Matiyu 26:11 - Nyaa Shɔɔ Ɓɔɔ Laa a Ɓɛɛ

¹¹ Nɔɔ nwálɛ̀ manɛ nɛɛ zang ɓɔɔ vuu ka naa kpang diki diki, a n nwáng nɛɛ nɔɔ sasak kpang.

Matiyu 26:11 Σταυροειδείς Αναφορές

Matiyu 18:20

Ka ruu ɓɔɔ, nɔng ɓɔɔ zang ziti, kɔ zang taati ri kpalɛ zɔɔ kagn, ka ruu nung mɛɛ, n kagn teteng ɓarɛ ɓɛɛ.”

Matiyu 26:10

Yeesɔ ti zi vuu ɓɔɔ ri kɔɔ ɓi tɔ. A kɔɔ ri tɔɔ, “Nɔɔ kóngsò jaa soro keɓe ka ruu viya? Jaa soro keɓe pàlɛ́ m vuu ɓɔɔ tɔ̃ɔ.

Matiyu 28:20

Nɔɔ ti kpɛ̃ɛrɛ ri, nɛɛ ri dũng nyaa ɓɔɔ n dang nɔɔ ɓɛɛ nandon. N yaa nɔɔ kpang. N nwang nɛɛ nɔɔ sasak, diki ɓɔɔ koo keɓe naa waa nyaa, nɛɛ mani.”

Maraku 14:7

Zang ɓɔɔ vuu ka naa kpang nwalɛ nɛɛ nɔɔ diki diki. Diki ɓɔɔ nɔɔ kasɛ piti nɔɔ naa pàlɛ́ ri tɔ̃ɔ manɛ ditɔ, n nwáng m nɛɛ nɔɔ sasak kpang.

Yɔhana 12:8

Zang ɓɔɔ vuu ka naa ɓarɛ kpang, ri ɓarɛ kagn teteng manɛ diki diki. N naa nwáng m tɔ̀ɔ́ nɛɛ nɔɔ kpang.”

Yɔhana 13:33

Wujɛ mɛɛ, n nwang tɔ̀ɔ́ nɛɛ nɔɔ diki wu bee tɔkɔlɔng kpang. Nɔɔ naa kãa m ditɔ. N kɔ̀ɔ nɔɔ doo vuu ɓɔɔ n kɔ̀ɔ zang bang bang zang Yahudi ɓɛɛ kɔ, ‘Nɔng ɓɔɔ n daa ɓɛɛ, nɔɔ zunung daanang kpang.’

Yɔhana 14:19

Diki yaa kaa tɔkɔlɔng bɛ̀ɛ́ zang koo ri zi m takpang. Nɔɔ zi m manɛ katɔ, ka ruu ɓɔɔ, n naa nwang ningkãari, nɔɔ naa nwang ditɔ ningkãari jong.

Yɔhana 16:28

N à nɛɛ bii Daa, a n à ka koo keɓe. N naa yaa koo keɓe ditɔ tɔkn, n gbãayu ka bii Daa.”

Yɔhana 16:5

“Kãntang keɓe, n gbãayu kaa tɔ, ka bìí zang ɓɔɔ shong m ɓɛɛ. Zang ɓɔɔ ti hɛ̃ɛ m ka teteng manɛ gbete nɛɛ n daa ka niya kpang, ka ruu viya?

Yɔhana 17:11

Yaa kaa tɔkɔlɔng n gbãayu kaa tɔ ka bii ɓaaɓɛ. N yaa koo keɓe m kaa tɔ, ri ɓarɛ doo ka koo. Daa, ɓɔɔ shi kpang ka bii ɓaaɓɛ kpang ɓɛɛ, yiti ri waasɛ̃ nɛɛ naa vuu palɛnang ɓɔɔ mɔɔ a m ɓɛɛ. Tɔ̀ɔ, ri nwang kaa gbete naa ɓɔɔ ruu nɛɛ mɔɔ, ruu gbete ɓɛɛ.

Zang Shonang Yeesɔ 3:21

Yeesɔ keɓe nwang doo ka lapa ka gbongkarɛ diki ɓɔɔ Laa naa risi vuu piti, wu raa kaa naa ɓɔɔ tĩng shɔɔnang tɔkn, wu a nɛɛ mani. Diki ɓɔɔ Laa kɔɔ nɛɛ nyaa zang nyaa shonang ɓiɓɛ, ɓɔɔ ri pálɛ̀ vuu shi kpang ɓarɛ kpang, ɓɔɔ ri nwang doo ka tĩng tɛ̃ɛ tɛ̃ɛ ɓɛɛ.

Galati 2:10

Ri kɔɔ ruu nɛɛ, danggn wu ning ruu zang ɓɔɔ vuu ka naa ɓarɛ kpang, ɓɔɔ ri ka teteng zang kaɓa kpang kɔ shɛ̃ɛning. Vuu ɓɔɔ bɛ̀ɛ́ n shing danggn palɛnang ɓee kɔ.

1 Yɔhana 3:17

Naa zang ɓɔɔ vuu naa ɓiɓɛ dɔɔli, zi ɓeezung ɓɔɔ dang jĩng, a raa wu yuu knti, ruu zang kasɛnang ɓɔɔ Laa a shɔnzang, kagn yeti ɓiɓɛ ya?