Matiyu 23:8 - Nyaa Shɔɔ Ɓɔɔ Laa a Ɓɛɛ

⁸ “Zang wu ɓàa nɔɔ manɛ nɛɛ ‘Maalang kpang.’ Ka ruu ɓɔɔ, Maalang manɛ ɓi gbete kɔ nwani ɓɛɛ. Nɔɔ manɛ kaa naa jaa nàá zɔɔ kɔ nandon.

Matiyu 23:8 Σταυροειδείς Αναφορές

Matiyu 10:25

A zang ɓɔɔ mantɛ vuu ka bii zang, nɛ̀ɛ́ nwàng naa zang ɓɔɔ tusu wu vuu, wukɔ tɔ̃ɔ. Zang shonang nɛɛ ti nwáng tɔ naa dabang gãa ɓiɓɛ wukɔ tɔ̃ɔ. Naa zang ɓàa zang bang gãa nɛɛ Bahazabu, kpanti suru shi kpang, zang naa ɓáa zang ɓɔɔ ka gãa ɓiɓɛ ɓi ka biya? (Ɓɔ̀ɔ́ ɓarɛ naa ɓá ɓɔɔ ɓiɓɛ ɓi katɔ.)

Matiyu 17:5

Bituru rang yee doo naa nyaa, sãmbong ɓɔɔ puru shãa shãa arɛ naa zuu ri kati. A ri tãa yee nɛɛ yeti sãmbong nɛɛ, “Wee Jaa mɛɛ ɓɔɔ yeti mɛɛ kasɛ gbãng gbãng kɔ. N tãa tĩnang ɓiɓɛ dɔɔli. Nɔɔ ɓaa shoo ka nyaa ɓiɓɛ ning.”

Matiyu 23:10

Zang ri ti ɓaarɛ nɔɔ nɛɛ, ‘Zang bang kpang.’ Ka ruu ɓɔɔ zang bang manɛ ɓi gbete kɔ nwani ɓɛɛ. Zang bang kaɓa wukɔ Kirisi.

Matiyu 23:7

Ri ti kasɛ nɛɛ zang jeere ri nyaa ka nɔng piti ɓɔɔ zang kpalɛ zɔɔ ɓɛɛ. Ri ti kasɛ nɛɛ zang ɓaarɛ ri nɛɛ maalang.

Matiyu 26:25

A Yahuda ɓɔɔ nyɔ yuu Yeesɔ hɛ̃ɛ wu tɔɔ, “Nkɔ ya maalang?” A Yeesɔ kasɛ wu nyaa tɔɔ, “Nn, mɔkɔ.”

Matiyu 26:49

Yahuda ri naa shɛ̃ɛ nɔng tɔ a sharɛ daa kɔng Yeesɔ. A kɔɔyi tɔɔ, “Mɔɔ nwang tɛya Maalang?”

Maraku 10:51

Yeesɔ hɛ̃ɛ wu tɔɔ “Mɔɔ kasɛ nɛɛ n palɛ mɔɔ viya?” A zang ringtang kaɓa kɔɔ wu tɔɔ, “Maalang, n kasɛ nɛɛ n zi nɔng tɔkn.”

Maraku 11:21

A Bituru naa kpaa danggn, a kɔɔyi tɔɔ, “Kpanti, zirɛ, laa sĩiri ɓɔɔ mɔɔ nɛɛ ku wu nyaa ka bii vɔ tɔ!”

Maraku 14:45

Yahuda naa arɛ, tantɛ daanang ka bii Yeesɔ. A ɓaa wu tɔɔ, “Kpanti, a kɔ̃ng wu kati.”

Maraku 9:5

Bituru kɔɔ Yeesɔ tɔɔ, “Kpanti, wee ruu ka nihn wukɔ tɔ̃ɔ. Mɔɔ nɛɛ kasɛ tɔ, ruu waa putali taati ka nihn, ɓɔɔ ɓaaɓɛ gbete, ɓɔɔ Musa gbete, a ɓɔɔ Iliya ti gbete.”

Luka 22:32

Siman, n gàa mɔɔ Laa tɔ, ka ruu ɓɔɔ, mɔɔ nɛ̀ɛ́ yaa danggn shinnang ka n ɓɛɛ. Mɔɔ nɛɛ a tɔ ka bii mɛɛ tɔkn, mɔ́ɔ yi rɛɛ ɓaazung ɓɔɔ nɔɔ mantɛ vuu nɛɛ ri ka bìí mɛɛ ɓɛɛ naa ka bii, ri shing danggn waasɛ̃.”

Yɔhana 1:38

A Yeesɔ raa jĩng zi ri, ri dũng wu kana. A hɛ̃ɛ ri tɔɔ, “Nɔɔ kãa viya?” Ri kasɛ wu nyaa tɔɔ, “Rabii, dĩiri nung keɓe, ɓi maalang. Nɔng ɓɔɔ mɔɔ nwàng kagn kiya?”

Yɔhana 1:49

Natanalu kɔɔ wu tɔɔ, “Maalang, mɔkɔ Jaa Laa. Mɔkɔ Kpanti zang Isirela.”

Yɔhana 11:8

A ri kasɛ wu nyaa tɔɔ, “Maalang wee dòó naa ɓee, zang Yahudi nɛɛ ri luku mɔɔ nɛɛ tari mɔɔ vɔrɛ, mɔɔ nɛɛ mɔɔ gbãayu ka nɔngkɔ tɔkn ya?”

Yɔhana 20:16

Yeesɔ ɓaa wu nyaa nɛɛ “Marayamu.” A raa jĩng ka bìí ɓiɓɛ, a kɔɔ nɛɛ nyaa Yahudi nɛɛ, “Rabii” (Dĩiri ruu keɓe ɓi “maalang”).

Yɔhana 3:2

Yɔɔ keɓe, diki ɓɔɔ kagn daa ka bìí Yeesɔ nɛɛ zĩi. Kɔɔ Yeesɔ tɔɔ, “Maalang, ruu zi ɓuru tɔ nɛɛ mɔɔ ɓaa maalang ɓɔɔ a nɛɛ bii Laa ɓɛɛ, ka ruu ɓɔɔ, naa wu zang ɓɔɔ Laa nɛɛ wu kpang, zang ɓɔɔ zunung vuu ɓɔɔ zang zirɛ zang mã naa ka danggn kɔ mɔɔ pálɛ̀ ɓɛɛ gbete kpang.”

Yɔhana 3:26

A ri daa ka bii Yɔhana ri kɔɔ wu nɛɛ, “Maalang, yɔɔ ɓɔɔ ɓeleng mɔɔ nɛɛ wu ka rang Urudung dang, ɓɔɔ mɔɔ kɔɔ rúu tɔ̃ɔ ka yuu ɓiɓɛ ɓɛɛ, pàlɛ́ zang batizima kana. Zang ri daarɛ kana bii ɓiɓɛ nandon.”

Yɔhana 4:31

Ka knti jaa soro, zang ɓɔɔ ri mantɛ vuu ka bii ɓiɓɛ ri yì wu tĩng ka bii nɛɛ, “Shaa vuu shaanang ta, maalang.”

Yɔhana 6:25

Ri ta waapo tɔ, a ri daa ĩi Yeesɔ ka nyaa waapo dang. Ri hɛ̃ɛ wu nɛɛ “Maalang, mɔɔ a nihn gn viya?”

Yɔhana 9:2

Zang ɓɔɔ ri mantɛ vuu ka bii ɓiɓɛ ri hɛ̃ɛ wu nɛɛ, “Maalang, ɓu wi palɛ vuu shi kpang, a zang yi yɔɔ keɓe jĩng ringtang wiya? Yɔɔ kɔ̀ nɛɛ yuu ɓiɓɛ ya, kɔ́ zang ɓɔɔ ri yi wu ɓɛɛ?”

2 Koranti 1:24

Wu ka ruu ɓɔɔ ruu nɛɛ, rukɔ rúu tusu nɔɔ vuu ɓɔɔ nɔɔ shing danggn kagn ɓɛɛ kpang. Ruu zi tɔ, nɔɔ shii tɔ gbãng gbãng, ka danggn ɓɔɔ nɔɔ shing ɓɛɛ. Ruu palɛ shonang ɓuru nɛɛ nɔɔ, tɔ̀ɔ, nɔ́ɔ tãa tĩnang kati kɔ jong.

2 Koranti 4:5

Ka ruu ɓɔɔ, ruu kɔɔ nɔɔ ruu ka yuu ɓuru kpang ɓɛɛ. Ruu kɔɔ nɔɔ ka yuu Yeesɔ Kirisi, nɛɛ wukɔ Kpanti, a ruu ɓuru kaa zang shonang manɛ ka ruu Yeesɔ.

Afisa 3:15

ɓɔɔ zang ɓɔɔ ri shing danggn tɔ nandon, ka lapa nɛɛ koo keɓe, ri walɛ nung ɓarɛ ka bii ɓiɓɛ ɓɛɛ.

Filimon 1:16

Kãntang keɓe ɓi tɔ̀ɔ́ jaafoo waati kpang, ɓa jaafoo ɓi kaa tɔ. Ɓi kaa manzung ɓuru ka gbalang Yeesɔ Kirisi. Ɓi zang tɔ̃ɔ ka bii mɛɛ. Nwǎng mɔɔ tɔ̃ɔ ditɔ jong gbãng gbãng, wu naa jaafoo kɔ shɛ̃ɛning kpang, naa ɓaazung ka gbalang Kpanti ɓuru.

Yakubu 3:1

Manzung nɔ́ɔ nwàng zang ɓɔɔ ri tusu zang vuu kɔ nandon kpang, ka ruu ɓɔɔ nɔɔ zi tɔ wee ruu tusu zang vuu ɓee, zang naa jɛ̃ɛ ruu rúu ɓa ɓɔɔ zang piti katɔ ɓɛɛ.

1 Bituru 5:3

Nɔ́ɔ pálɛ̀ zang ɓɔɔ Laa a nɔɔ ri ka naa, nɛɛ nɔ́ɔ gãng jĩng ka ri nɛɛ kaka kpang. Nɔɔ nwang nwannang ɓɔɔ ri zirɛ, ri dũng ɓɛɛ kɔ jong.

Vuu ɓɔɔ zang nwangsɛ Yɔhana 1:9

Nkɔ Yɔhana manzung manɛ, ɓɔɔ ruu ɓakɛ zɔɔ tɔ nɛɛ Yeesɔ ɓɛɛ. Ruu mã danggn nɛɛ zɔɔ ka jĩng ɓɔɔ ruu dangnɛ, ka ruu ɓɔɔ, Yeesɔ kpanti ɓuru ɓɛɛ. Zang shing m ka tipi ɓɔɔ mii kiiri wu nyaa ka teteng, ɓɔɔ zang ɓaa nɛɛ Patimu ɓɛɛ, ka ruu ɓɔɔ, n kɔɔ zang Ruu Laa ɓɔɔ Yeesɔ kasɛ tɔ, nɛɛ ɓi niizang ɓɛɛ.

Vuu ɓɔɔ zang nwangsɛ Yɔhana 19:10

A n tang nɛɛ gutu ka tĩng ɓiɓɛ, n tɔɔ n bang wu kaa tɔ, a kɔɔ m tɔɔ, “Mɔ́ɔ palɛ vuu keɓe kpang tingkiring, ruu ɓuru zang shonang Laa nɛɛ mɔɔ, nɛɛ rɛɛ ɓaazung ɓɔɔ ri shing danggn tɔ, ka ruu ɓɔɔ niizang ɓɔɔ Yeesɔ tùsù ri ɓɛɛ. Báng ɓaa Laa.” Ka ruu ɓɔɔ, ruu niizang ɓɔɔ Yeesɔ nwangsɛ ruu, rɛɛ zang nyaa shonang Laa, ri walɛ ruu ɓɔɔ ri kɔɔrɔ zang ka wukɔ ɓɛɛ.

Vuu ɓɔɔ zang nwangsɛ Yɔhana 22:9

a kɔɔ m nɛɛ, “Mɔɔ palɛ vuu keɓe kpang tingkiring. Ruu ɓuru zang shonang Laa nɛɛ mɔɔ, naa rɛɛ ɓaazung ɓɔɔ ri zang nyaa shonang Laa ɓɛɛ, a ɓɔɔ zang kaɓa piti, ɓɔɔ ri dũng ruu ɓɔɔ zang bee ka labeenang keɓe ɓɛɛ. Bang ɓaa Laa.”