Matiyu 2:13 - Nyaa Shɔɔ Ɓɔɔ Laa a Ɓɛɛ

¹³ Ɓɔɔ zang ɓɔɔ ri zili sang kaɓa, ri daa tɔ, zang nyaa shonang Kpanti Laa ɓɔɔ ka lapa ɓɛɛ naa nwang nyaa kaa Yusufu ka yeti rɔ̃kɔnang tɔɔ, “Seepaa mɔɔ tuu jaa nɛɛ niiɓɛ, mɔɔ yurɛ, mɔɔ daa nwang nɛɛ ri ka tipi Masara. N naa kɔɔ mɔɔ diki ɓɔɔ mɔɔ yaa nɔng kaɓa ditɔ, ka ruu ɓɔɔ kpanti Hiridu naa kãa jaa keɓe ditɔ, nɛɛ tɔɔ wu nyɔ jaa vɔrɔ ɓɛɛ.”

Matiyu 2:13 Σταυροειδείς Αναφορές

Matiyu 1:20

Ɓɔɔ wu rɛ̃rɛ doo ka naa ɓɛɛ, zang nyaa shonang Kpanti Laa ɓɔɔ ka lapa, naa a ka bìí ɓiɓɛ, a kɔɔ wu ka yeti rɔ̃kɔnang tɔɔ, “Yusufu jaa zɔ̃ng Dawuda, mɔ́ɔ káa vɔrɔ soro ɓaaɓɛ Marayamu shinnang kpang. Jaa kɔ wu tuu ka yeti ɓee, a ɓi nɛɛ bìí Suru Laa.

Matiyu 10:23

Zang nɛɛ dang nɔɔ jĩng kana ka gari gbete, nɔɔ yurɛ nɔ́ɔ daa ka gari ɓɔɔgn. N kɔɔ nɔɔ ruu ɓɔɔ niizang kɔ nwani Jaa Shɔnzang naa arɛ, bɛ̀ɛ́ nɔɔ hangsɛ nyaa shonang manɛ palɛnang gn gari zang Isirela nandon kpang.

Matiyu 2:12

a ri sɔɔ gbalang ɓɔɔgn, ri daa gãa ɓarɛ kati, ka ruu ɓɔɔ, Kpanti Laa shaarɛ ri nyaa ka yeti rɔ̃kɔnang, nɛɛ ri sɔ̀ɔ bii kpanti Hiridu takpang ɓɛɛ.

Matiyu 2:14

A Yusufu seepaa tuu jaa nɛɛ niiɓɛ, nɛɛ zĩi, a daa nɔng ka tipi Masara.

Matiyu 2:16

Ɓɔɔ Hiridu naa zirɛ nɛɛ, zang ɓɔɔ ri zili sang ri nwãarɛ wu tɔ naa weɓe, gnvɔ shàa wu dɔɔli. Shong zang nɛɛ zang daa nyɔkɔ wujɛ varɛ nandon ɓɔɔ saa ɓarɛ ɓa ziti gn kpang ɓɛɛ vɔrɔ, ka gari Bɛtalami nɛɛ nɔng ɓɔɔ kiiri Bɛtalami nyaa naabm. Hiridu palɛ nɔngkɔ ka naa ɓɔɔ wu tãa nyaa diki ɓɔɔ sang nwang nyaa ting shɔɔnang ka bii zang ɓɔɔ ri zili sang ɓɛɛ.

Matiyu 2:22

Ɓɔɔ Yusufu naa tãa nyaa tɔɔ, Akeliyu jaa Hiridu kɔ roo kpanti ka nyaa tipi Yahudi ka nɔng diiɓɛ, a kaa vɔrɔ Yahudi daanang kati. Kpanti Laa ti naa kɔɔ wu ka yeti rɔ̃kɔnang, nɛɛ wu daa ka tipi Galili.

Zang Shonang Yeesɔ 10:22

Ri kasɛ wu nyaa tɔɔ, “Zang bang sɔɔja ɓɔɔ zang ɓaa wu nɛɛ Koneliyu kɔ shong ruu. Koneliyu zang tɔ̃ɔ, bang Laa, a zang Yahudi nandon, ri a wu bannang dɔɔli. Zang nyaa shonang Laa ɓɔɔ ka lapa ɓɛɛ gbete, kɔɔ wu nɛɛ wu ɓaa mɔɔ nyaa ka gãa ɓiɓɛ. Nɛɛ tɔ̀ɔ wu tãa vuu ɓɔɔ mɔɔ kɔɔ ɓɛɛ.”

Zang Shonang Yeesɔ 10:7

Ɓɔɔ zang nyaa shonang Laa ɓɔɔ ka lapa ɓɔɔ rang yee nɛɛ wu daa tɔ, Koneliyu ɓaa nyaa ka rɛɛ zang varɛ ziti ka teteng zang ɓɔɔ ri palɛ shonang ka gãa ɓiɓɛ, nɛɛ yɔɔ sɔɔja gbete ka teteng rɛɛ sɔɔja ɓɔɔ ri gã wu ɓɛɛ. Yɔɔ keɓe dũng doo Laa kɔ.

Zang Shonang Yeesɔ 12:11

A Bituru zi vuu ɓɔɔ pálɛ́ wu kati, a kɔɔyi tɔɔ, “N zi tɔ kati nɛɛ vuu keɓe niizang kɔ nwani. Laa shong zang nyaa shonang ɓiɓɛ ɓɔɔ ka lapa ɓɛɛ náa tà m nɛɛ naa Hiridu, a ti ta m nɛɛ vuu ɓɔɔ zang Yahudi nandon, ri shing gn nɛɛ naa palɛ m ɓɛɛ.”

Zang Shonang Yeesɔ 12:7

Zang nyaa shonang Laa ɓɔɔ ka lapa ɓɛɛ, nwang nyaa ka yeti sãa. Shiiyi, a yeti sãa yakɛ kaa gbayi gbayi. Zang nyaa shonang Laa bìí zĩiti Bituru ka nyaa zãngzãng a hingsi wu. Kɔɔ wu tɔɔ, “Yupaa pati.” Soo saka ɓɔɔ zang mãlɛ naa Bituru nɛɛ mani tantɛ tɛ̃ɛnang ka tipi.

Zang Shonang Yeesɔ 16:36

Zang ɓɔɔ gã sãa daa kɔɔ Bulu kati nɛɛ, “Rɛɛ zang bang ri shong nyaa ka ruu ɓaaɓɛ nɛɛ Siila, nɛɛ n yaa nɔɔ naa ta. Nɔɔ yupaa ta, nɔɔ daa waasɛ̃.”

Zang Shonang Yeesɔ 5:19

Nɛɛ zĩi zang nyaa shonang Laa ɓɔɔ ka lapa arɛ naa puu nyaa sãa, a nwangsɛ ri ka biling. A kɔɔ ri tɔɔ,

Zang Shonang Yeesɔ 7:19

Kpanti keɓe ta yeti shi kpang, nɛɛ rɛɛ zɔ̃ng ɓuru, dàng rɛɛ dabang ɓuru jĩng, ka ruu ɓɔɔ, shíng ri nɛɛ gbãng gbãng ning nɛɛ ri vang jaa rɛ̃ɛting ɓarɛ ka biling nɛɛ tɔ̀ɔ, ri vɔlɔ ɓɛɛ.

Vuu ɓɔɔ zang nwangsɛ Yɔhana 12:14

A zang a jaa soro nasãng ziti naa ɓɔ̀ɔ́ gangong, ka ruu nɔngkɔ, tãayi yaa sɔkɔ bang. Tãayi daa ka nɔng ɓɔɔ zang gbàrɛ̀ wu ka jĩngti ɓɛɛ. Daa nwang ka nɔngkɔ, zang gãng jĩng ka wu saa taati nɛɛ shala mangbete.

Vuu ɓɔɔ zang nwangsɛ Yɔhana 12:4

Naa zang basɛ sang kɔ ka lapa ɓee tĩng taati. Sɔkɔ keɓe, waarɛ ɓɔɔ tĩng gbete nɛɛ dãng ɓiɓɛ, vang ri ka tipi. A sɔkɔ bìí daa shii ka tĩng jaa soro ɓɔɔ nɛɛ wu yi kaa jaa ɓɛɛ, nɛɛ tɔɔ wu shaa jaa ɓɔɔ jaa soro yi ɓɛɛ kati.

Vuu ɓɔɔ zang nwangsɛ Yɔhana 12:6

A jaa soro bìí ti yurɛ daa ka jĩngti, ka nɔng ɓɔɔ Laa gbàrɛ̀ wu ɓɛɛ. Zang gãng jĩng ka wu diki labang gbete tu laa maani dakn ziti a tu laa taati ɓɛɛ.