Matiyu 27:19 - Nyaa Shɔɔ Ɓɔɔ Laa a Ɓɛɛ

¹⁹ Bilatu nwang doo ka nɔng ruu jɛ̃ɛnang ɓiɓɛ, a ɓeeso shong wu nyaa tɔɔ, “Mɔɔ yi naa ka bii shɔnzang tɔ̃ɔ kiɓi kpang. N dang jĩng ka yeti rɔ̃kɔnang nɛɛ zĩi lɛɛkɔ ka ruu ɓiɓɛ dɔɔli.”

Matiyu 27:19 Σταυροειδείς Αναφορές

Matiyu 1:20

Ɓɔɔ wu rɛ̃rɛ doo ka naa ɓɛɛ, zang nyaa shonang Kpanti Laa ɓɔɔ ka lapa, naa a ka bìí ɓiɓɛ, a kɔɔ wu ka yeti rɔ̃kɔnang tɔɔ, “Yusufu jaa zɔ̃ng Dawuda, mɔ́ɔ káa vɔrɔ soro ɓaaɓɛ Marayamu shinnang kpang. Jaa kɔ wu tuu ka yeti ɓee, a ɓi nɛɛ bìí Suru Laa.

Matiyu 2:19

Hiridu naa vɔ tɔ, a zang nyaa shonang Kpanti Laa ɓɔɔ ka lapa naa nwang nyaa kaa Yusufu tɔkn, ka yeti rɔ̃kɔnang ka Masara,

Matiyu 2:22

Ɓɔɔ Yusufu naa tãa nyaa tɔɔ, Akeliyu jaa Hiridu kɔ roo kpanti ka nyaa tipi Yahudi ka nɔng diiɓɛ, a kaa vɔrɔ Yahudi daanang kati. Kpanti Laa ti naa kɔɔ wu ka yeti rɔ̃kɔnang, nɛɛ wu daa ka tipi Galili.

Matiyu 27:18

Bilatu hɛ̃ɛ ri ruu keɓe, ka ruu ɓɔɔ zi ɓi tɔ ka yeti ɓiɓɛ nɛɛ zang ɓɔɔ ri dɔɔ vuu ka Gãa Laa, ri atɛ wu Yeesɔ ɓi ka ruu sũnyaa kaanang ɓarɛ ɓɛɛ.

Matiyu 27:24

Ɓu doo ɓɔɔ Bilatu zirɛ, nɛɛ zang kaɓa ri ɓa wu yuu katɔ, ri ti shii varɛ tɔ, tuu mii sɔɔ naa ɓiɓɛ nɔng ka jĩng ɓarɛ nandon. A kɔɔyi tɔɔ, “Naa mɛɛ ɓi kagn ruu zĩi yɔɔ keɓe kpang. Ɓi kaa ruu manɛ.”

Matiyu 27:4

A kɔɔ ri tɔɔ, “N pálɛ́ vuu shi kpang tɔ, ka ruu ɓɔɔ n nyɔ nɔɔ yuu shɔnzang tɔ̃ɔ ɓɔɔ tãa zang ruu kpang, nɛɛ nɔɔ nyɔ wu vɔrɔ ɓɛɛ.” A ri kasɛ wu nyaa tɔɔ, “Ruu ɓuru hãa ɓi tɔɔgn kpang, ɓi kaa ruu ɓaaɓɛ.”

Luka 23:41

Vɔrɔ ɓuru ɓi ti waasɛ̃, ka ruu ɓɔɔ, ruu vɔ ɓuru ka ruu vuu shi kpang ɓɔɔ ruu palɛ ɓɛɛ. Yɔɔ keɓe palɛ vuu shi kpang ɓɔɔ kagn kpang.”

Luka 23:47

Ɓɔɔ zang bang sɔɔja ɓɔɔ daa nɛɛ Yeesɔ zi naa weɓe, dɔɔ Laa tɔɔ, “Niizang yɔɔ keɓe, palɛ vuu shi kpang, kagn kpang.”

Yɔhana 19:13

Ɓɔɔ Bilatu tãa ruu keɓe, nwangsɛ Yeesɔ ka biling, a daa nwang ka yuu laa nwannang ɓɔɔ zang nwang kagn, zang jɛ̃̀ɛ́ zang ruu. Ka nɔng ɓɔɔ zang ɓaa nɛɛ “Nɔng ɓɔɔ zang wàa nɛɛ tari ɓɛɛ.” Nɛɛ nyaa Yahudi, zang ɓaa nɛɛ “Gabata.”

Zang Shonang Yeesɔ 12:21

Hiridu shìng zang keɓe diki. Ɓɔɔ diki ɓɔɔ wu shing ri naa arɛ, Hiridu hãa fɔ̃ɔrɔ kpanti ɓiɓɛ, a nwang ka yuu laa kpanti, a rang ri yee.

Zang Shonang Yeesɔ 18:12

Ka ɓɔɔ zang Rooma naa yi Gaaliyo gɔmna tipi Akaya, zang Yahudi ri kpalɛ zɔɔ, a ri yi Bulu ri daa nɛɛ wu ka nɔng ɓɔɔ zang jɛ̃ɛ zang ruu kagn ɓɛɛ.

Zang Shonang Yeesɔ 18:16

A hing ri nɛɛ yeti gãa ɓɔɔ zang jɛ̃ɛ ruu kagn ɓɛɛ.

Zang Shonang Yeesɔ 18:17

Ri yi Sɔtanɛ ɓɔɔ wukɔ zang bang gãa zɔɔ kpalɛnang, ri nyɔ wu nɛɛ gbãa ka tĩng gãa ruu jɛ̃ɛnang ka nɔngkɔ. Vuu bii ti kpãa Gaaliyo ɓi kpang tingkiring.

Zang Shonang Yeesɔ 25:10

Bulu kasɛ wu nyaa tɔɔ, “N shii ka tĩng rɛɛ zang ruu jɛ̃ɛnang Kayisa kɔ, wee ɓi nɔng ɓɔɔ zang nɛɛ jɛ̃ɛ m ruu kagn kɔ nwani. Mɔɔ zi tɔ n pàlɛ̀ rɛɛ zang Yahudi vuu shi kpang ɓɔɔ kagn kpang.

Zang Shonang Yeesɔ 25:17

“A ri naa arɛ ka nihn ka nyaa zɔɔ. N suukãng kpang, ɓɔɔ nɔng gãntɛ, n nwang ka nɔng ruu jɛ̃ɛnang, a n tɔɔ zang atɛ yɔɔ bìí.

Zang Shonang Yeesɔ 25:6

Fesitu nwang nɛɛ ri diki daa mantaati kɔ́ kopi katɔ, a daa Kayisariya kati. Nɔng naa gãntɛ tɔ, a nwang ka yeti nɔng ɓɔɔ zang jɛ̃ɛ ruu kagn ɓɛɛ, a kɔɔyi nɛɛ, zang atɛ wu Bulu.

1 Bituru 2:22

Yeesɔ Kirisi pálɛ́ vuu shi kpang ɓɔɔ kagn kpang tingkiring, sèé ti nwang gngn nɛɛ nyaa ɓiɓɛ kpang.

1 Yɔhana 2:1

Wujɛ mɛɛ, n bèé nɔɔ ruu keɓe, ka ruu ɓɔɔ, nɔɔ nɛ̀ɛ́ pàlɛ́ vuu shi kpang ɓɛɛ. Zang ɓɔɔ nɛɛ palɛ vuu shi kpang, wu zirɛ nɛɛ, zang ɓɔɔ rang ruu yee nɛɛ Daa ɓuru Laa kagn. Wukɔ Yeesɔ Kirisi ɓɔɔ zang tɔ̃ɔ ɓɛɛ.