Matiyu 21:11 - Nyaa Shɔɔ Ɓɔɔ Laa a Ɓɛɛ

¹¹ A zang kɔɔ ri tɔɔ, “Wee ɓi Yeesɔ zang nyaa shonang Laa ɓɔɔ a nɛɛ Nazara, ɓɔɔ ka tipi Galili ɓɛɛ kɔ.”

Matiyu 21:11 Σταυροειδείς Αναφορές

Matiyu 2:23

A Yusufu daa nwang ka nɔng ɓɔɔ zang ɓaa nɛɛ Nazara ɓɛɛ. Vuu keɓe nwang kaa naa ɓɔɔ zang nyaa shonang Laa kɔɔ ka tĩng tɛ̃ɛ tɛ̃ɛ ɓɛɛ. Zang nyaa shonang Laa kɔɔyi tɔɔ, “Zang naa ɓaa wu nɛɛ yɔɔ Nazara.”

Matiyu 21:10

Yeesɔ naa shɛ̃ɛ Urushalima tɔ, zang zi naa gari ɓi takpang. Zang gari ri hɛ̃ɛ zɔɔ tɔɔ, “Zang keɓe, ɓu wiya?”

Matiyu 21:26

Naa ruu kɔɔ wu nɛɛ, ‘Shɔnzang a wu,’ ruu káa vɔrɔ zang, ka ruu ɓɔɔ zang piti shing danggn tɔ nɛɛ, Yɔhana ɓi zang nyaa shonang Kpanti Laa ɓɛɛ.”

Matiyu 21:46

Ka ruu nɔngkɔ, ri nɛɛ ri yi Yeesɔ katɔ, a ri kaa vɔrɔ zang. Ka ruu ɓɔɔ zang dɔɔli shing danggn nɛɛ Yeesɔ ɓi zang nyaa shonang Kpanti Laa ɓɛɛ.

Maraku 6:15

A zang ɓɔɔ ri ti kɔɔ ɓarɛ nɛɛ, “Ɓi Iliya.” Zang ɓɔɔ ri ti kɔɔyi nɛɛ, “Ɓi zang nyaa shonang Laa ɓɔɔgn naa ɓɔɔ gbete ɓɔɔ ka tĩng ɓɛɛ.”

Luka 13:33

N daa m kana Urushalima lɛɛkɔ, nɛɛ ɓuru nɛɛ diki. Ka ruu ɓɔɔ, zang nyɔ zang nyaa shonang Laa ka nɔng ɓɔɔgn kpang ɓɛɛ.

Luka 24:19

A hɛ̃ɛ ri nɛɛ “Ɓu vi palɛ viya?” A ri kasɛ wu nyaa nɛɛ, “Vuu ɓɔɔ zang palɛ Yeesɔ yɔɔ Nazara, zang nyaa shonang Laa. Ɓɔɔ Laa a wu naa, nɛɛ wu palɛ vuu bang bang, nɛɛ wu ti rang zang piti yee, wu kaa vɔrɔ kpang ɓɛɛ. Zang piti a wu bannang katɔ.

Luka 7:16

Zang ɓɔɔ ri kpalɛ zɔɔ gaagaa ɓɛɛ, ri kaa vɔrɔ kaa nandon. A ri dɔɔ Laa ri tɔɔ, “Zang nyaa shonang Laa ɓɔɔ bang nwang nyaa lɛ̀ɛ́ tɔ ka teteng ɓuru. Laa a lɛ̀ɛ́ tɔ, nɛɛ wu ta yuu zang ɓiɓɛ.”

Luka 7:39

Ɓu doo ɓɔɔ zang Farisi ɓɔɔ ɓaa Yeesɔ nyaa zi naa weɓe, kɔɔ ka yeti ɓiɓɛ tɔɔ, “Naa yɔɔ keɓe nɛɛ zang nyaa shonang Laa, nɛɛ zi jaa soro kɔ lee wu naa ka bii ɓɛɛ tɔ. Nɛɛ ti zi naa nwannang jaa soro keɓe tɔ, ka ruu ɓɔɔ, jaa soro keɓe ɓi zang ɓɔɔ palɛ vuu shi kpang ɓɛɛ.”

Yɔhana 1:21

Ri hɛ̃ɛ wu nɛɛ “A mɔɔ ɓu kaa wiya?” “Mɔkɔ Iliya ya?” Yɔhana kasɛ ri nyaa tɔɔ, “Wu nkɔ Iliya kpang.” Ri hɛ̃ɛ wu tɔkn nɛɛ, “A mɔkɔ zang nyaa shonang Laa ɓɔɔ naa a ɓɛɛ ya?” A ti kasɛ ri nyaa nɛɛ, “Ɓi nkɔ kpang.”

Yɔhana 1:25

ri hɛ̃ɛ Yɔhana tɔɔ, “A ka ruu vi mɔɔ pàlɛ́ zang batizima viya? Mɔkɔ nɛɛ Kirisi kpang. Mɔkɔ ti Iliya kpang, a mɔɔ ti zang nyaa shonang Laa ɓɔɔ naa a kpang ɓɛɛ?”

Yɔhana 4:19

Jaa soro kɔɔyi nɛɛ, “Maalang, n zirɛ mɔɔ ɓaa zang nyaa shonang Laa.

Yɔhana 6:14

Ɓɔɔ zang ri zi vuu ɓɔɔ zang zirɛ zang mã naa ka danggn ɓɔɔ Yeesɔ palɛ, ri kɔɔrɔ nɛɛ, “Niizang, wee zang nyaa shonang Laa ɓɔɔ naa a ka koo ɓɛɛ kɔ.”

Yɔhana 7:40

Zang ɓɔɔ ka teteng zang ɓɔɔ ri kpàlɛ́ zɔɔ, ka ɓɔɔ ri tãa wu, kɔɔ ruu keɓe, ri kɔɔyi nɛɛ, “Yɔɔ keɓe ɓi zang nyaa shonang Laa bìí kɔ niizang.”

Yɔhana 9:17

A zang Farisi ri hɛ̃ɛ yɔɔ tɔkn nɛɛ, “Wee másɛ́ jĩng ɓaaɓɛ tɔ ɓee, mɔɔ kɔɔ ɓu kaa nɛɛ vi, ka yuu ɓiɓɛ viya?” Yɔɔ kɔɔ ri tɔɔ, “Yɔɔ bìí ɓi zang nyaa shonang Laa.”

Zang Shonang Yeesɔ 7:37

“Musa kɔ, kɔɔ zang Isirela tɔɔ, ‘Laa naa zɔ̃̌ng nɔɔ zang nyaa shonang ɓiɓɛ ditɔ, naa ɓɔɔ wu zɔ̃ng m ɓɛɛ. Zang nyaa shonang keɓe, naa a ɓi doo nɛɛ teteng zang manɛ kɔ.’