Matiyu 20:16 - Nyaa Shɔɔ Ɓɔɔ Laa a Ɓɛɛ

¹⁶ A Yeesɔ naa hangsɛ nyaa kati tɔɔ, “Ka ruu nɔngkɔ, zang doo knti kɔ naa raa zang tĩng. Zang tĩng ri ti raa zang knti.”

Matiyu 20:16 Σταυροειδείς Αναφορές

Matiyu 19:30

A zang dɔɔli ka teteng zang kɔ ri ka tĩng kãntang keɓe, kɔ naa waa nyaa knti. Zang kɔ ri ka knti kãntang keɓe, kɔ naa sɔɔ zang tĩng kaa jong.”

Matiyu 21:31

A Yeesɔ hɛ̃ɛ ri tɔɔ, “Ka teteng wujɛ ziti kaɓa, zang gbete ɓɔɔ palɛ vuu ɓɔɔ daa ɓarɛ kasɛ, ɓu wiya?” A ri kasɛ wu nyaa tɔɔ, “Jaa ɓiɓɛ ɓɔɔ bang ɓɛɛ.” A Yeesɔ naa risi nyaa kɔɔ ri tɔɔ, “N kɔɔ nɔɔ ruu ɓɔɔ niizang kɔ nwani, zang ɓɔɔ ri ta saka tipi, nɛɛ zang soro ɓɔɔ shing jĩng ka varɛ kãanang, ri yee nɔɔ yuu daanang nɔng ɓɔɔ Laa roo kpanti kana.

Matiyu 22:14

A Yeesɔ naa hangsɛ nyaa kati tɔɔ, “Zang ɓɔɔ zang gaarɛ, ri dɔɔli, a zang ɓɔɔ zang shɛ̃ɛrɛ, ri kaa tɔ̀ɔ́ dɔɔli kpang.”

Matiyu 7:13

“Nɔɔ tú nɛɛ nyaa gãa ɓɔɔ tɔ̃ntɔ̃rɔng ɓɛɛ, ka ruu ɓɔɔ, nyaa gãa ɓɔɔ daa ka nɔng vɔrɔ, bang ɓi katɔ ɓɛɛ. Gbalang ɓɔɔ zang daa nɔng vɔrɔ kaɓa nɛɛ mani, ti kpãa ɓi kpang. “Zang ɓɔɔ ri tú nɛɛ nyaa gãa keɓe dɔɔli.

Maraku 10:31

Zang dɔɔli ka teteng zang ɓɔɔ ri ka tĩng kãntang keɓe, kɔ naa waa nyaa knti. Zang kɔ ri ka knti kãntang keɓe, kɔ naa sɔɔ zang tĩng kaa jong.”

Luka 14:24

N kɔ̀ɔ́ nɔɔ zang gbete ɓɔɔ naa tãa vuu shaanang kagn teteng zang tĩng shɔɔnang kɔ n gaarɛ ri ɓa kpang.’ ”

Luka 15:7

A Yeesɔ hangsɛ nyaa tɔɔ, ‘Zang Laa ɓɔɔ ka lapa tã̀á tĩnang doo nɔngkɔ, ka ruu zang gbete ɓɔɔ palɛ vuu shi kpang ɓɔɔ yaa vuu shi kpang ɓiɓɛ, a kɔ̃sɔ yeti ɓiɓɛ ɓɛɛ. Tĩnang tãanang kaɓa, ɓa ɓɔɔ zang tãa ka ruu zang laa dɛ̃ɛti tu kopi tu mandɛ̃ɛti ɓɔɔ ri tɔɔ ri palɛ vuu shi kpang ɓarɛ kpang ɓɛɛ katɔ.’

Luka 7:47

Ka ruu nɔngkɔ, n kɔɔ mɔɔ, zang yaa wu gbalang vuu shi kpang ɓiɓɛ ɓɔɔ dɔɔli tɔ, ka ruu ɓɔɔ tusu nɛɛ wu kasɛ m dɔɔli ɓɛɛ. Zang ɓɔɔ zang yaa wu gbalang tɔkɔlɔng, kasɛ ruu zang ɓi tɔkɔlɔng.”

Rooma 5:20

Laa átɛ̀ nyaa dannang ɓiɓɛ nɛɛ tɔɔ, vuu shi kpang palɛnang wu shangnɛ. A ka nɔng ɓɔɔ vuu shi kpang shang dɔɔli, Laa palɛ tɔ̃ɔ ka nɔngkɔ gbãng gbãng.

Rooma 8:30

A Laa tá (shɛ̃ɛrɛ) rɛɛ zang ɓɔɔ wu ɓàa ri nyaa dang gbete. Zang kɔ wu ɓaa ri nyaa ɓee, risi ri nɛɛ ri nwang zang tɔ̃ɔ ka tĩng ɓiɓɛ. A á zang kɔ wu risi ri nɛɛ ri nwang zang tɔ̃ɔ ɓee, bannang kati.

Rooma 9:30

Ruu kɔ̀ɔ́ ɓu nɛɛ viya? Ruu kɔɔ nɛɛ, zang ɓɔɔ ri zang Yahudi kpang, ɓɔɔ bɛ̀ɛ́ ri tɔɔ ri risi yuu ɓarɛ, ri nwang zang tɔ̃ɔ ka tĩng Laa kpang. A Laa risi ri tɔ, ri nwáng zang tɔ̃ɔ tɔ ka tĩng ɓiɓɛ, ka ruu danggn ɓɔɔ ri shing ka bii ɓiɓɛ ɓɛɛ.

1 Tesalonika 2:13

A vuu ɓɔɔ shingnɛ ruu zãa Laa diki diki ɓɛɛ kagn. Ruu atɛ nɔɔ ruu ɓɔɔ Laa shong nyaa nɛɛ mani ɓɛɛ, nɔɔ tãayi, a nɔɔ tarɛ. Wu naa nyaa shonang shɔnzang kpang, naa nyaa shonang Laa. Ti nyaa shonang Laa kɔ niizang. Ka ruu nɔngkɔ, Ruu Laa ti kɔ̃̀sɔ́ yeti manɛ kana ɓɔɔ nɔɔ shing danggn tɔ ɓɛɛ.