ri zang tɔ̃ɔ, ri tãa ruu ɓɔɔ Yeesɔ kɔɔ ɓɛɛ. Nɛɛ rang yee shi kpang tɔ, ri yi wu, ri a gɔmna ɓɔɔ zang Rooma shing ɓɛɛ.

Luka 23:1

Zang ɓɔɔ ri kpalɛ yuu, ri yupaa nandon, ri atɛ Yeesɔ ka bii Gɔmna Bilatu.

Luka 23:12

Hiridu nɛɛ Bilatu ri gaayu wusang yinang ka diki keɓe. Bɛɛ ri shing jĩng nɛɛ zɔɔ kpang.

Luka 3:1

Laa rang yee nɛɛ Yɔhana jaa Zakariya ka jĩngti, ka diki ɓɔɔ bɛ̀ɛ́ Pontu Bilatu kɔ gɔmna tipi Yahudi ɓɛɛ. Hiridu ɓi kaa gɔmna tipi Galili, a jaa daa ɓiɓɛ Filibu ɓi gɔmna tipi Ituriya nɛɛ tipi Tirakoniti. Lisaniya ɓi gɔmna tipi Abileni. Ka diki kaɓa, rɛɛ Anas nɛɛ Kayifa rikɔ kpanti zang ɓɔɔ ri dɔɔ vuu ka Gãa Laa ɓɛɛ. Ka diki kaɓa, Kayisa Taberiyu wukɔ zang bang rɛɛ tipi keɓe nɛɛ tipi Rooma nandon, daa saa kopi tu maani.

Yɔhana 18:12

A rɛɛ sɔɔja zang Rooma nɛɛ zang bang ɓarɛ, a ɓɔɔ rɛɛ zang ɓɔɔ ri gã Gãa Laa ɓɛɛ, ri yi Yeesɔ. Ri mã wu.

Yɔhana 18:24

A Anas dɔ̃ wu kaa dòo naa ɓɔɔ zang mã wu ɓɛɛ, ka bii Kayifa ɓɔɔ wukɔ kpanti zang ɓɔɔ ri dɔɔ vuu ka Gãa Laa ɓɛɛ.

Yɔhana 18:28

Nɛɛ gãndi zang zang, zang nwangsɛ Yeesɔ nɛɛ gãa Kayifa, zang daa nɛɛ wu ka gãa gɔmna. Zang Yahudi ri daa yeti gãa kpang, ka ruu ɓɔɔ, ri kasɛ nɛɛ ri palɛ vuu ɓɔɔ nyaa dannang ɓarɛ zãa ri palɛnang katɔ kpang, tɔɔ ri naa shaa vuu shaanang nyaalaa ɓɔɔ zang kpaa danggn diki ɓɔɔ Laa tɛɛ kagn kati.

Zang Shonang Yeesɔ 12:6

Nɛɛ zĩi ka diki ɓɔɔ nɔng nɛ́ɛ gãntɛ tɔ, Hiridu nwángsɛ̀ Bituru kaa jĩng zang piti ɓɛɛ, Bituru roo katɔ ka teteng zang ziti ɓɔɔ ri gã wu ɓɛɛ. Zang mã wu nɛɛ saka ziti. Zang ɓɔɔ ri gã sãa ɓɔɔ ri kagn ziti, ka nyaa gãa sãa nɛɛ biling.

Zang Shonang Yeesɔ 21:33

Zang bang sɔɔja bìí daa ka bii Bulu naabm a yi wu. Kɔɔ zang nɛɛ zang ri mã wu nɛɛ soo saka ziti. A hɛ̃ɛ zang nɛɛ, “Yɔɔ keɓe ɓu wiya, á palɛ zang viya?”

Zang Shonang Yeesɔ 22:25

Zang mã wu, zang tɔɔ zang nyɔ wu kaa tɔ, a Bulu hɛ̃ɛ zang bang sɔɔja ɓɔɔ shii ka nɔng naabm tɔɔ, “Nyaa daanang kasɛ tɔ nɛɛ nɔɔ nyɔ zang ɓɔɔ zang Rooma, nɔɔ ti dɔng wu ruu ka takpang ɓɛɛ ya?”

Zang Shonang Yeesɔ 22:29

Zang ɓɔɔ bɛ̀ɛ́ ri tɔɔ ri nyɔ Bulu, nɛɛ tɔ̀ɔ, wu kɔɔ ri vuu ɓɔɔ wu palɛ, ɓɔɔ ri tãa naa weɓe ri gɔ̃ɔ bii nɛɛ knti tantɛnang. Yɔɔ zang bang sɔɔja kaa vɔrɔ ka ɓɔɔ wu naa zirɛ nɛɛ Bulu ɓi zang Rooma ɓɛɛ, a wu ti mã wu nɛɛ soo saka ɓɛɛ.

Zang Shonang Yeesɔ 24:27

Saa naa ɓa tɔ ziti, a Borokiya Fesitu naa nwang kpanti ka nɔng Filiku. Filiku kasɛ nɛɛ zang Yahudi ri kasɛ ruu ɓiɓɛ, ka ruu nɔngkɔ, yaa Bulu ka sãa ka nɔngkɔ.

Zang Shonang Yeesɔ 28:20

N ɓaa nɔɔ nyaa ka ruu ɓiɓɛ kɔ n tɔɔ n rang yee nɛɛ nɔɔ. Ka ruu ɓɔɔ, zang mã m nɛɛ saka keɓe, ka ruu zang ɓɔɔ zang Isirela ri shing gn ka bii ɓiɓɛ kɔ ɓɛɛ.”

Zang Shonang Yeesɔ 3:13

Làá rɛɛ dabang ɓuru Ibirayi, nɛɛ Ishaaku, nɛɛ Yakubu kɔ a zang shonang ɓiɓɛ Yeesɔ bannang ɓɔɔ waa nyaa kpang ɓɛɛ. A nɔɔ a zang bang bang Yahudi wu nɛɛ zang nyɔ wu vɔrɔ. Nɔɔ bɛ̃ɛ wu ka tĩng kpanti Bilatu, ka ɓɔɔ Bilatu kɔ̀ɔ́yi tɔ nɛɛ wu yaa wu naa kaa tɔ ɓɛɛ.

Zang Shonang Yeesɔ 4:27

Kpanti Hiridu nɛɛ kpanti Pontu Bilatu, ri kpalɛ yuu niizang ka gari keɓe nɛɛ zang ɓɔɔ ri zang Yahudi kpang, nɛɛ rɛɛ zang Isirela ka yuu Yeesɔ, zang shonang ɓaaɓɛ ɓɔɔ shi kpang kagn bii ɓiɓɛ kpang ɓɛɛ. Wukɔ Kirisi, zang ɓɔɔ mɔɔ zɔ̃ng ɓɛɛ.

Zang Shonang Yeesɔ 9:2

a gaa wu nɛɛ wu bee wu labeenang ɓɔɔ wu daa a zang ka rɛɛ gãa zɔɔ kpalɛnang ɓɔɔ ka gari Damasiku ɓɛɛ. Wu nɛɛ daa ĩi zang ɓɔɔ ri dũng Gbalang keɓe kagn nɔng, zang varɛ nɛɛ zang soro, wu yiki ri, wu mãlɛ naa ɓarɛ, wu a nɛɛ ri ka gari Urushalima.

1 Timoti 6:13

Ka tĩng Laa ɓɔɔ a vuu piti suru bii ɓɛɛ, a ɓɔɔ ka tĩng Yeesɔ Kirisi ɓɔɔ kɔ̀ɔ ruu ka yuu danggn ɓɔɔ wu shingnɛ ka tĩng kpanti Pontu Bilatu ɓɛɛ, n kɔɔ mɔɔ,

2 Timoti 2:9

Ka ruu ɓɔɔ, n kɔɔrɔ zang Ruu Tɔ̃ɔ Laa, n dang jĩng, a zang ti mã m nɛɛ saka, mɔɔ kɔɔ nɛɛ ǹ zang ɓɔɔ palɛ vuu shi kpang ɓɛɛ. A zang mã Ruu Laa bìí, ɓi kaa tɔ̀ɔ́ katɔ kpang.

Yahudi 13:3

Danggn zang ɓɔɔ zang mã ri ka sãa, wu ning nɔɔ kpang, nɔɔ nwang naa nɔɔ doo ka sãa kɔ nɛɛ ri. Danggn wu ti ning nɔɔ zang ɓɔɔ zang dang ri jĩng ɓɛɛ kpang, ka ruu ɓɔɔ, nɔɔ tá doo bii kɔ ɓɛɛ.