Matiyu 17:17 - Nyaa Shɔɔ Ɓɔɔ Laa a Ɓɛɛ

¹⁷ A Yeesɔ kɔɔ ri tɔɔ, “Nɔɔ zang shi kpang koo jaa knti kɔ shing danggn ka bii Laa kpang ɓee, nɔɔ nɛɛ n nwang nɛɛ nɔɔ saa nɛya? Nɔɔ nɛɛ ń mã danggn nɛɛ nɔɔ saa nɛya? Nɔɔ atɛ m jaa ta.”

Matiyu 17:17 Σταυροειδείς Αναφορές

Matiyu 13:58

Yeesɔ palɛ vuu ɓɔɔ zang zirɛ zang mã naa ka danggn ka nɔng kaɓa dɔɔli kpang, ka ruu ɓɔɔ, ri shing gn ka bii ɓiɓɛ kpang ɓɛɛ.

Matiyu 16:8

Yeesɔ ti zi ruu ɓɔɔ ri rang nɛɛ zɔɔ ɓi tɔ. A hɛ̃ɛ ri tɔɔ, “Nɔɔ zang kɔ nɔɔ shing danggn ka bii Laa rɛ̃rɛkɛ ɓi. Nɔɔ rangkɛ ɓu ka ruu vi, ka naa manɛ nɛɛ, nɔɔ a nɛɛ borodi ka naa kpang viya?

Matiyu 17:16

N à nɛɛ wu ka bii zang ɓɔɔ ri mantɛ vuu ka bii ɓaaɓɛ, ri zunung ɓɔɔ ri masɛ wu kpang.”

Matiyu 17:18

A Yeesɔ mangkɛ suru shi kpang, a suru shii kpang nwangnɛ. A kɔnang yaa jaa bii kaa tantɛnang.

Matiyu 6:30

Mangwaa vuu ɓɔɔ zang zi lɛɛkɔ, ɓuru waatɛ kaa tɔ, zang tasɛ kaa waa ɓɛɛ. Kpanti Laa nɛɛ pàlɛ́ ri shinang katɔ naa weɓe, pàlɛ̀ nɔɔ, ɓɔɔ nɔɔ ɓa ri katɔ manɛ kpang ya? Nɔɔ ɓɔɔ nɔɔ shing gn ka bii Kpanti Laa rɛ̃rɛkɛ ɓɛɛ.

Matiyu 8:26

Yeesɔ kɔɔ ri tɔɔ, “Zang kɔ shing danggn ka bii Laa rɛ̃rɛkɛ ɓee, nɔɔ káa vɔrɔ vi nɔngkɔ viya?” A seepaa mangkɛ jasung nɛɛ mii ɓɔɔ gɔnsɔ zɔɔ ɓɛɛ, a ri kàa kati.

Maraku 16:14

Kaa nɛɛ knti, Yeesɔ naa nwang nyaa ka bii zang kopi tu gbete ɓɔɔ ri mantɛ vuu ka bii ɓiɓɛ, bɛ̀ɛ́ ri shaa doo vuu shaanang. A mangkɛ ri, ka ruu ɓɔɔ, ri shing danggn nɛɛ, wu doo ningkãari kpang ɓɛɛ. Ri ti kasɛ vuu ɓɔɔ zang ɓɔɔ ri zi wu tɔ, ri kɔɔ ri kpang ɓɛɛ.

Maraku 9:19

A Yeesɔ pɛ̃ɛrɛ zang ɓɔɔ ri mantɛ vuu ka bii ɓiɓɛ, a kɔɔ ri tɔɔ, “Nɔɔ zang koo jaa knti keɓe, ɓɔɔ nɔɔ shing danggn ka bii Laa kpang ɓee, nɔɔ nɛɛ ń nwang nɛɛ nɔɔ saa nɛya? Nɔɔ nɛɛ n mã danggn nɛɛ nɔɔ saa nɛya? Nɔɔ atɛ m jaa bìí ta.”

Luka 24:25

Yeesɔ rang ri yee tɔɔ, “Nɔɔ manɛ zang ɓɔɔ nɔɔ zũng kpang ɓɛɛ, ɓoro manɛ valɛ bii dɔɔli, ka ruu ɓɔɔ, nɔɔ shing danggn ka vuu ɓɔɔ zang nyaa shonang Laa kɔɔ kpang nandon ɓɛɛ.

Luka 9:41

Yeesɔ kɔɔyi tɔɔ, “zang koo jaa knti keɓe, nɔɔ shi kpang. Nɔɔ shing danggn ka bii Laa rɛ̃rɛkɛ. Nɔɔ nɛɛ n nwang nɛɛ nɔɔ saa nɛya? Nɔɔ nɛɛ n mã danggn nɛɛ nɔɔ saa nɛya? Atɛ m jaa ɓaaɓɛ ta.”

Yɔhana 20:27

A kɔɔ Tooma tɔɔ, “Hãa saa naa ɓaaɓɛ ka nihn, mɔɔ ti pɛ̃ɛrɛ naa mɛɛ. Mɔɔ dĩi naa ɓaaɓɛ, mɔɔ hãa ka kagn buru mɛɛ. Mɔ́ɔ nwàng wu zang ɓɔɔ yaa gn naa kpang, nwang ɓaa zang ɓɔɔ shing danggn ɓɛɛ.”

Zang Shonang Yeesɔ 13:18

Laa ti mã danggn nɛɛ ri nung saa laa ziti ka jĩngti.

Zang Shonang Yeesɔ 2:40

Bituru rangkɛ ri ruu ɓɔɔ kaa gn dɔɔli, a shaarɛ ri nyaa kati tɔɔ, “Nɔɔ ta yuu manɛ katɔ nɛɛ naa jĩng ɓɔɔ zang naa dǎng zang ɓɔɔ yeti ɓarɛ shi kpang ɓɛɛ.”

2 Koranti 11:1

N zɔ̃ɔrɔ nɔɔ, nɔɔ mã danggn tɔkɔlɔng nɛɛ vuu shoko kɔ n palɛ ɓee. N zi tɔ, nɔɔ mã danggn katɔ.