Matiyu 18:10 - Nyaa Shɔɔ Ɓɔɔ Laa a Ɓɛɛ

¹⁰ “Nɔɔ palɛ tɔ̃ɔ, nɔ́ɔ pɛ̃́ɛrɛ̀ jaa tɔkɔlɔng gbete ka teteng wujɛ keɓe nɛɛ jĩng gɔɔnang kpang. N kɔɔ nɔɔ, zang nyaa shonang Laa ɓɔɔ ɓarɛ, ɓɔɔ ri ka lapa, ri pɛ̃ɛrɛ ɓi waa nyaating Daa mɛɛ ɓɔɔ ka lapa diki diki.

Matiyu 18:10 Σταυροειδείς Αναφορές

Matiyu 1:20

Ɓɔɔ wu rɛ̃rɛ doo ka naa ɓɛɛ, zang nyaa shonang Kpanti Laa ɓɔɔ ka lapa, naa a ka bìí ɓiɓɛ, a kɔɔ wu ka yeti rɔ̃kɔnang tɔɔ, “Yusufu jaa zɔ̃ng Dawuda, mɔ́ɔ káa vɔrɔ soro ɓaaɓɛ Marayamu shinnang kpang. Jaa kɔ wu tuu ka yeti ɓee, a ɓi nɛɛ bìí Suru Laa.

Matiyu 12:20

Ti naa ka lagaa ɓɔɔ lang katɔ kpang. Ti naa ningsi waa zàáng sɔɔ ɓɔɔ ning kana kpang. Wu ti yi tĩng nɛɛ Ruu Laa sasak, zang piti ri zi ruu ɓɔɔ niizang nɛɛ mani.

Matiyu 18:14

Daa manɛ ɓɔɔ ka lapa, nwang doo nɔngkɔ. Kasɛ nɛɛ jaa tɔkɔlɔng gbete ka teteng wujɛ seseere keɓe, wu shaarɛ kpang.

Matiyu 18:6

“Zang piti ɓɔɔ nɛɛ shing jaa tɔkɔlɔng ka teteng wujɛ seseere ɓɔɔ ri shing danggn ka bii mɛɛ a ri yaa danggn shinnang, jĩng dannang zang kaɓa ɓa ɓɔ̀ɔ zang nɛɛ mã̀ wu ree bang ka turu, zang tasɛ wu ka yeti sàá mii waapo katɔ.

Matiyu 2:13

Ɓɔɔ zang ɓɔɔ ri zili sang kaɓa, ri daa tɔ, zang nyaa shonang Kpanti Laa ɓɔɔ ka lapa ɓɛɛ naa nwang nyaa kaa Yusufu ka yeti rɔ̃kɔnang tɔɔ, “Seepaa mɔɔ tuu jaa nɛɛ niiɓɛ, mɔɔ yurɛ, mɔɔ daa nwang nɛɛ ri ka tipi Masara. N naa kɔɔ mɔɔ diki ɓɔɔ mɔɔ yaa nɔng kaɓa ditɔ, ka ruu ɓɔɔ kpanti Hiridu naa kãa jaa keɓe ditɔ, nɛɛ tɔɔ wu nyɔ jaa vɔrɔ ɓɛɛ.”

Matiyu 2:19

Hiridu naa vɔ tɔ, a zang nyaa shonang Kpanti Laa ɓɔɔ ka lapa naa nwang nyaa kaa Yusufu tɔkn, ka yeti rɔ̃kɔnang ka Masara,

Matiyu 24:31

N naa shong zang nyaa shonang mɛɛ ɓɔɔ lapa ditɔ nɛɛ vuukãng ɓɔɔ káa dɔɔli ɓɛɛ, tɔɔ ri kpalɛ m zang mɛɛ ɓɔɔ n shɛ̃ɛrɛ ka koo keɓe piti, nɛɛ paa ɓɔɔ laa nwang nɔng, a ɓɔɔ nɛɛ dii ɓɔɔ laa hãa nyaa kagn ɓɛɛ.

Luka 1:19

A zang nyaa shonang Laa ɓɔɔ ka lapa kasɛ wu nyaa tɔɔ, “Nkɔ Jibirilu ɓɔɔ shíi ka tĩng Laa ɓɛɛ. Laa shong m nɛɛ n naa rang yee nɛɛ mɔɔ, nɛɛ n kɔɔ mɔɔ ruu tɔ̃ɔ keɓe.

Luka 10:16

A kɔɔ zang ɓɔɔ ri mantɛ vuu ka bii ɓiɓɛ tɔɔ, “Zang ɓɔɔ nɛɛ ɓaa shoo ka nyaa manɛ, ɓaa shoo ka nyaa mɛɛ kɔ. Zang ɓɔɔ nɛɛ ti bɛ̃ɛ nɔɔ bɛ̃ɛ ɓi nkɔ. Zang ɓɔɔ nɛɛ ti bɛ̃ɛ m, bɛ̃ɛ ɓi zang ɓɔɔ shong m ɓɛɛ.”

Luka 16:22

“Zang ɓɔɔ ɓi zang ying kpang kaɓa naa vɔrɛ, zang nyaa shonang Laa ɓɔɔ ka lapa ri naa tuu suru bii ɓiɓɛ ri daa shing wu ka kagn Ibirayi. A yɔɔ ɓɔɔ ɓi zang ying ti naa vɔrɛ, zang gbãa wu.

Zang Shonang Yeesɔ 10:3

Diki ɓɔɔ kagn bɛ̀ɛ́ laa kpɛ̃ɛ tɔ, nung saka taati, Koneliyu rɔ̃kɔ. Ka rɔ̃kɔnang keɓe, zi zang nyaa shonang Laa ɓɔɔ ka lapa ɓɛɛ gbàrɛ gbàrɛ arɛ a ɓaa wu nyaa tɔɔ, “Koneliyu.”

Zang Shonang Yeesɔ 12:15

Ri kɔɔ wu nɛɛ, “Shoko ta mɔɔ katɔ.” Jaa bìí yi tĩng nɛɛ wukɔ niizang. Ri kɔɔyi nɛɛ, “Ɓi zang nyaa shonang Laa ɓɔɔ ka lapa ɓɛɛ.”

Zang Shonang Yeesɔ 12:23

Zang nyaa shonang Laa ɓɔɔ ka lapa tantɛ wu waanang nɛɛ kɔnang, ka ruu ɓɔɔ, a Laa bannang kpang ɓɛɛ. Jaagn ri shaa wu, a vɔrɛ.

Zang Shonang Yeesɔ 27:23

Ka ruu ɓɔɔ, ka ɓɔɔrɔ nɛɛ zĩi, zang nyaa shonang Laa ɓɔɔ ka lapa nɛɛ a ka bii mɛɛ. Laa ɓɔɔ n zang ɓiɓɛ, a n ti bang wu ɓɛɛ.

Zang Shonang Yeesɔ 5:19

Nɛɛ zĩi zang nyaa shonang Laa ɓɔɔ ka lapa arɛ naa puu nyaa sãa, a nwangsɛ ri ka biling. A kɔɔ ri tɔɔ,

Rooma 14:10

A mɔɔ dɔng ɓaazung, ɓɔɔ dũng doo Laa kɔ ruu ka ruu viya? A mɔɔ zí ɓaazung, ɓɔɔ dũng Laa kɔ naa vuu ɓɔɔ kpang ka ruu viya? Rùu nandon, ruu naa shii ditɔ ka tĩng Laa, wu dɔng rùu, rúu.

Rooma 14:21

Naa mɔɔ yaa yɔpɔ shaanang, nɛɛ sàa ɓoonang, nɛɛ vuu piti ɓɔɔ mɔɔ palɛ, ɓɔɔ shing ɓaazung ɓɔɔ dũng doo Laa kɔ, wu palɛ vuu shi kpang ɓɛɛ, mɔ̀ɔ palɛ vuu tɔ̃ɔ tɔ.

Rooma 15:1

Ɓɔɔ ruu shing danggn ɓuru tɔ gbãng gbãng ɓɛɛ, ruu yi zang ɓɔɔ ri shing danggn doo rɛ̃rɛkɛ naa ka bii, ri shing danggn jong gbãng gbãng. Rúu pálɛ̀ vuu ɓɔɔ shing ruu, rukɔ tãa tĩnang ka bm gbete kpang.

1 Koranti 11:22

Ayii! Gãa manɛ kagn ɓɔɔ naa nɔɔ shaa vuu, nɔɔ ti ɓoo vuu ɓoonang kagn ɓɛɛ kpang ya? Nɔɔ seng zang Laa kpang ka ruu viya? A nɔɔ ti palɛ zang ɓɔɔ vuu ka naa ɓarɛ kpang vuu yusɛ̃ɛ wiya? N kɔ̀ɔ́ nɔɔ ɓu kaa nɛɛ viya? Nɔɔ shing ɓu ka yeti manɛ nɛɛ n dɔ̀ɔ́ nɔɔ katɔ ka ɓɔɔ nɔɔ palɛ naa weɓe ya? Kpang. N dɔ̀ɔ nɔɔ kpang tingkiring.

1 Koranti 16:11

Zang ɓɔɔ wu pɛ̃ɛrɛ wu naa vĩi kpang. Nɔɔ yi wu naa kɔ jong ka bii, nɔ́ɔ a wu vuu ɓɔɔ wu daa zanti nɛɛ mani ɓɛɛ. Tɔ̀ɔ, wu yi gbalang zanti ɓiɓɛ kaa tɔ̀ɔ́ yeti ɓiɓɛ lasɛ katɔ kpang. Wu ti gbãayu wu naa ĩi m ka nihn. Ruu nɛɛ zang ɓɔɔ ri dũng Laa ka nihn ruu gã wu katɔ.

1 Koranti 9:22

Naa n nwàng nɛɛ zang ɓɔɔ ri shing danggn gn gbãng gbãng ka vuu ɓɔɔ ri shing danggn kagn ɓɛɛ kpang, n risi yuu mɛɛ naa ri. Tɔ̀ɔ, n atɛ ri, ri naa dũng Yeesɔ Kirisi. Naa zang nwang doo naa viya, n kasɛ tɔ n risi yuu mɛɛ naa ri. Tɔ̀ɔ, n palɛ vuu ɓɔɔ n zunung katɔ nandon, n gɔ̃ zang ɓɔɔ nɛɛ teteng ɓarɛ ri a ka bii Laa, tɔ̀ɔ, Laa wu ta yuu ɓarɛ kati.

2 Koranti 10:1

Nkɔ Bulu nɛɛ yuu mɛɛ, n gaa nɔɔ, n ɓɔɔ n palɛ vuu hakaka kpang, n ti tuu yuu mɛɛ kpang, naa Kirisi ɓɛɛ. Zang kɔɔrɔ nɛɛ naa n dòo nɛɛ nɔɔ nɔng gbete, n kaa doo vɔrɔ, a n nɛɛ tɔ̀ɔ́ nɛɛ nɔɔ kpang, n kaa vɔrɔ takpang.

2 Koranti 10:10

Zang ɓɔɔ ri kɔɔ katɔ nɛɛ, “Rɛɛ labeenang Bulu kpiti katɔ, a vuu ɓɔɔ wu kasɛ nɛɛ zang ri palɛ bang dɔɔli. A nɛɛ a tɔ ka bii ɓuru, wu zang ɓɔɔ mɔɔ kaa vɔrɔ ɓiɓɛ kpang. Ruu ɓiɓɛ ti kpãa zang takpang.”

Galati 6:1

Rɛɛ manzung, naa zang ɓɔɔ ka teteng manɛ nɛɛ palɛ zɔ̃ng vuu shi kpang ɓɔɔ kagn. Nɔɔ ɓɔɔ Suru Laa kagn bii manɛ, nɔɔ sɔɔrɔ wu tɔkn ka gbalang. Nɔ́ɔ sɔ́ɔrɔ̀ wu kaa tɔ̀ɔ́ nɛɛ hakaka kpang. Zang ɓu wu gãng jĩng ka yuu ɓiɓɛ, wu nɛɛ palɛ vuu shi kpang jong.

1 Tesalonika 4:8

Ka ruu nɔngkɔ, naa zang ɓɔɔ bɛ̃ɛ vuu kɔ ruu tusu ɓee, bɛ̃ɛ ɓi shɔnzang kpang, bɛ̃ɛ ɓi Laa ɓɔɔ a ruu Suru ɓiɓɛ ɓɛɛ.

1 Timoti 4:12

Mɔ́ɔ yaa zang ɓɔɔ wu risi mɔɔ naa vĩi, ka ruu ɓɔɔ, mɔɔ doo jasang ɓɛɛ kpang. Nwang ɓaa zang ɓɔɔ, zang ɓɔɔ ri dũng Laa ri kpɛ̃ɛrɛ́ vuu ka bii ɓaaɓɛ ɓɛɛ. Ri kpɛ̃ɛrɛ vuu ka yee ɓɔɔ mɔɔ rang ɓɛɛ, nɛɛ vuu ɓɔɔ mɔɔ palɛ, nɛɛ naa ɓɔɔ mɔɔ kasɛ zang ɓɛɛ, ka danggn ɓɔɔ mɔɔ shing ɓɛɛ, a ɓɔɔ kaa nwannang tɔ̃ɔ ɓaaɓɛ.

Yahudi 1:14

Ka ruu nɔngkɔ zang nyaa shonang Laa ɓɔɔ ri ka lapa, ri ɓarɛ zang ɓɔɔ ri pàlɛ́ Laa shonang ɓɛɛ waati. Laa shong ri, nɛɛ ri yi rɛɛ zang ɓɔɔ wu naa ta yuu ɓarɛ naa ka bii.

Yahudi 9:24

Kirisi dàa ka yeti putali ɓɔɔ shɔnzang palɛ nɛɛ naa, ɓɔɔ ɓi jasuru ɓɔɔ niizang ɓɛɛ kpang. Daa ɓi ka lapa dɔ̃ɔ gbete, nɔng ɓɔɔ wu shii kagn, ka tĩng Laa, ka nung ɓuru ɓɛɛ.

Vuu ɓɔɔ zang nwangsɛ Yɔhana 8:2

A n zi rɛɛ zang nyaa shonang Laa ɓɔɔ ri ka lapa ɓɛɛ ɓɔɔ manziti kaɓa, ɓɔɔ ri shiiri ka tĩng Laa ɓɛɛ, a zang, a zang ɓu gboo ka naa.