Matiyu 20:8 - Nyaa Shɔɔ Ɓɔɔ Laa a Ɓɛɛ

⁸ “Kaa nɛɛ làa nyaa vàa, yɔɔ jaa kɔɔ zang bang zang shonang, ɓiɓɛ tɔɔ, ‘Ɓaa zang shonang nyaa ta, mɔɔ shu ri saka shonang ɓarɛ. Gaayu nɛɛ zang doo knti kɔ shɔɔnang, tɔ̀ɔ mɔɔ naa hangsɛ nyaa ka nɛɛ zang ɓɔɔ ri a tĩng shɔɔnang ɓɛɛ.’

Matiyu 20:8 Σταυροειδείς Αναφορές

Matiyu 20:7

A zang shonang ri kasɛ wu nyaa tɔɔ, ‘Ka ruu ɓɔɔ, zang ɓɔɔ ɓaa ruu nyaa shonang palɛnang kpang ɓɛɛ.’ A kɔɔ ri tɔɔ, ‘Nɔɔ dita jong nɔɔ daa palɛ shonang ka jaa mɛɛ.’

Matiyu 20:9

A zang shonang ɓɔɔ ri gaayu jaa lannang nɛɛ laarang naa arɛ, zang shu ri saka ɓɔɔ zang shu zang ka ruu shonang diki gbete ɓɛɛ.

Matiyu 25:19

“Diki bee tɔ, a yɔɔ gãa rɛɛ zang shonang kaɓa naa gbãayu kati. A ɓaa ri nyaa, hɛ̃ɛlɛ ri vuu ɓɔɔ ri palɛ nɛɛ saka ɓɔɔ wu alɛ ri ɓɛɛ kati.

Matiyu 25:31

“Ka diki ɓɔɔ Jaa Shɔnzang naa a ka naa bannang ɓiɓɛ, nɛɛ zang nyaa shonang Laa ɓɔɔ ri ka lapa piti, naa nwang ka yuu laa nwannang Kpanti ɓiɓɛ.

Luka 10:7

Nɔɔ nwang ka gãa gbete kaɓa kɔ, nɔ́ɔ shaa vuu, nɔ́ɔ ti ɓoo mii ɓoonang ɓɔɔ ri a nɔɔ ɓɛɛ. Ka ruu ɓɔɔ, zang sɔ̀ɔrɔ́ zang shonang doo ɓi katɔ ɓɛɛ. Nɔ́ɔ dɔ̃sɔ gãa kpang.

Luka 12:42

A kpanti kasɛ wu nyaa tɔɔ, “Ɓu wi zang shonang tɔ̃ɔ, a ti zũng katɔ wiya? Ɓɔɔ zang gãa ɓiɓɛ yaa wu gãa ka naa, nɛɛ wu alɛ zang vuu shaanang ka laa vuu shaanang ɓarɛ wiya?

Luka 8:3

Nɛɛ Yuwana soro Kuza ɓɔɔ palɛ shonang ka dabang Kpanti Hiridu ɓɛɛ, nɛɛ Susana, a ɓɔɔ zang soro ɓɔɔgn gaagaa, ɓɔɔ ri see vuu naa ɓarɛ, ri kãa Yeesɔ nɛɛ zang ɓɔɔ ri mantɛ vuu ka bii ɓiɓɛ vuu shaanang nɛɛ mani ɓɛɛ.

2 Koranti 5:10

Ka ruu ɓɔɔ, ruu nandon ruu naa shii ditɔ ka tĩng Yeesɔ Kirisi, wu jɛ̃ɛ rùu rúu. Wu jɛ̃ɛ ruu rúu, wu ti pàlɛ̀ zang ɓu vuu naa ɓɔɔ daa naa katɔ ɓɛɛ. Yeesɔ pàlɛ́ ruu vuu ka doo vuu tɔ̃ɔ nɛɛ vuu shi kpang ɓɔɔ zang ɓu palɛ ka koo keɓe ɓɛɛ.

Titu 1:7

Ka ruu ɓɔɔ, zang bang Gãa Laa gãng jĩng ɓi ka shonang Laa, wu nwang ɓi zang ɓɔɔ shi kpang ka bii ɓiɓɛ kpang ɓɛɛ. Wu tuu yuu kpang, wu ti ta yeti gbãngko kpang. Wu zang ɓɔɔ sàa si wu kpang, wu zang ɓɔɔ laa nyaa kpang. Wu ti zang ɓɔɔ shing jĩng ka saka kãanang ɓɛɛ kpang, a wu ti zang ɓɔɔ shaa varɛ dɔɔli kpang.

Yahudi 9:28

Kirisi dòo nɔngkɔ, á zang yuu ɓiɓɛ nɛɛ zang nyɔ wu vɔrɔ doo gbete kak, nɛɛ tɔ̀ɔ, wu kɔsɔ zang dɔɔli vuu shi kpang ɓarɛ kati. Nwang nyaa ditɔ tɔkn, daa kaa doo ziti. Wu ka ruu ɓɔɔ wu naa kɔsɔ zang vuu shi kpang ɓarɛ kpang, nɛɛ tɔɔ wu ta ɓi kaa yuu zang ɓɔɔ ri gã wu ɓɛɛ.

1 Bituru 4:10

Laa palɛ nɔɔ tɔ̃ɔ tɔ ka gbalang náabm̀ náabm̀. Laa a zang ɓu naa vuu palɛnang wu palɛ vuu ka zɔ̃ng zɔ̃ng. Ka ruu nɔngkɔ, zang ɓu wu palɛ tɔ̃ɔ, wu palɛ shonang nɛɛ naa ɓɔɔ Laa a wu, wu yi zang ɓɔɔ naa ka bii.