Matiyu 2:12 - Nyaa Shɔɔ Ɓɔɔ Laa a Ɓɛɛ

¹² a ri sɔɔ gbalang ɓɔɔgn, ri daa gãa ɓarɛ kati, ka ruu ɓɔɔ, Kpanti Laa shaarɛ ri nyaa ka yeti rɔ̃kɔnang, nɛɛ ri sɔ̀ɔ bii kpanti Hiridu takpang ɓɛɛ.

Matiyu 2:12 Σταυροειδείς Αναφορές

Matiyu 1:20

Ɓɔɔ wu rɛ̃rɛ doo ka naa ɓɛɛ, zang nyaa shonang Kpanti Laa ɓɔɔ ka lapa, naa a ka bìí ɓiɓɛ, a kɔɔ wu ka yeti rɔ̃kɔnang tɔɔ, “Yusufu jaa zɔ̃ng Dawuda, mɔ́ɔ káa vɔrɔ soro ɓaaɓɛ Marayamu shinnang kpang. Jaa kɔ wu tuu ka yeti ɓee, a ɓi nɛɛ bìí Suru Laa.

Matiyu 2:13

Ɓɔɔ zang ɓɔɔ ri zili sang kaɓa, ri daa tɔ, zang nyaa shonang Kpanti Laa ɓɔɔ ka lapa ɓɛɛ naa nwang nyaa kaa Yusufu ka yeti rɔ̃kɔnang tɔɔ, “Seepaa mɔɔ tuu jaa nɛɛ niiɓɛ, mɔɔ yurɛ, mɔɔ daa nwang nɛɛ ri ka tipi Masara. N naa kɔɔ mɔɔ diki ɓɔɔ mɔɔ yaa nɔng kaɓa ditɔ, ka ruu ɓɔɔ kpanti Hiridu naa kãa jaa keɓe ditɔ, nɛɛ tɔɔ wu nyɔ jaa vɔrɔ ɓɛɛ.”

Matiyu 2:19

Hiridu naa vɔ tɔ, a zang nyaa shonang Kpanti Laa ɓɔɔ ka lapa naa nwang nyaa kaa Yusufu tɔkn, ka yeti rɔ̃kɔnang ka Masara,

Matiyu 2:22

Ɓɔɔ Yusufu naa tãa nyaa tɔɔ, Akeliyu jaa Hiridu kɔ roo kpanti ka nyaa tipi Yahudi ka nɔng diiɓɛ, a kaa vɔrɔ Yahudi daanang kati. Kpanti Laa ti naa kɔɔ wu ka yeti rɔ̃kɔnang, nɛɛ wu daa ka tipi Galili.

Matiyu 27:19

Bilatu nwang doo ka nɔng ruu jɛ̃ɛnang ɓiɓɛ, a ɓeeso shong wu nyaa tɔɔ, “Mɔɔ yi naa ka bii shɔnzang tɔ̃ɔ kiɓi kpang. N dang jĩng ka yeti rɔ̃kɔnang nɛɛ zĩi lɛɛkɔ ka ruu ɓiɓɛ dɔɔli.”

Luka 2:26

Suru Laa ti kɔɔ wu nɛɛ wu zi Kirisi zang ɓɔɔ Laa tɔɔ arɛ naa ta yuu zang ka gbongkarɛ tɔɔ wu vɔrɛ.

Zang Shonang Yeesɔ 10:22

Ri kasɛ wu nyaa tɔɔ, “Zang bang sɔɔja ɓɔɔ zang ɓaa wu nɛɛ Koneliyu kɔ shong ruu. Koneliyu zang tɔ̃ɔ, bang Laa, a zang Yahudi nandon, ri a wu bannang dɔɔli. Zang nyaa shonang Laa ɓɔɔ ka lapa ɓɛɛ gbete, kɔɔ wu nɛɛ wu ɓaa mɔɔ nyaa ka gãa ɓiɓɛ. Nɛɛ tɔ̀ɔ wu tãa vuu ɓɔɔ mɔɔ kɔɔ ɓɛɛ.”

Zang Shonang Yeesɔ 4:19

Bituru nɛɛ Yɔhana kasɛ ri nyaa tɔɔ, “Nɔɔ sée karɛ ka yeti manɛ nɔɔ zirɛ, wi tɔ̃ɔ ka tĩng Laa wiya? Naa rùu ɓaa shoo ka nyaa manɛ ya, kɔ ruu ɓaa shoo ka nyaa Laa?

Zang Shonang Yeesɔ 5:29

Bituru nɛɛ rɛɛ zang shonang Yeesɔ ɓɔɔ nɛɛ wu ri kasɛ wu nyaa tɔɔ, “Ruu ɓáa shoo ɓuru ka nyaa Laa, ɓa ɓɔɔ ruu ɓaa shoo ka nyaa shɔnzang katɔ.

1 Koranti 3:19

N kɔɔ nɔngkɔ, ka ruu ɓɔɔ, vuu ɓɔɔ zang zili ka koo keɓe nɛɛ ɓi zũnang, ka jĩng Laa ɓi vuu shoko. Vuu ɓɔɔ zang bee ka yeti labeenang Laa niizang kɔ nwani. Zang beeyi nɛɛ, “Laa yi zang ɓɔɔ ri zũng dɔɔli ka nɔng ɓɔɔ ri palɛ zang zũnang ɓɛɛ.”

Yahudi 11:7

Danggn shinnang Nuhu kɔ shing wu, ɓaa shoo ka nyaa ɓɔɔ Laa shaarɛ wu ka yuu vuu ɓɔɔ naa a ka tĩng ɓɔɔ wu zi gn kpang ɓɛɛ. Ɓaa shoo ka nyaa Laa, a palɛ laana ɓɔɔ wu tá yuu zang ɓɔɔ ri ka gãa ɓiɓɛ ɓɛɛ. Túsú ka danggn ɓɔɔ wu shíng ɓɛɛ nɛɛ, zang koo keɓe ri palɛ ɓarɛ vuu shi kpang, a raa kaa zang ɓɔɔ Laa tɔɔ wu ɓi zang tɔ̃ɔ ɓɛɛ, ka ruu danggn ɓɔɔ wu shing ɓɛɛ.

Yahudi 8:5

Ri palɛ shonang ɓarɛ ka koo, nɔng ɓɔɔ zang gãsɛ ɓi nɛɛ ɓɔɔ ka lapa ɓɛɛ. Nwang ɓi naa jasuru nɔng keɓe ɓɔɔ ka lapa ɓɛɛ. Ka ruu nɔngkɔ, ka ɓɔɔ Musa bɛ̀ɛ́ nɛɛ wu ɓàá Laa kaa putali ɓɔɔ zang bang wu kagn ɓɛɛ, Laa shaarɛ wu nyaa tɔɔ, “Shing jĩng kagn, mɔɔ palɛ vuu piti ka doo naa ɓɔɔ zang tusu mɔɔ ka yuu kɔpɔ ɓɛɛ.”