Matiyu 21:20 - Nyaa Shɔɔ Ɓɔɔ Laa a Ɓɛɛ

²⁰ Ɓɔɔ zang ɓɔɔ ri mantɛ vuu ka bii ɓiɓɛ ri zi naa weɓe, ri mã naa ka danggn. Ri tɔɔ, “Laa sĩiri tɔɔrɔ bɛ̀ɛ́ tantɛnang viya?”

Matiyu 21:20 Σταυροειδείς Αναφορές

Matiyu 21:19

A zi laa sĩiri ka nyaa gbalang naabm, a daa ka doo ɓiɓɛ. A sĩiri ra jaa ka laa kpang. Zi gɔpɔ kɔ shɛ̃ɛning. A kù laa sĩiri nyaa ka bii tɔɔ, “Mɔɔ ra jaa takpang dòndòng.” A laa sĩiri naa tantɛ kaa tɔɔrɔnang.

Matiyu 21:21

A Yeesɔ kasɛ ri nyaa tɔɔ, “N kɔ̀ɔ́ nɔɔ ruu ɓɔɔ niizang kɔ nwani, naa nɔɔ shing danggn ka bii mɛɛ, nɔɔ yaa danggn naa kpang, nɔɔ palɛ wu vuu kɔ n palɛ laa sĩiri ɓee kɔ shɛ̃ɛning kpang. Nɔɔ zunung ɓɔɔ nɔɔ kɔɔ kɔpɔ keɓe katɔ nɛɛ, ‘Rúu ta nɛɛ bii ɓaaɓɛ, mɔɔ daa watɛ ka mii waapo.’ Ti palɛ katɔ nɔngkɔ.

Matiyu 8:10

Ɓɔɔ Yeesɔ tãa yee ɓɔɔ yɔɔ rang naa weɓe, mã naa ka danggn. A kɔɔ zang dɔɔli ɓɔɔ ri dũuru wu tɔɔ, “N kɔɔ nɔɔ ruu ɓɔɔ niizang kɔ nwani, n zi zang Isirela ɓɔɔ shing danggn ka bìí Kpanti Laa gngn naa zang zanti keɓe kpang.