Matiyu 2:1 - Nyaa Shɔɔ Ɓɔɔ Laa a Ɓɛɛ

¹ Zang yi Yeesɔ tɔ ka gari Bɛtalami ɓɔɔ ka tipi Yahudi, ka diki ɓɔɔ Hiridu roo kpanti ɓɛɛ. A zang ɓɔɔ ri zi naa ɓɔɔ sang nwang ɓɛɛ, ri seepaa kaa nɛɛ paa ɓɔɔ laa nwang nɔng, ri a ka gari Urushalima. A ri hɛ̃ɛ zang tɔɔ,

Matiyu 2:1 Σταυροειδείς Αναφορές

Matiyu 1:25

Yusufu ɓang bii nɛɛ Marayamu doo gbete kpang, a Marayamu naa yi jaa kaa zang varɛ, a Yusufu ɓaa nung ɓiɓɛ nɛɛ Yeesɔ.

Matiyu 2:16

Ɓɔɔ Hiridu naa zirɛ nɛɛ, zang ɓɔɔ ri zili sang ri nwãarɛ wu tɔ naa weɓe, gnvɔ shàa wu dɔɔli. Shong zang nɛɛ zang daa nyɔkɔ wujɛ varɛ nandon ɓɔɔ saa ɓarɛ ɓa ziti gn kpang ɓɛɛ vɔrɔ, ka gari Bɛtalami nɛɛ nɔng ɓɔɔ kiiri Bɛtalami nyaa naabm. Hiridu palɛ nɔngkɔ ka naa ɓɔɔ wu tãa nyaa diki ɓɔɔ sang nwang nyaa ting shɔɔnang ka bii zang ɓɔɔ ri zili sang ɓɛɛ.

Matiyu 2:19

Hiridu naa vɔ tɔ, a zang nyaa shonang Kpanti Laa ɓɔɔ ka lapa naa nwang nyaa kaa Yusufu tɔkn, ka yeti rɔ̃kɔnang ka Masara,

Matiyu 2:3

Ɓu doo ɓɔɔ Kpanti Hiridu tãa naa weɓe, yeti ɓiɓɛ lasɛ dɔɔli nɛɛ ɓɔ̀ɔ́ zang ɓɔɔ ri ka Urushalima nandon.

Matiyu 2:5

A ri kɔɔ wu tɔɔ, “Ka Bɛtalami ɓɔɔ ka tipi Yahudi ɓɛɛ. Zang nyaa shonang Laa bée nɔngkɔ ka tĩng tɛ̃ɛ tɛ̃ɛ. Zang nyaa shonang Laa beeyi tɔɔ,

Matiyu 2:7

A Hiridu ɓáa nyaa ka zang ɓɔɔ ri zili sang ɓɛɛ dang gbete, nɛɛ wu tãa diki ɓɔɔ sang nwang nyaa tĩng shɔɔnang ka bii ɓarɛ ɓɛɛ.

Luka 1:5

Ka diki ɓɔɔ Hiridu ro kpanti ka tipi Yahudi, zang ɓɔɔ dɔɔ vuu ka Gãa Laa ɓɔɔ kagn, zang ɓaa nung ɓiɓɛ nɛɛ Zakariya. Zakariya ɓi ka teteng zang vàá Abiya, ɓɔɔ ri dɔɔ vuu ka Gãa Laa, ɓɔɔ zang ɓaa ri nɛɛ nung Abiya ɓɛɛ. Yɔɔ keɓe gee jaa soro ka zɔ̃ng Haruna ɓɔɔ bɛ̀ɛ́ wukɔ zang bang zang ɓɔɔ ri dɔɔ vuu ka Gãa Laa ɓɛɛ. Zang ɓaa jaa soro bìí nɛɛ Alisabatu.

Luka 2:11

Zang yi nɔɔ zang ɓɔɔ naa ta yuu manɛ tɔ lɛɛkɔ ka gari ɓɔɔ zang yi Dawuda kagn ɓɛɛ. Wukɔ Kpanti Kirisi.

Luka 2:15

Ɓɔɔ zang nyaa shonang Laa ɓɔɔ ka lapa ri gbãayu tɔ ka lapa, zang jagãng naa kɔɔ zɔɔ tɔɔ, “Ruu daa nɔɔ ta ka Bɛtalami, ruu daa zi vuu kɔ palɛ, a Kpanti Laa kɔɔ ruu ɓɛɛ.”

Yɔhana 7:42

Labeenang Laa kɔ̀ɔyi tɔɔ, Kirisi naa nwang ɓi nɛɛ teteng zɔ̃ng kpanti Dawuda, nɛɛ zang ti naa yi Kirisi ka Bɛtalami, gari ɓɔɔ Dawuda nwáng kagn ɓɛɛ.”