Matiyu 20:34 - Nyaa Shɔɔ Ɓɔɔ Laa a Ɓɛɛ

³⁴ Gn ɓarɛ kɔng Yeesɔ, a lee naa ka jĩng ɓarɛ. Jĩng ɓarɛ tantɛ kaa puunang, ri zi nɔng, a ri dũng Yeesɔ kati.

Matiyu 20:34 Σταυροειδείς Αναφορές

Matiyu 14:14

Yeesɔ shɛ̃ɛ nyaa dang gãnggãng tɔ, a zi zang dɔɔli ɓɔɔ ri kpalɛ zɔɔ, ri kɔng wu gn, a masɛ zang ɓɔɔ vuu palɛ katɔ, ka teteng ɓarɛ kati.

Matiyu 15:32

A Yeesɔ ɓaa zang ɓɔɔ ri mantɛ vuu ka bii ɓiɓɛ nyaa, a kɔɔ ri tɔɔ, “Zang keɓe gn ɓarɛ kɔng m dɔɔli, ka ruu ɓɔɔ, ri nwang tɔ nɛɛ n daa diki taati, vuu shaanang ɓarɛ takpang ɓɛɛ. N kasɛ, n tɔɔ, n jee ri nyaa nɛɛ nyɔkɔ kpang, ka ruu ɓɔɔ, doo nɛɛ daa kàá ri ka gbalang ɓɛɛ.”

Matiyu 20:33

“Kpanti, ruu kasɛ mɔɔ pùu ruu jĩng jong, ruu zi nɔng.”

Matiyu 21:1

Ri a tɔ nɛɛ Urushalima naabm, a ri naa a ka Bɛtafaji ɓɔɔ ka doo Kɔpɔ Zeetung ɓɛɛ. A Yeesɔ ɓaa nyaa ka zang ziti ka teteng zang ɓɔɔ ri mantɛ vuu ka bii ɓiɓɛ, shong ri ka tĩng.

Matiyu 8:15

A Yeesɔ lee Bituru ɓeekpeng nɛɛ naa, a bii ɓɔɔ zàa wu, yaa wu nɔng kati. A Bituru ɓeekpeng seepaa, gaa tɔɔsung ɓɔɔ wu kãa Yeesɔ vuu shaanang kati.

Matiyu 9:29

A Yeesɔ lee naa ka jĩng ɓarɛ, a kɔɔyi tɔɔ, “Wu nwang ta ka naa ɓɔɔ nɔɔ shing danggn ɓɛɛ.”

Matiyu 9:36

Yeesɔ pɛ̃ɛrɛ zang nimbang ɓɔɔ ri kpalɛ zɔɔ, a gn ɓarɛ kɔng wu, ka ruu jĩng ɓɔɔ ri dang ɓɛɛ. Zang ɓɔɔ yi ri naa ka bii kpang. Ri nwang naa mɛ̀ɛrɛ́ ɓɔɔ jagãng ɓarɛ kagn kpang ɓɛɛ.

Maraku 7:33

A Yeesɔ naa gɔ̃ɔ wu ka bm dang gbete, a hãlɛ saa naa ka shoo yɔɔ, a tu sisãa, a lee rĩiti yɔɔ nɛɛ mani.

Luka 18:43

A jĩng ɓiɓɛ tantɛ puunang, a dṹng Yeesɔ ka knti, dɔ̀ɔ́ Laa kana. Ɓɔɔ zang ɓɔɔ ri ka nɔng, ri zi veɓe, ri dɔɔ Laa kaa jong.

Luka 22:51

Yeesɔ kɔɔ ri nɛɛ, “Nɔ́ɔ palɛ vuu keɓe takpang.” A lee shoo yɔɔ nɛɛ naa, a màsɛ́ yɔɔ shoo.

Luka 7:13

Ɓɔɔ Yeesɔ zi suvɔ ɓɔɔ jaa ɓiɓɛ vɔrɛ, gn ɓiɓɛ kɔng wu, a kɔɔ wu tɔɔ, “Mɔɔ kaa kpang.”

Zang Shonang Yeesɔ 26:18

Mɔ́ɔ pùu ri jĩng, ri yaa nɔng ɓɔɔ tɔ̀ɔ katɔ, ri a ka nɔng ɓɔɔ yakɛ katɔ ɓɛɛ. Ri ti yaa nɔng ɓɔɔ sheetang roo kpanti kagn, ri a ka bii Laa. Tɔ̀ɔ, ka ruu danggn ɓɔɔ ri shing ka bii mɛɛ, Laa wu kɔsɔ ri vuu shi kpang ɓarɛ kati. Wu ti a ri nɔng nwannang jong ka teteng zang ɓɔɔ wu zɔ̃ngkɔ ri katɔ ɓɛɛ.’

Yahudi 2:17

Ka ruu nɔngkɔ, wu nwang naa rɛɛ ɓeezung kɔ gbãng gbãng ka vuu piti, tɔ̀ɔ, wu nwang kpanti zang ɓɔɔ ri dɔɔ vuu ka Gãa Laa kati. Ɓɔɔ gn zang kɔng wu katɔ, a ti zang ɓɔɔ zang shing gn katɔ ka bii ɓiɓɛ ɓɛɛ, ka shonang ɓɔɔ wu pàlɛ́ Laa ɓiɓɛ ɓɛɛ. Tɔ̀ɔ, wu a zang yuu ɓiɓɛ, zang nyɔ wu vɔrɔ, vuu keɓe wu shingnɛ, Laa wu kɔsɔ zang vuu shi kpang ɓarɛ kati.

1 Bituru 3:8

N hangsɛ nɔɔ nyaa ruu kaa nɛɛ ruu keɓe. Nɔɔ nandon nyaa manɛ wu daa gbete, gn zɔɔ wu kɔng nɔɔ katɔ, nɔɔ kasɛ ruu zang ɓɔɔ ri dũng doo Laa kɔ katɔ, ka ruu ɓɔɔ ri ɓarɛ rɛɛ ɓaazung ɓɛɛ. Nɔ́ɔ ti pàlɛ̀ zɔɔ tɔ̃ɔ katɔ, a nɔ́ɔ ti lakɛ jĩng kpang.