Matiyu 26:53 - Nyaa Shɔɔ Ɓɔɔ Laa a Ɓɛɛ

⁵³ Mɔɔ zi kpang nɛɛ naa n gàa Daa mɛɛ, shong m zang nyaa shonang ɓiɓɛ ɓɔɔ ri ka lapa ɓɔɔ ɓa tìng kopi tu ziti katɔ tantɛnang kpang ya?

Matiyu 26:53 Σταυροειδείς Αναφορές

Matiyu 25:31

“Ka diki ɓɔɔ Jaa Shɔnzang naa a ka naa bannang ɓiɓɛ, nɛɛ zang nyaa shonang Laa ɓɔɔ ri ka lapa piti, naa nwang ka yuu laa nwannang Kpanti ɓiɓɛ.

Matiyu 4:11

A Sheetang daayi, yaa Yeesɔ kati. Zang nyaa shonang Kpanti Laa ɓɔɔ ka lapa ri arɛ, ri naa a wu vuu ɓɔɔ wu kasɛ ɓɛɛ.

Maraku 5:15

Ɓɔɔ ri a tɔ ka bii Yeesɔ, ri naa zi zang ɓɔɔ bɛ̀ɛ́ suru shi kpang ka bii ɓiɓɛ, nwang tɔ ka nɔngkɔ, hãa vuu tɔ ka bii, raa shɔnzang tɔ̃ɔ tɔ tɔkn. A ri kaa vɔrɔ.

Maraku 5:9

A Yeesɔ hɛ̃ɛ wu tɔɔ, “Zang ɓaa nung ɓaaɓɛ nɛɛ viya?” Kasɛ Yeesɔ nyaa tɔɔ, “Zang ɓaa nung mɛɛ nɛɛ Dɔɔli, ka ruu ɓɔɔ ruu dɔɔli ɓɛɛ.”

Luka 8:30

A Yeesɔ hɛ̃ɛ wu tɔɔ, “Zang ɓaa nung ɓaaɓɛ nɛɛ viya?” A kasɛ nyaa tɔɔ, “Zang ɓaa m nɛɛ ‘Dɔɔli.’ ” Kɔɔ nɔngkɔ ka ruu ɓɔɔ suru shi kpang kagn bii ɓiɓɛ dɔɔli ɓɛɛ.

Yɔhana 10:18

Zang ɓɔɔ nyɔ m vɔrɔ kagn gbete kpang. Nkɔ kàsɛ́ zang nyɔ m vɔrɔ, nkɔ ti kàsɛ́ n nwang ningkãari tɔkn. Wee vuu ɓɔɔ Daa mɛɛ kasɛ nɛɛ n palɛ ɓɛɛ kɔ.”

Yɔhana 18:36

Yeesɔ kɔɔyi tɔɔ, “Kpanti roonang mɛɛ nwáng ɓi nɛɛ koo keɓe kpang. Naa kpanti roonang mɛɛ nɛɛ ɓɔɔ koo keɓe, zang mɛɛ ri nɛɛ gáa nyaa kana. Zang nɛɛ á zang bang bang Yahudi n kpang. Kpanti roonang mɛɛ nwáng ɓi nɛɛ koo keɓe kpang.”

2 Tesalonika 1:7

Naa shing nɔɔ ɓɔɔ nɔɔ dang jĩng kãntang, nɔɔ ɔ̃sɔ, a ruu ti ɔ̃sɔ jong. Naa palɛ vuu keɓe ka diki ɓɔɔ Kpanti Yeesɔ naa nwang nyaa nɛɛ lapa nɛɛ rɛɛ zang nyaa shonang ɓiɓɛ ɓɔɔ ka lapa, ɓɔɔ naa vuu palɛnang ɓarɛ bang dɔɔli ɓɛɛ.

Yahuza 1:14

Ɛnɔk, zɔ̃ng Adamu ɓɔɔ daa kaa manziti ɓɛɛ, kɔ kɔɔ ruu keɓe ka yuu ɓarɛ tɔɔ, “Nɔɔ zirɛ, Kpanti Laa naa a ditɔ nɛɛ zang nyaa shonang ɓiɓɛ ɓɔɔ ri ka lapa ɓɛɛ labang gaagaa.