Matiyu 23:12 - Nyaa Shɔɔ Ɓɔɔ Laa a Ɓɛɛ

¹² Shɔnzang ɓɔɔ tɔɔ wu tuu yuu ɓiɓɛ piti, zang naa sɔɔrɔ wukɔ yuu jong ka dii. A zang ɓɔɔ sɔɔrɔ yuu ɓiɓɛ ka dii, zang naa tuu wukɔ jong ka lapa.

Matiyu 23:12 Σταυροειδείς Αναφορές

Matiyu 18:4

Ka ruu nɔngkɔ, zang piti ɓɔɔ sɔɔrɔ yuu ɓiɓɛ a nwang kaa naa jaa tɔkɔlɔng keɓe, wukɔ zang bang ka nɔng ɓɔɔ Laa roo kpanti ɓɛɛ.

Matiyu 5:3

“Tĩnang tãanang ɓi ɓɔɔ zang ɓɔɔ ri zi tɔ nɛɛ, vuu Suru Laa ɓi kagn naa ɓarɛ kpang, Laa naa a rikɔ vuu tɔ̃ɔ ɓɔɔ wu a zang ɓɔɔ ri ta wu, nɛɛ wukɔ kpanti ɓɛɛ.

Luka 14:11

Ka ruu ɓɔɔ, zang ɓɔɔ nɛɛ tuu yuu ɓiɓɛ, zang naa sɔɔrɔ wukɔ yuu ka dii ɓɛɛ. Zang ɓɔɔ sɔɔrɔ yuu ɓiɓɛ ka dii, zang naa a wukɔ bannang jong.”

Luka 18:14

N kɔ̀ɔ́ nɔɔ, yɔɔ ɓɔɔ ta saka tipi keɓe gbãayu daa gãa ɓiɓɛ, Laa yaa wu gbalang vuu shi kpang ɓiɓɛ tɔ, wu náa yɔɔ Farisi kaɓa kpang. Ka ruu nɔngkɔ, zang piti ɓɔɔ nɛɛ tusu nɛɛ wu ɓa zang piti, zang naa sɔɔrɔ wukɔ yuu jong ka dii. Zang ɓɔɔ sɔɔrɔ yuu ka dii, zang naa a wukɔ bannang jong.”

Yakubu 4:6

Làá kɔ álɛ ruu tɔ̃ɔ ɓiɓɛ dɔɔli nɛɛ ruu dung wu nɛ mani. Ka ruu nɔngkɔ, labeenang Laa kɔɔyi tɔɔ, “Laa kasɛ ruu zang ɓɔɔ tuu yuu ɓiɓɛ ɓi jong kpang, a á zang ɓɔɔ tuu yuu ɓiɓɛ kpang, tɔ̃̀ɔ́ ɓiɓɛ.”

1 Bituru 5:5

Ɓɔɔ nɔɔ manɛ dòo jasang n kɔɔ nɔɔ dòo nɔngkɔ. Nɔɔ ɓaa shoo ka nyaa rɛɛ zang bang. Ɓɔɔ nɔɔ nandon ɓɛɛ, nɔɔ seng zɔɔ katɔ, a nɔɔ kpalɛ bii diki diki nɔ́ɔ shòng zɔɔ. Ka ruu ɓɔɔ, zang bee ka yeti labeenang Laa nɛɛ, “Laa kasɛ ruu zang ɓɔɔ ri tuu yuu ɓarɛ kpang, á ɓi zang ɓɔɔ ri tuu yuu ɓarɛ kpang tĩnang tãanang.”

1 Bituru 5:6

Ka ruu nɔngkɔ, n kɔ̀ɔ́ nɔɔ nɔ́ɔ tuu yuu manɛ ka tĩng Laa ɓɔɔ wukɔ kpanti zang piti ɓɛɛ kpang, tɔ̀ɔ, wu naa shing nɔɔ, nɔ́ɔ nwang zang bang ka tĩng ɓiɓɛ, ka diki ɓɔɔ wu kasɛ ɓɛɛ.