Matiyu 18:16 - Nyaa Shɔɔ Ɓɔɔ Laa a Ɓɛɛ

¹⁶ Nɛɛ ɓaa shoo ka nyaa ɓaaɓɛ kpang, mɔɔ ti daayi, mɔ́ɔ daa ɓaa zang gbete kɔ zang ziti ɓɔɔgn nyaa, ka ruu ɓɔɔ, zang ziti kɔ taati nɛɛ kɔɔ nyaa gbete ka yuu ruu, ruu keɓe ɓi niizang kɔ ɓɛɛ.

Matiyu 18:16 Σταυροειδείς Αναφορές

Yɔhana 8:17

Ka yeti Labeenang nyaa dannang manɛ, zang beeyi nɛɛ naa zang ziti ri kɔɔ nyaa gbete, ruu ɓarɛ ɓi niizang kɔ nwani.

2 Koranti 13:1

Anang mɛɛ ka bii manɛ ɓɔɔ n naa leng jĩng ka nɔɔ, daa kaa nɛɛ weɓe doo taati. Zang bee ka yeti labeenang Laa tɔɔ, “Zang nɛɛ kɔɔyi nɛɛ zang ɓɔɔ palɛ vuu shi kpang, zang ziti kɔ taati ri kasɛ nyaa kagn gbongkarɛ nɛɛ nɔngkɔ”.

1 Timoti 5:19

Naa zang tɔɔ zang bang ɓɔɔ palɛ vuu shi kpang. Zang ɓɔɔ ri naa kɔɔ mɔɔ, ri nɛɛ ɓa ziti katɔ kpang, mɔɔ ɓaa shoo ka nyaa ɓarɛ kpang.

Yahudi 10:28

Zang ɓɔɔ nɛɛ ta nyaa dannang Musa tɔ, naa zang ziti kɔ taati nɛɛ kɔɔyi nɛɛ nɔngkɔ. Zang nyɔ zang keɓe vɔrɔ, gn ɓiɓɛ kɔng zang kpang.

Vuu ɓɔɔ zang nwangsɛ Yɔhana 11:3

N shong zang mɛɛ ziti ɓɔɔ ri daa kɔɔ zang ruu ka yuu mɛɛ ɓɛɛ. Ri naa hã̀lɛ́ fɔ̃ɔrɔ ɓɔɔ zang ɓɔɔ ri kaa nyavɔ ri hã̀lɛ́ ɓɛɛ. N a ri naa ri kɔɔ zang ruu ka yuu mɛɛ diki labang gbete tu laa maani dakn ziti, tu laa taati.”