Matiyu 23:9 - Nyaa Shɔɔ Ɓɔɔ Laa a Ɓɛɛ

⁹ Nɔ́ɔ ti ɓàa zang ɓɔɔ nɛɛ, ‘Dada, ka koo keɓe kpang’ Ka ruu ɓɔɔ, Daa manɛ ɓi gbete kɔ nwani ɓɛɛ. Nɔng nwannang ɓiɓɛ ɓi ti ka lapa.

Matiyu 23:9 Σταυροειδείς Αναφορές

Matiyu 23:10

Zang ri ti ɓaarɛ nɔɔ nɛɛ, ‘Zang bang kpang.’ Ka ruu ɓɔɔ zang bang manɛ ɓi gbete kɔ nwani ɓɛɛ. Zang bang kaɓa wukɔ Kirisi.

Matiyu 6:32

Ɓi zang ɓɔɔ ri dũng Laa kpang kɔ, ri shing jĩng ka vuu keɓe. A Daa manɛ ɓɔɔ ka lapa zi tɔ nɛɛ nɔɔ kasɛ vuu keɓe katɔ piti.

Matiyu 7:11

Ɓɔɔ nɔɔ shi kpang, naa nɔɔ zunung ɓɔɔ nɔɔ a wujɛ manɛ vuu ɓɔɔ tɔ̃ɔ katɔ, Daa manɛ ɓɔɔ ka lapa, a zang ɓɔɔ ri gaa wu vuu tɔ̃ɔ ɓi kpang ya?

Zang Shonang Yeesɔ 22:1

“Rɛɛ manzung, nɛɛ rɛɛ daa mɛɛ, nɔɔ ɓaa shoo, ka ruu kɔ n kɔ̀ɔ́ nɔɔ ka yuu mɛɛ ɓee.”

1 Koranti 4:15

Naa zang ɓɔɔ ri tùsù nɔɔ vuu, ka yuu Yeesɔ Kirisi doo labang kopi, dáa manɛ ɓɔɔ yi nɔɔ ɓi gbete kɔ nwani. Ɓi nkɔ nwàng naa daa manɛ ka gbalang Yeesɔ Kirisi keɓe, ka ruu ɓɔɔ, nkɔ kɔɔ nɔɔ Ruu Tɔ̃ɔ Laa shɔɔnang ɓɛɛ.

2 Koranti 6:18

N nwang Daa manɛ, tɔ̀ɔ, nɔ́ɔ nwang manɛ kaa wujɛ mɛɛ ɓɔɔ soro nɛɛ ɓɔɔ varɛ. Laa ɓɔɔ wukɔ ɓa zang piti bannang katɔ kɔ kɔɔ ruu keɓe.”

Yahudi 12:9

Wu nɔngkɔ shɛ̃ɛning kpang, rɛɛ daa ɓuru ɓɔ̀ɔ́ bii shɔnzang kagn, ɓɔɔ ri gɔ̃ ruu shoo ɓɛɛ, a ruu seng ri katɔ. Naa ruu a Daa ɓuru ɓɔɔ ka lapa yuu ɓuru tɔ, ruu nwáng ningkãari, wukɔ daayi kpang ya?

1 Yɔhana 3:1

Nɔɔ zi naa ɓɔɔ Daa kasɛ ruu ɓuru ɓɛɛ. Kasɛ ruu ɓuru dɔɔli, ka ruu nɔngkɔ, ɓaa ruu nɛɛ Wujɛ ɓiɓɛ. Ruu ti wujɛ ɓiɓɛ kɔ niizang. Zang ɓɔɔ ri dũ̀ng Laa kpang, ri zi ruu kpang, ka ruu ɓɔɔ, ri zi Laa ɓarɛ kpang ɓɛɛ.