Matiyu 17:22 - Nyaa Shɔɔ Ɓɔɔ Laa a Ɓɛɛ

²² Zang ɓɔɔ ri mantɛ vuu ka bii ɓiɓɛ ri kpalɛ zɔɔ tɔ nandon ka Galili, a Yeesɔ kɔɔ ri ruu keɓe kati tɔɔ, “Zang ɓɔɔ naa tuu m ɓɔɔ n Jaa Shɔnzang ditɔ naa a zang.

Matiyu 17:22 Σταυροειδείς Αναφορές

Matiyu 16:21

Yeesɔ gàa zang ɓɔɔ ri mantɛ vuu ka bii ɓiɓɛ tɔɔsung yee rannang ka diki kaɓa, nɛɛ wu daa Urushalima ditɔ. Wu daa dang jĩng ditɔ gbãng gbãng, ka naa zang bang gãa Laa, nɛɛ rɛɛ Kpanti zang ɓɔɔ ri dɔɔ Laa vuu, nɛɛ zang ɓɔɔ ri tusu zang vuu ɓɛɛ. Ri naa nyɔ wu vɔrɔ kati. A Laa naa wisi wu paa ka lee ɓɔɔ diki daa taati ɓɛɛ.

Matiyu 16:28

N kɔɔ nɔɔ ruu ɓɔɔ niizang kɔ nwani, zang dɔɔli ka teteng zang keɓe, ri vɔ kpang. Ri zi naa ɓɔɔ Jaa Shɔnzang naa a ka yeti bannang kpanti roonang ɓiɓɛ ka gbongkarɛ.”

Matiyu 17:12

A n kɔɔ nɔɔ, Iliya a tɔ, ri zi wu nung kpang. Ri palɛ wu vuu piti ɓɔɔ yeti ɓarɛ kasɛ ɓɛɛ. Ri naa dang Jaa Shɔnzang jĩng doo nɔngkɔ.”

Matiyu 17:23

Ri naa nyɔ m vɔrɔ. Laa naa wisi m paa ka lee ɓɔɔ diki daa taati ɓɛɛ.” Ɓɔɔ zang ɓɔɔ ri mantɛ vuu ka bii Yeesɔ ri tãa naa weɓe, yeti ɓarɛ lasɛ dɔɔli.

Matiyu 17:9

Ri shooro doo naa nɛɛ kɔpɔ, Yeesɔ shaarɛ ri nyaa nɛɛ, “Nɔ́ɔ kɔɔ zang ɓɔɔ vuu kɔ nɔɔ zi ɓee kpang, Kpanti Laa wu wisi Jaa Shɔnzang paa nɛɛ vɔrɔ ka gbongkarɛ.”

Matiyu 24:10

Ka diki kaɓa, zang dɔɔli ri naa yaa danggn ɓɔɔ ri shing ka bii Kpanti Laa ditɔ. Ri naa kasɛ ruu zɔɔ takpang, ri naa malɛ yuu zɔɔ ditɔ.

Matiyu 26:16

A Yahuda gaa tɔɔsung gbalang kãanang ɓɔɔ wu naa mãlɛ́ zang Yeesɔ kaa nɛɛ diki kaɓa kɔ.

Matiyu 26:46

Nɔɔ seepaa ta ruu gbãayu. Nɔɔ zirɛ, zang ɓɔɔ nyɔ yuu mɛɛ kɔ a kana ɓa.”

Maraku 8:31

Yeesɔ gaa ri tɔɔsung vuu tusunang tɔɔ, “Ɓɔɔ n Jaa shɔnzang n naa dang jĩng ditɔ dɔɔli. Zang bang zang Yahudi, nɛɛ zang bang bang zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, ri naa bɛ̃ɛ m ditɔ. Zang naa nyɔ m vɔrɔ, Laa naa wisi m paa ka lee ɓɔɔ diki daa taati ɓɛɛ.”

Luka 24:26

Nɔɔ zi kpang nɛɛ Kirisi dang jĩng vuu keɓe ka gbongkarɛ, tɔ̀ɔ, zang a wu bannang ɓiɓɛ kpang ya?”

Luka 24:46

A kɔɔ ri nɛɛ, “Wee vuu ɓɔɔ zang bee ɓɛɛ, Kirisi dang jĩng, wu ti vɔrɛ, diki nɛɛ daa tɔ taati, wu yupaa nɛɛ sàa.

Luka 9:22

A ti kɔɔ ri tɔɔ, “Jaa shɔnzang naa dang jĩng ditɔ dɔɔli. Zang bang, bang zang Yahudi, nɛɛ zang bang bang zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, ri ti bɛ̃ɛ wu, ri nyɔ wu vɔrɔ. Laa naa wisi wu paa ka lee ɓɔɔ diki daa taati ɓɛɛ.”

Luka 9:43

Zang ɓɔɔ ri ka nɔngkɔ piti, ri mã naa ka danggn ka ruu vuu piti ɓɔɔ Laa palɛ ɓɛɛ. Ɓɔɔ zang ri mã naa doo ka danggn, ka ruu vuu ɓɔɔ, wu palɛ ɓɛɛ. Yeesɔ kɔɔ zang ɓɔɔ ri mantɛ vuu ka bìí ɓiɓɛ tɔɔ,

Zang Shonang Yeesɔ 7:52

Zang nyaa shonang Laa kagn gbete ɓɔɔ rɛɛ dáa manɛ dang wu jĩng kpang ya? Zang ɓɔɔ ri kɔɔ ruu anang zang tɔ̃ɔ keɓe ka tĩng, rɛɛ daa manɛ ti nyɔ̀kɔ̀ ri vɔrɔ. Wee nɔɔ ti nyɔ yuu ɓiɓɛ tɔ, zang nyɔ wu vɔrɔ tɔ.

1 Koranti 11:23

Laa tùsù m vuu kɔ n tusu nɔɔ ɓee doo ka tĩng. Tùsù m tɔɔ nɛɛ zĩi, ka diki ɓɔɔ zang nyɔ yuu Kpanti Yeesɔ Kirisi kagn ɓɛɛ. Tuu borodi ka naa,