Matiyu 2:4 - Nyaa Shɔɔ Ɓɔɔ Laa a Ɓɛɛ

⁴ A Hiridu kpalɛ Kpanti zang ɓɔɔ ri dɔɔ vuu ka Gãa Laa nɛɛ zang ɓɔɔ ri túsú zang labeenang nyaa dannang Laa, a hɛ̃ɛ ri tɔɔ, Labeenang nyaa dannang Laa tɔ̀ɔ́, zang naa yi Kirisi, zang ɓɔɔ naa a ɓɛɛ, ɓu ka niya?

Matiyu 2:4 Σταυροειδείς Αναφορές

Matiyu 13:52

Yeesɔ kɔɔ ri tɔɔ, “Ka ruu nɔngkɔ, zang piti ɓɔɔ zi labeenang Laa, a ti zi naa ɓɔɔ Laa naa roo kpanti, zang keɓe nwang naa zang gãa ɓɔɔ nwangsɛ vuu shɔɔ nɛɛ ɓɔɔ gbaala nɛɛ nɔng ɓɔɔ wu tɛ̃ɛ vuu ɓiɓɛ ɓɛɛ.”

Matiyu 2:3

Ɓu doo ɓɔɔ Kpanti Hiridu tãa naa weɓe, yeti ɓiɓɛ lasɛ dɔɔli nɛɛ ɓɔ̀ɔ́ zang ɓɔɔ ri ka Urushalima nandon.

Matiyu 2:5

A ri kɔɔ wu tɔɔ, “Ka Bɛtalami ɓɔɔ ka tipi Yahudi ɓɛɛ. Zang nyaa shonang Laa bée nɔngkɔ ka tĩng tɛ̃ɛ tɛ̃ɛ. Zang nyaa shonang Laa beeyi tɔɔ,

Matiyu 21:15

Ɓɔɔ zang bang bang zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, ri zi vuu ɓɔɔ zang zirɛ zang mã naa ka danggn ɓɔɔ Yeesɔ palɛ naa weɓe, nɛɛ nyaa ɓɔɔ wujɛ goo ka Gãa Laa nɛɛ, “Zang wu dɔɔ Jaa Dawuda,” gnvɔ shaa ri dɔɔli.

Matiyu 21:23

A Yeesɔ naa daa tɔkn yeti Gãa Laa. Tusu zang vuu kana, a zang bang bang zang ɓɔɔ ri dɔɔ vuu ka Gãa Laa nɛɛ zang bang bang zang Yahudi, ri a ka bii ɓiɓɛ. Ri hɛ̃ɛ wu tɔɔ, “Mɔɔ walɛ naa vuu palɛnang keɓe ka niya? Ɓu wi, a mɔɔ naa vuu keɓe palɛnang wiya?”

Matiyu 26:3

Zang bang bang zang ɓɔɔ ri dɔɔ vuu ka Gãa Laa, nɛɛ zang bang bang zang Yahudi ri kpalɛ zɔɔ ka yeti gãa Kayifa, Kpanti zang ɓɔɔ ri dɔɔ vuu ka Gãa Laa.

Matiyu 26:47

Yeesɔ rang yee doo naa nyaa, a Yahuda zang gbete ka teteng zang kopi tu ziti ɓɔɔ ri mantɛ vuu ka bii ɓiɓɛ a kati. Yahuda a nɛɛ zang dɔɔli ɓɔɔ rɛɛ zang bang bang zang ɓɔɔ ri dɔ́ɔ vuu ka Gãa Laa, nɛɛ zang bang bang zang Yahudi ri shong ɓɛɛ ning. Zang kaɓa, ri see yere bang, nɛɛ labasaa ka naa ning.

Matiyu 27:1

Nɔng naa gãntɛ tɔ, a zang bang bang zang ɓɔɔ ri dɔɔ vuu ka Gãa Laa nɛɛ zang bang bang zang Yahudi ri tɔ̀ng zɔɔ kaa naa ɓɔɔ ri naa nyɔ Yeesɔ ɓɛɛ.

Matiyu 7:29

Ka ruu ɓɔɔ, tusu zang vuu naa shɔnzang ɓɔɔ Laa a wu naa ɓɛɛ. Wu náa ɓɔ̀ɔ́, zang ɓarɛ ɓɔɔ tusu ri labeenang Laa ɓɛɛ kpang.

Maraku 8:31

Yeesɔ gaa ri tɔɔsung vuu tusunang tɔɔ, “Ɓɔɔ n Jaa shɔnzang n naa dang jĩng ditɔ dɔɔli. Zang bang zang Yahudi, nɛɛ zang bang bang zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, ri naa bɛ̃ɛ m ditɔ. Zang naa nyɔ m vɔrɔ, Laa naa wisi m paa ka lee ɓɔɔ diki daa taati ɓɛɛ.”

Luka 20:19

Zang ɓɔɔ ri zi labeenang Laa dɔɔli, nɛɛ zang bang bang zang ɓɔɔ ri dɔɔ vuu ka Gãa Laa ɓɔɔ ri tãa ruu keɓe, nɛɛ ri yi Yeesɔ kaa tɔ tantɛnang, ka ruu ɓɔɔ, ri zi tɔ nɛɛ Yeesɔ kɔɔ ruu keɓe ka yuu ɓarɛ kɔ ɓɛɛ. Ri yi wu kaa takpang, ka ruu ɓɔɔ, ri kaa vɔrɔ zang ɓɔɔ ka nɔng ɓɛɛ.

Luka 23:10

Rɛɛ zang bang bang zang ɓɔɔ ri dɔɔ vuu ka Gãa Laa, nɛɛ rɛɛ zang ɓɔɔ ri tusu zang labeenang Laa, ri shi paa ri kɔɔrɔ vuu shi kpang ɓɔɔ ri tɔɔ Yeesɔ palɛ kaa gbãng gbãng.

Yɔhana 18:3

Ka ruu nɔngkɔ, Yahuda sèe rɛɛ sɔɔja nɛɛ zang ɓɔɔ ri gã Gãa Laa, ɓɔɔ rɛɛ zang bang zang ɓɔɔ ri dɔɔ vuu ka Gãa Laa nɛɛ rɛɛ zang Farisi ri shong ri ɓɛɛ, a daa nɛɛ ri ka vɔ̀ɔ́ laa inabi. Zang keɓe ri tùurù vuu waa ka naa, nɛɛ waa zàáng sɔɔ a ɓɔɔ waa tooshi.

Yɔhana 3:10

Yeesɔ kasɛ wu nyaa tɔɔ, “Ɓɔɔ mɔkɔ zang ɓɔɔ tusu zang Isirela vuu kɔ nwani, mɔɔ zi vuu keɓe doo kpang nɛɛ mani ya?

Yɔhana 7:32

Zang Farisi ri tãa naa ɓɔɔ zang ri rangkɛ yee keɓe nɛɛ nwĩiri ka yuu Yeesɔ ɓɛɛ. A ri nɛɛ rɛɛ zang bang zang ɓɔɔ ri dɔɔ vuu ka Gãa Laa ɓɛɛ, ri shong zang ɓɔɔ ka teteng zang ɓɔɔ ri gã Gãa Laa nɛɛ ri daa yi wu.

Yɔhana 8:3

Zang ɓɔɔ ri tusu zang Labeenang Laa nɛɛ rɛɛ zang Farisi, ri atɛ jaa soro ɓɔɔ zang ĩi ka nɔng dũndũng palɛnang ɓɛɛ. Ri daa nɛɛ jaa soro, ri daa shing wu, nɛɛ wu shii ka teteng zang ka tĩng Yeesɔ.

Zang Shonang Yeesɔ 23:9

Ri haa nyaa kana nabm, a zang ɓɔɔ ri zi nyaa dannang Laa dɔɔli ɓɛɛ, ɓɔɔ ri ɓarɛ ka vàá zang Farisi kɔ doori ɓɛɛ, ri shii paa, ri laa nyaa ka yuu ruu keɓe nabm, ri tɔɔ, “Ruu zi vuu shi kpang ɓɔɔ yɔɔ keɓe palɛ ɓuru kpang. A nɛɛ zang nyaa shonang Laa ɓɔɔ ka lapa, kɔ́ suru nɛɛ rang wu yee, nɔɔ zi tɔ ya?”

Zang Shonang Yeesɔ 4:5

Nɔng naa gãntɛ tɔ, a rɛɛ zang bang bang zang Yahudi nɛɛ rɛɛ dabang ɓarɛ, nɛɛ rɛɛ zang ɓɔɔ ri tusu zang labeenang Laa ɓɛɛ, ri kpalɛ zɔɔ ka Urushalima.

Zang Shonang Yeesɔ 6:12

Ɓɔɔ ri tãa ruu keɓe naa weɓe, yeti zang nɛɛ ɓɔɔ zang bang bang zang Yahudi, nɛɛ zang ɓɔɔ ri tusu zang labeenang Laa ɓɛɛ, lasɛ dɔɔli. Ri arɛ, ri naa yi Istifanu ri daa nɛɛ wu ka bii zang ɓɔɔ ri jɛ̃ɛ zang ruu ɓɛɛ.