Matiyu 26:39 - Nyaa Shɔɔ Ɓɔɔ Laa a Ɓɛɛ

³⁹ Yeesɔ daa tɔ ka tĩng tɔkɔlɔng, a zuu kaa nɛɛ buru ka tipi, a gaa Kpanti Laa tɔɔ, “Daa mɛɛ, gbalang nɛɛ kagn, kɔsɔ m jĩng dannang keɓe katɔ. Palɛ vuu ɓɔɔ yeti ɓaaɓɛ kasɛ ɓɛɛ, wu vuu ɓɔɔ yeti mɛɛ kasɛ ɓɛɛ kpang.”

Matiyu 26:39 Σταυροειδείς Αναφορές

Matiyu 20:22

A Yeesɔ kɔɔ rɛɛ Yakubu nɛɛ Yɔhana tɔɔ, “Nɔɔ zi vuu ɓɔɔ nɔɔ gaa kpang. Nɔɔ naa zunung jĩng dannang katɔ jong naa ɓɔɔ n naa dang ɓɛɛ ya?” A ri kasɛ Yeesɔ nyaa tɔɔ, “Ruu zunung katɔ.”

Matiyu 24:24

Ka ruu ɓɔɔ, zang ɓɔɔ ri ɓaa yuu ɓarɛ nɛɛ Kirisi, nɛɛ zang ɓɔɔ ri suu sèé nɛɛ ri zang nyaa shonang Laa naa alɛ ditɔ, ri tusu vuu bang bang ɓɔɔ zang zirɛ, zang mã naa ka danggn, nɛɛ tɔɔ ri nwãarɛ zang kati. Naa ri zunung zang ɓɔɔ Laa shɛ̃ɛrɛ ri nwãarɛnang katɔ, ri nɛɛ nwáarɛ̀ ri katɔ.

Matiyu 26:42

A Yeesɔ ti paarɛ tɔkn, daa gaa Kpanti Laa tɔɔ, “Daa mɛɛ, mɔɔ nɛɛ tɔɔ jĩng dannang keɓe wu ɓa kpang, n dàng katɔ, wu ti nwang naa ɓɔɔ mɔɔ kasɛ ɓɛɛ.”

Maraku 13:22

Ka ruu ɓɔɔ, zang ɓɔɔ ri naa ɓaa yuu ɓarɛ nɛɛ Kirisi, nɛɛ zang ɓɔɔ ri naa suu sèé nɛɛ ri zang nyaa shonang Laa, naa alɛ ditɔ. Ri naa tusu vuu bang bang, ɓɔɔ zang zirɛ zang mã naa ka danggn, nɛɛ tɔ̀ɔ ri nwãarɛ zang kati. Naa ri nɛɛ zunung zang ɓɔɔ Laa shɛ̃ɛrɛ ri nwãarɛnang katɔ, ri nɛ̀ɛ́ nwãarɛ ri katɔ.

Luka 17:16

A naa tang ka tĩng Yeesɔ, a zãa wu. Yɔɔ keɓe ɓi zang tipi Samariya.

Yɔhana 11:41

Ka ruu nɔngkɔ, ri dɔ̃ tari ri yaa nɔng. A Yeesɔ tuu jĩng ka lapa kɔɔyi tɔɔ, “Daa mɛɛ, n zãa mɔɔ tɔ, ka ruu ɓɔɔ, mɔɔ tãa m tɔ ɓɛɛ.

Yɔhana 14:31

N kasɛ nɛɛ zang koo keɓe ri zirɛ nɛɛ n kasɛ ruu Daa katɔ, ka ruu nɔngkɔ, n palɛ vuu piti naa ɓɔɔ wu kɔɔ m nɛɛ n palɛ ɓɛɛ. Nɔɔ yupaa ta ruu daa nɔɔ.

Yɔhana 18:11

Yeesɔ kɔɔ Bituru nɛɛ, “Hãa yere bang ɓaaɓɛ ta ka kpãa ka nɔng, mɔɔ kɔ̀ɔ ɓu nɛɛ n tà jĩng dannang ɓɔɔ Daa mɛɛ nɛɛ n dàng ɓɛɛ kpang ya?”

Yɔhana 5:19

Yeesɔ kasɛ ri nyaa tɔɔ, “N kɔɔ nɔɔ ruu ɓɔɔ niizang kɔ nwani, Jaa zunung ɓɔɔ wu pálɛ̀ vuu ɓɔɔ nɛɛ yuu ɓiɓɛ kpang, pálɛ̀ ɓi vuu ɓɔɔ zi Daa ɓiɓɛ pálɛ̀ ɓɛɛ. Ka ruu ɓɔɔ, vuu ɓɔɔ Daa pálɛ̀ piti Jaa pálɛ̀ doo nɔngkɔ ɓɛɛ.

Yɔhana 5:30

“N palɛ vuu ɓɔɔ jong nɛɛ yuu mɛɛ kpang. N jɛ̃ɛ zang ruu m naa ɓɔɔ Laa kɔɔ m ɓɛɛ. N ti shɛ̃ɛrɛ zang m ka ɓɔɔ n jɛ̃ɛ zang ruu kpang, ka ruu ɓɔɔ n pálɛ̀ m vuu ɓɔɔ n kasɛ kpang ɓɛɛ. N palɛ m vuu ɓɔɔ zang ɓɔɔ shong m kasɛ ɓɛɛ.

Yɔhana 6:38

Ka ruu ɓɔɔ, n a nɛɛ lapa, nɛɛ n naa palɛ vuu ɓɔɔ zang ɓɔɔ shong m kasɛ ɓɛɛ kɔ, wu vuu ɓɔɔ yeti mɛɛ kasɛ ɓɛɛ kpang.

Zang Shonang Yeesɔ 10:25

Bituru hãa nyaa kana ka yeti gãa, a Koneliyu kpisi wu yuu. Tang nɛɛ gutu ka tĩng ɓiɓɛ, a bang wu.

Filipi 2:8

Ka ɓɔɔ wu shɔnzang, sɔɔrɔ yuu ɓiɓɛ ka dii a ti kasɛ nɛɛ zang nyɔ wu vɔrɔ. Vɔ vɔrɔ ɓɔɔ zang ɓaa zang naa ka laa ɓɛɛ.

Yahudi 5:7

Ka diki ɓɔɔ Yeesɔ nwáng ka koo keɓe, rangkɛ yee nɛɛ Laa a gaarɛ wu, mɛɛ nyaa ka lapa nɛɛ miiri ka jĩng. Gaa Laa ɓɔɔ zunung ɓɔɔ ta yuu ɓiɓɛ katɔ, wu vɔ kpang ɓɛɛ. A Laa tãa wu ka ɓɔɔ wisi wu paa nɛɛ saa ɓɛɛ, ka ruu ɓɔɔ, tuu yuu ɓiɓɛ kpang, a ti a Laa yuu ɓiɓɛ katɔ ɓɛɛ.

Vuu ɓɔɔ zang nwangsɛ Yɔhana 19:10

A n tang nɛɛ gutu ka tĩng ɓiɓɛ, n tɔɔ n bang wu kaa tɔ, a kɔɔ m tɔɔ, “Mɔ́ɔ palɛ vuu keɓe kpang tingkiring, ruu ɓuru zang shonang Laa nɛɛ mɔɔ, nɛɛ rɛɛ ɓaazung ɓɔɔ ri shing danggn tɔ, ka ruu ɓɔɔ niizang ɓɔɔ Yeesɔ tùsù ri ɓɛɛ. Báng ɓaa Laa.” Ka ruu ɓɔɔ, ruu niizang ɓɔɔ Yeesɔ nwangsɛ ruu, rɛɛ zang nyaa shonang Laa, ri walɛ ruu ɓɔɔ ri kɔɔrɔ zang ka wukɔ ɓɛɛ.