Matiyu 18:9 - Nyaa Shɔɔ Ɓɔɔ Laa a Ɓɛɛ

⁹ Jĩng ɓaaɓɛ kɔ nɛɛ dɔ̃ mɔɔ nɛɛ mɔɔ palɛ vuu shi kpang, zɔ̃ng katɔ mɔɔ tasɛ. Daa nɔng suru bii ɓɔɔ waa nyaa kpang nɛɛ jĩng dang gbete gbã̀ágbãa, ka nung ɓɔɔ zang nɛɛ daa tasɛ mɔɔ nɛɛ jĩng ziti ɓaaɓɛ piti, ka nɔng waa bang ɓɛɛ.

Matiyu 18:9 Σταυροειδείς Αναφορές

Matiyu 16:26

Naa shɔnzang walɛ vuu ɓɔɔ ka koo keɓe nandon, a loo suru bii ɓiɓɛ, vuu koo keɓe nwǎng wu ɓu viya? Vuu ɓɔɔ shɔnzang kɔ̃sɔ suru bii ɓiɓɛ nɔng kagn ya?

Matiyu 18:8

“Náa ɓaaɓɛ kɔ nɛɛ dɔ̃ mɔɔ, mɔɔ palɛ vuu shi kpang, dɔng katɔ mɔɔ tasɛ. Nɛɛ ti doo ɓaaɓɛ kɔ nɛɛ dɔ̃ mɔɔ jong, mɔɔ ti dɔngnɛ mɔɔ tasɛ. Daa nɔng suru bii ɓɔɔ waa nyaa kpang nɛɛ naa dang gbete, nɛɛ doo dang gbete gbã̀ágbãa, ka nung ɓɔɔ zang nɛɛ daa tasɛ mɔɔ nɛɛ naa ziti ɓaaɓɛ, nɛɛ doo ziti ɓaaɓɛ nandon, ka waa ɓɔɔ wàa nyaa kpang ɓɛɛ.

Matiyu 19:17

A Yeesɔ kasɛ wu nyaa tɔɔ, “Mɔɔ hɛ̃ɛ m ruu vuu ɓɔɔ tɔ̃ɔ ka ruu viya? Laa kɔ tɔ̃ɔ gbete. Mɔɔ nɛɛ kasɛ suru bii ɓɔɔ waa nyaa kpang, dũng nyaa ɓɔɔ Kpanti Laa dang ɓɛɛ.”

Matiyu 5:22

A kãntang keɓe, n kɔɔ nɔɔ, naa shɔnzang ɓɔɔ tuu gnvɔ nɛɛ ɓeezung, zang naa jɛ̃ɛ wu ruu katɔ. Naa shɔnzang ɓɔɔ ti kɔɔ ɓeezung nɛɛ ‘Rang waati keɓe.’ Zang daa nɛɛ wu ka dabang kpanti. Naa zang ɓɔɔ ti ɓaa ɓeezung nɛɛ ‘Shoko.’ Zang tasɛ wu ka waa.

Matiyu 5:29

Jĩng nakn ɓaaɓɛ kɔ nɛɛ shing mɔɔ mɔ́ɔ palɛ vuu shi kpang zɔ̃ng ta mɔɔ tasɛ. Nwang nɛɛ jĩng dang gbete gbã̀ágbãa, ka nung ɓɔɔ zang nɛɛ daa tasɛ bii bang ɓaaɓɛ ka waa dɔ̃ɔ gbete ɓɛɛ.

Maraku 9:47

Jĩng ɓaaɓɛ kɔ nɛɛ dɔ̃ mɔɔ, nɛɛ mɔɔ palɛ vuu shi kpang, zɔ̃ng ta mɔɔ tasɛ. Daa nɔng ɓɔɔ Laa roo Kpanti nɛɛ jĩng dang gbete gbã̀ágbãa, ka nung ɓɔɔ zang tasɛ mɔɔ nɛɛ jĩng ɓaaɓɛ ziti piti ka waa ɓɔɔ ning ɓi kpang ɓɛɛ.

Zang Shonang Yeesɔ 14:22

Ri mã zang ɓɔɔ ri shing danggn tɔ danggn, ri kɔɔ ri nɛɛ ri yáa danggn kɔ ri shing ɓee kpang. Ri kɔɔyi nɛɛ, “Rùu dàng jĩng dɔɔli ka gbongkarɛ, tɔ̀ɔ, ruu daa nɔng ɓɔɔ Laa roo kpanti ɓɛɛ kati.”

Yahudi 4:11

Ka ruu nɔngkɔ, ruu palɛ vuu ɓɔɔ ruu zunung katɔ ɓɛɛ, ruu daa nɔɔ nɔng ɔ̃sɔnang kaɓa. Zang ɓɔɔ ka teteng ɓuru wu ta nyaa Laa naa ɓɔɔ ri palɛ, a ri daa nɔng ɔ̃sɔnang Laa kpang ɓɛɛ kpang.

Vuu ɓɔɔ zang nwangsɛ Yɔhana 21:27

A vuu shi kpang ɓɔɔ daa ka yeti gari kaɓa kpang. Zang ɓɔɔ ri palɛ vuu baabii, nɛɛ zang ɓɔɔ ri suru sèé ri ti daa yeti gari kaɓa kpang jong. Zang ɓɔɔ ri daa yeti gari kaɓa, ɓi zang ɓɔɔ zang béeré nung ɓarɛ tɔ, ka yeti labeenang Jaa Mɛ̀ɛrɛ́, ɓɔɔ zang beere nung zang ɓɔɔ ri walɛ suru bii ɓɔɔ waa nyaa kpang tɔ kagn ɓɛɛ.