Matiyu 24:9 - Nyaa Shɔɔ Ɓɔɔ Laa a Ɓɛɛ

⁹ “Zang ti naa yiki nɔɔ ditɔ, zang a zang ɓɔɔ ri dang nɔɔ jĩng, tɔɔ ri nyɔ nɔɔ vɔrɔ kati. Zang koo keɓe piti naa bɛ̃ɛ nɔɔ ditɔ ka ruu nung mɛɛ.

Matiyu 24:9 Σταυροειδείς Αναφορές

Matiyu 22:6

A zang ɓɔɔ kpanti gaarɛ, ɓɔɔ ri yaa knti, ri yiki zang shonang kpanti, ri dang ri jĩng, a ri nyɔkɔ ri vɔrɔ.

Matiyu 23:34

Ka ruu nɔngkɔ, n shong nɔɔ zang nyaa shonang Laa ditɔ, nɛɛ zang ɓɔɔ zũng katɔ nɛɛ zang ɓɔɔ tusu zang vuu ɓɛɛ. Nɔɔ naa nyɔkɔ ɓɔɔ ditɔ, nɔɔ ti ɓaarɛ ɓɔɔ naa ka laa. Nɔɔ ti naa nyɔkɔ ɓɔɔ nɛɛ gbãa ka gãa zɔɔ kpalɛnang manɛ. Nɔɔ ti naa hingki ɓɔɔ nɛɛ rɛɛ gari manɛ piti.

Luka 11:49

Laa rang yee ka yeti zũnang ɓiɓɛ tɔɔ, ‘N shong ri zang nyaa shonang nɛɛ zang ɓɔɔ n shɛ̃ɛrɛ ri katɔ ɓɛɛ ditɔ. Ri naa nyɔkɔ ɓɔɔ vɔrɔ, ri ti dang ɓɔɔ jĩng.’

Luka 21:12

Ɓɔɔ diki keɓe à gn kpang, zang yi nɔɔ zang ti dang nɔɔ jĩng. Zang a nɔɔ rɛɛ zang bang bang gãa zɔɔ kpalɛnang, ri jɛ̃ɛ nɔɔ ruu, ri loo nɔɔ ka sãa. Zang daa nɛɛ nɔɔ ka bii kpanti, nɛɛ bii gɔmna, ka ruu ɓɔɔ, nɔɔ ráng yee mɛɛ ɓɛɛ.

Yɔhana 15:18

“Zang ɓɔɔ ri zi Laa kpang ri bɛ̃ɛ nɔɔ katɔ. Ri nɛɛ bɛ̃ɛ nɔɔ tɔ, danggn wu ning nɔɔ kpang, ri bɛ̃ɛ ɓi nkɔ shɔɔnang.

Yɔhana 15:21

Ri palɛ nɔɔ vuu keɓe piti, ka ruu ɓɔɔ, nɔɔ zang mɛɛ ɓɛɛ. A ri ti zi zang ɓɔɔ shong m kpang ɓɛɛ.

Yɔhana 16:2

Zang naa nwangsɛ nɔɔ ditɔ kaa gãa zɔɔ kpalɛnang. Diki a kana, ɓɔɔ zang ɓɔɔ nɛɛ nyɔ nɔɔ vɔrɔ, kɔ̀ɔ́ ɓi nɛɛ wu palɛ vuu ɓɔɔ Laa kasɛ ɓɛɛ.

Zang Shonang Yeesɔ 28:22

Ruu kasɛ ruu tɔɔ ruu tãa vuu ɓɔɔ ka yeti ɓaaɓɛ ɓɛɛ. Ka ruu ɓɔɔ, ruu zi tɔ zang ráng ruu nɛɛ nɔng piti piti ka ruu gbalang keɓe.”

Zang Shonang Yeesɔ 7:59

Ri luku Istifanu kana, a gaa Laa tɔɔ, “Kpanti Yeesɔ, ta suru mɛɛ ta.”

1 Bituru 4:16

Naa zang ɓɔɔ dang jĩng, ka ruu ɓɔɔ wu dũng Kirisi, yusɛ̃ɛ wu tuu wu kpang. Wu zãa ɓi Laa kɔ jong, ka ruu ɓɔɔ, zang gã wu ɓi kaa teteng rɛɛ zang Kirisi ɓɛɛ.

Vuu ɓɔɔ zang nwangsɛ Yɔhana 2:10

Nɔ́ɔ kaa vɔrɔ jĩng dannang ɓɔɔ yaa kaa tɔkɔlɔng nɔɔ dǎng kaa tɔ kaɓa kpang. Nɔɔ ɓaa shoo, Sheetang naa gãsɛ nɔɔ ditɔ, naa shingnɛ zang wu mã zang ɓɔɔ ka teteng manɛ ka sãa. Zang naa dang nɔɔ jĩng diki kopi kɔ nwani. Nɔ́ɔ yaa danggn ɓɔɔ nɔɔ shing ka bii mɛɛ kpang, naa zang nyɔ nɔɔ doo vɔrɔ ɓɛɛ. Tɔ̀ɔ, n a nɔɔ suru bii ɓɔɔ waa nyaa kpang, nɔ́ɔ walɛ bannang kati.

Vuu ɓɔɔ zang nwangsɛ Yɔhana 2:13

N zi nɔng ɓɔɔ nɔɔ nwàng gn ɓɛ̀ɛ́ tɔ, ka nɔng ɓɔɔ Sheetang roo kpanti kagn ɓɛɛ. Nɔɔ yaa kɔɔnang kpang nɛɛ nkɔ kpanti manɛ kpang. Nɔɔ yaa danggn ɓɔɔ nɔɔ shing ka bii mɛɛ kpang doo nɛɛ mani, ka laa ɓɔɔ zang nyɔ Antiba, yɔɔ ɓɔɔ dũng m nɛɛ yeti gbete vɔrɔ ɓɛɛ. Zang nyɔ wu vɔrɔ ka teteng manɛ, ka nɔng ɓɔɔ Sheetang nwang ɓɛɛ, ka ruu ɓɔɔ, kɔɔ ka shoo zang piti nɛɛ wu dũng ɓi nkɔ ɓɛɛ.

Vuu ɓɔɔ zang nwangsɛ Yɔhana 7:14

A n kasɛ wu nyaa nɛɛ, “Dabang, ɓi mɔkɔ zirɛ.” A kɔɔ m nɛɛ, “Wee ɓi rɛɛ zang ɓɔɔ ri wɔ nɛɛ jĩng dannang bang kaɓa ɓɛɛ, a ri sɔɔ fɔ̃ɔrɔ ɓarɛ kaa nɛɛ zĩi Jaa Mɛ̀ɛrɛ́, a tu kaa puru shãa shãa.”